[poem=font="tahoma,5,darkred,no rmal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
مثل وفاء سلمان / بقلمي
خلك وفي لاخوك حيث انه اخوك=مثل وفاء سلمان لاخوه سلطان
يوم الليالي خلت الصدر مضنوك=في حينها سلطان بالحيل مرضان
سلمان كنه بالفضاء صار ماكوك=كم دولةٍ دكتورها جاه سلمان
وفي جانبه سلطان ويقول ياخوك=انا معك والجفن مانام سهران
والشافي المعبود مافيه مشكوك=الموت والحياه بيدين رحمان
لين ارتحل سلطان والباب مصكوك=وهلت دموع العين والقلب
حزنان
هذولي الاخوان لوكانوا ملوك=وقفاتهم تبقى على طول الازمان
هذا الاخو لادك بالقلب داكوك=ياقف معك بافراحها وكل الاحزان
اخوك لامن الاجانيب عادوك=يصير لك من دونهم ساس بنيان
ولاغيبت سود الليالي سماء ابوك=هو العوض تلقى به العز والشان
اخوك لامن الدراويش حدوك=وقف معك وقال اخوي مايهان
اخوك ثم اخوك واخوك واخوك=مانام وانته خاوي البطن جوعان
مير المصيبه لابدا اخوك صعلوك=لوكنت معه زين ماهو معك زان
مع الرداء يزرع لك بدربك الشوك=يشوف نفسه والنظر فيك حقران
بعده يجيب الغيث والغيث مبروك=وانت الذي ربحان لوكنت خسران
نايف الشويب السليمي
[/poem]
leg ,thx sglhk L frgld
مثل وفاء سلمان / بقلمي
العرض العادي
