... اسبوع ....... أصعب سؤال ...

[راما الرفدي]

أسبوع مرّ !! ولاوصل منك مرسـال
ياقوّ قلبك كيف تقطعنـي أسبـوع ؟!
الجوع كافر ! وانت ماترحـم الحـال
وانا عليك من الولـه ميـت ٍ جـوع
ياللي غيابك صعب يطري على البـال
تركتنـي ضايـق وحايـر ومفجـوع
ماكنّـي الا: شايـب ٍ فاقـد عـيـال
وماكنك الا: محرم ٍ حق مشـروع !!
يفوع لك قلبـي ليـا مـر الاطـلال
ياليت مالـي قلـب يشتـاق ويفـوع
حسبي عليك شلـون قطعـت الامـال
بآآآموت لاصار الامل فيـك مقطـوع
ياصاحبـي ماكـل نـزّال رحّــال
انت الحيّا من وين مارحت متبـوع !!
نسيانـي لـزول ٍ بالاعمـاق يختـال
اصعب على صاحبك من حبة الكـوع
لو الثمن في شوفتـك عمـر رجـال
كان الثمن من يوم ماغبت مدفـوع !!
ولو القدر مـا تـم قولـه ليـا قـال
ماضاق صدر ولا انحنى راس مرفوع
ياصاحبي عشقتنـي فعـل وخصـال
وانا عشقتك شعر واحساس وطبـوع
وشلون تتركني كذا لا اشهـب الـلال
وقدّام عيني تجف ينبوع .. ينبـوع !!
وانا عشانـك جيـت والغيـم همّـال
اسيّـل الوديـان واداحـم جـمـوع
ماردّنـي عنـك سواليـف عــذال
تزعل عليّ ربوع وتقـدّر ربـوع !!
كان المهم اعيشـك جنـون ووصـال
ويكون لي كلمه ولـي راي مسمـوع
واليوم ضاقت بي من الجـال للجـال
فرقاك تقصم ظهـر وتحـز وتلـوع
لو جيت شفت الحال ماسرّك الحـال
في غيبتك ضايق وحايـر ومفجـوع
هذا غياب اسبوع وشلون لـو طـال
طالبك .. لايطوّل غيابك عن اسبوع !!

ا



صعب سؤال / اللي جوابه للأسف مثله / سؤال / !!

ما هو تفلسف !! الا موقف صار واسمع " ثاني بيت" :

البارحه يومه سأل : وش ذكـرك ذيـك الليـال ؟

كان الجواب بكل بساطه : من متى اصلا نسيت ؟

ادري بان جمع / الصعوبه والبساطه / شي محـال !!

لكنها صارت كذا ! واللي / اهـم / انـي دريـت :

ان الحيـاه فبعـد احبـابـك اذا جــف الـوصـال

اتعيشها لو تقتنع انك خـلااص اصبحـت / ميـت !!

يا صاحبـي لـو كـل شـي يمـر باالخاطـر يقـال

مـا كانـت العبـره تولجنـي اليامنـك طـريـت ؟!

شفني قدرت احبس دموعي بس / دمع القاف / سـال

ويا كبرها ساكت ولكـن داخـل اوراقـي بكيـت !!

عمر الحكي ما كـان دافـي لاابتـدى بقولـة تعـال

لجل اتجاهـل رجفـة حروفـي اليامنـي حكيـت ..

الحـال فـي بعـدك قسـم بالله مـا اسميـه حــال

انوي على الضحكه واحس كلي خطا لانـي نويـت ؟!

اتصور انك مـن رحلـت اشوفـك لجسمـي ظـلال

لا شفته امشي ببتعد واثـره معـي مهمـا مشيـت !!

مـدام يعنـي فـي بحـرك لفرحتـي مليـون جـال

وش فيه موجك ما ركد ؟ قربت اموووت وما رسيت ..

يرضيك ما عـادت معـي تفـرق اذا جالـك مجـال

لاني اقتنعت انك نهايه وانـي ببطـي مـا بديـت !!

صرت / اعقد حجاجي / اذا جابوك باطراف الجـدال

وانا قبل لاقالوا اسمـك كنـي : ميـت ثـم حييـت!؟

تعبـت اعيـش الـدور وافتـح للمعاذيـر الخـيـال

واتخيل انـي جيـت فـي بالـك وبانـك استحيـت!!

وتردلي كلك / وله / وتقول : كن البعد طـال ؟

ومن الفرح ما عاتبك واقول : ياخـي مابغيـت !!

حتى وانـا تخيـل حشمتـك ! لـأن قلبـي لا يـزال

يكرر اسمـك داخـل اعماقـي بنبضـه لا سهيـت..

قلي شسوي فيـك ؟ وانـت بداخلـي اصـدق مثـال

للحب واحساس القصيد ان عانـق الليـل وسريـت..

ربـي يصبرنـي علـى الفرقـا مـدام الحـظ مـال

وانت بيجيلك يوم تعرف ليـه فـي بعـدك شكيـت !!

واذا بـلاك الله وعذبـك اشتياقـك / بـس تعـال /

واقرى القصايد في غيابـك كلبوهـا بيـت ... بيـت

بتدرى ان / اصعب سؤال / اللي يجي رده / سـؤال /

لا قلتلي / وش ذكرك ؟ ثم قلتلك / متى نسيـت ؟

>>> hsf,u >>>>>>> Hwuf schg >>>

[خالد اليعيش]

,

فالعَشَقْ لاَيَنْتهَي ,
وَالحرف العتيق .. شهي مذاقه
ويغري المنصتين .!

وِدِ ~

v]: >>> hsf,u >>>>>>> Hwuf schg >>>