مرثية بأخوي مقبل عبدالله العنزي

تركي عبدالله العنزي · 30-10-2009, 12:30 AM

السلام عليكم ورحمة الله وبركاته

لم اتمنا ان اغيب واعود بهذا الحزن اللذي ملأ صدري بوفاة اخوي مقبل ولكن تواجدي بينكم يريحني جدا

هذه ابيات بسيطه بأخوي مقبل بعد ان توفا قبل عشرة ايام بحادث سياره واناشد بها ابنه ماجد - لاتنسوا الفقيد من دعاكم

الله يرحمه ويتغمد روحه الجنه

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يقطعك يادمعن على الخد همال=ياقو باسك كيف تحرق خدودي
اخفيت ذرفك مير بايق وقتال=عجزت اداري عبرتي في سدودي
ابكي على اللي بالمقادير رحال=خلا دموعي بالمحاجر تزودي
اخوي مقبل حالتي ماهي بحال=خليتني والموت حملن ينودي
جتني جيوش الحزن طال ورا طال=تدك صدري من وسيع القدودي
لين استحلت بالمعاليق منزال=واستيسرت قلبي ودمعي وذودي
ابكي افراقك يابعد كل رجال=لو كان دمعي مايرجع جدودي
واللي سألني حالتي قلت له عال=والله ماني عال دمعي شهودي
اضيق وهمومي تكدر بي البال=والليل يبكيني وحزني سنودي
ياماجد اسمع عمك اليوم وشقال=اللي رحل ماله علينا ردودي
مير العوض بالله إليا زانت الحال=ثم فيك يالنشمي تشد العضودي
ابوك راح وتارك خلفه رجال=مانتم لفايق ياعريب الجدودي
مامات من خلف معاريب واشبال=وماغاب ذكره دام علمك سنودي
تكفا ترى تكفا لها وزن واثقال=لاتخيب الهقوه ويفرح حسودي
المرجله والمرجله مابها جدال=امسك ازمام المرجله يالصمودي
بالدين والتقوى وجزيلات الافعال=والبر والطاعه ووصل محمودي
تكفا ولاتتبع مغبات الانذال=اللي توردك الهلاك وتعودي
العفن مافادك ولوكان لك خال=يكيل سمه بالضماير حقودي
يارب ياعالم خفيات الاحوال=ياواحدن ماله شريك بسجودي
يارب عبدك لاتوريه الاهوال=وتجزيه بالجنه وحسن الورودي
[/poem]

lvedm fHo,d lrfg uf]hggi hguk.d

الجادل · 30-10-2009, 10:03 AM