هذه قصيدة مختاره للشاعر: فيصل التويجري
ياصعيبات القوافي مع معانيك إجهزي
شاعـرك لامن نــوى للكايده ماتعجــزه
مـا أورد للفــروع إلا أجي للمــركــزي
أنهل المي القراح المندفق من مركزه
ما ألد الشوف للي بالزمن مايحرزي
عقب غلام(ن) فعول إيديه ماهي تبرزه
أجمع الدر النفيس بغبت(ن) ماتنغزي
وأبذل المعروف يوم اللاش دره يكنزه
ماربح خطو البخيل اللي لماله يكنزي
عايش(ن) مار البلا بالدون كل(ن) ينبزه
عادة الصيروم فعله في هداده يبرزي
والكوابج فعلها النادر سواة المعجزه
أعشق الطايل وجنب عن مطامين الخزي
مسلم(ن) مؤمن ولا علقت بالعنق خرزه
مسلم(ن) وأفخر وبيرقنا سما متمركزي
من رجال(ن) في ميادين العلا متمركزه
من فضل ربي لنا فوق الطوايل تركزي
كل بيضاء وفعلنا مافيه باخص يلمزه
أفتخر بأني حفيد الجود والساس عنزي
لابتي قد قيل عنها كل قوم ولا عنزه
أفتخر وإن شاش راسي قمت أصوت معتزي
وأرفع البيرق على خشم الطويله وأركزه
أفتخر بأني حفيد الجود والساس عنزي
لابتي قد قيل عنها كل قوم ولا عنزه
Htjov fHkd ptd] hg[,] ,hgshs uk.d
أفتخر بأني حفيد الجود والساس عنزي
العرض العادي
