حقيقة هذلول الشويهري ومقتل عقاب

[محمد بن مغــراء]

الرد الشافي والفاوي لخوووي محمد بن مغراء ...

دام الصدور وسيعه اجل بنقول الي نعرفه عن التاريخ بمعلوماتنا المتواضعه ...

اولاً .. التاريخ لايعترف بالعاطفه وكل ماذكرت مثبت بتاريخ واتمنا انك ماتخلط الامور وتجعل الموضوع شخصي بيني وبينك ليستفيد القارء...

حدود الدولة الرشيديه مثبته وموثقه ولا تقدر حتى تنكرها !!

من اطراف سوريا وصولاً الي الكويت واطراف من جنوب العراق والي جنوب الجزيره العربيه وصولاً الا قبل نجران 170 وهي دولة ذات سيادة بيوم من الايام وخرائطها بجميع الكتب التاريخيه المختصه وتعب نفسك شوي وتشوفها ان شاءالله ..... وذكرت مصادري في رد سابق ومن رحاله اجانب وكتب مختصه بدول القديمه !!!

-----------------------------------------------------

الامر الاخر هو :

كل من على هاذي الارض دفع الزكاة لشمر !!!

والكلام هذا مايقوله فايز المفضل لا يابناخي يقوله المبعوث الروسي البارون ادوارد نولده بكتابه الاوضاع السياسية في وسط الجزيرة العربية عند نهاية القرن التاسع عشر !!!

--------------------------------------------------------

ثانياً موضوع الاسرا ابن سعود وعقاب والشريف .. وتسميه استهزاء مني

ان ذكرت لك التاريخ تقول استهزاء !!! لا الومك بصراحه قد يكون التاريخ صعب عليك قليلاً

عقاب العواجي وابن سعود رديت عليهم بردود سابقه مع ذكر الدلائل من القصائد

اما الشريف هذا دليله ويقول الشريف \ محمد

يامـن لـعيـنـن للـشـريـف محـمـد=تهلهل دمعه مـن مخـة الـراس حـادر
جريت السرايـا مـن الطايـف والحـرم=وصلنـا وجلـنـا يــم واد الـدواسـر
وصلنا على ابن حميـد بالنيـر وانتحـى=اقفـى وقفـى عـن لقـانـا مخـايـر
وصفقناهن باليسرى على الصقور وانتحوا=اقفـوا وعرفـوا بـه حمـران النواظـر
وجينا الديرة اللي اسمهـا باسـم اهلهـا=كـرام اللحـى بايـام حـر المسـاعـر
رجـنـا وروجـنـا بـديـار شـمــر=بديـار مرويـن الـعـدى بالشـواطـر
مناخـنـا لعـبـده تسعـيـن لـيـلـه=بساقـي بزاخـه لاسقتـهـا المـواطـر
وفاضوا مـع بيضـاء وفضنـا وراهـم=لجـوا والتجـوا فـي طمـان المغاتـر
بالتلعـة اللـي جعلهـا لساقـي الحيـى=التلعـة اللـي كـل حـصـوه جـفـادر
وجتنا السرايـا بيـن متالـع والحضـن=تسمـع زغاريـت البنـات الجـواهـر
جتنـا جحافلهـم علـى ظهـور ظمـر=قب(ن)يشـادي صرعهـا كـل نـادر
اذا اقبلـن مثـل الشياهـيـن للعـلـف=وان ادبـرن مثـل اللقـاح الـصـوادر
وتطـاردن باللغـف فـي حـد موقـق=وصـارت علينـا مـن كبـار الكسايـر
صحنـا وقلنـا الخيـل يابيـص فكـنـا=يابيص يابيـص الوغـى يابـن شاكـر
رده عليهـم بيـص واحمـر السـمـاء=وصارت فـروق الخيـل مثـل البواخـر
تسمع حسيس سيوفهـم فـي ظهورنـا=مثل نشيـش المـزن مـن نـو ماطـر
وتشوف جثي الخيل مـن حـر ضربهـم=مثل خشب سـدرن مـع السيـل حـادر
عـبـده وزوبــع لاتصـافـوا بـيـنـهـم=حريبهـم ضـاقـت علـيـه المعـابـر
يامكرمـيـن الجـار يـاغـش ضـدهـم=وسـاع الطعـون ومدركيـن التفـاخـر
يامدلهيـن الخـور بـارض المخـافـه=لاجـاء نهـارن فـيـه وارد وصــادر
وردنـا الحليفـه تاركيـنـن شيوخـنـا=فياض وحوشان ومقتفي الخيـل ناصـر
وتركنـا سالـم والزنـاتـي عـبـدالله=والله عليـمـن بالخـفـى والظـواهـر
مـلـنـا عليهـم مـيـلـتـن مــن خطـانـا=وانــا عـلـى مـاقـدر الله صـابـر
حلفت ماتـي ديارهـم عقـب مامضـى=لمـا نتـواجـه عـنـد رب المـقـادر
هــذا كـلامـن لـلـشـريـف محـمــد=يذكـر فعولـن ماضـي(ن) لـه بـوادر
وخـتـامهـا صلـو علـى سيـد الـمـلا=عـداد مــن أذن بــراس المنـابـر

والقصيده تشرح نفسها !!!

ثانياً : السديري الله يرحمه ويرحم جميع اموات المسلمين انا ماسبيته ياخوي!!!

انا قلت انه غير محايد وكتابه جا على حساب كسب علاقات جيده مع الاسره الحاكمه بعيد كل البعد عن الدقه والحياديه .. ودليل على كلامي هل يصدق عاقل انه كتاب عن ابطال الصحراء لايوجد فيه ذكر قبائل كقبيلة مطير والعجمان وغيرهم من القبائل العريقه !!!

كتاب ثلث للعواجيه وثلث لبن سعود وثلث لحياته ومسيرته الشخصيه !!!

1- عطني اسم ام السديري
2- عطني اسم زوجته
3 - عطني اسم الروات الي موثق كتابه فيهم ( للعلم اغلبهم عنزه )
4- ماعندك دليل غير كتاب السديري مثلاً ؟؟؟ وهو بس الزين والباقي كلهم غلط ؟؟

واتمنا اني اكون غلطان لانها كبيره بصراحه

--------------------------------------------------------------------------

يقول بكتابه انه هايس القعيط دوسري ومستند على انه هايس من البريك فخذ موجود بزوبع وموجود نفس الاسم بقبيلة الدواسر ؟؟؟

يعني تشابه اسماء هذا الي بنا عليه السديري بكتابه فقط لاغير !!! لاعد جد ولا غيره

ونعم بدواسر لاكن زوبع ردت عليه وعدت نسل هايس الا زوبع والمعروف عند القبائل الي يدخل على قبيلة يعجز على ذكر سابع جد !!!!

ورد عليه حفيد هايس وقاله :

حنى نوسم الرجال هو مايوسمنا ...

والمعروف انه الشيبان يقطونها كاش مايجاملون وعجبني كثيراً رده على السديري بصراحه ...

يمكن كان يتمنا ينسب فعل هايس لربعه ....

القبايل يحبون ينسبون الرجال الطيب الي فيه خير لهم << وجهة نظر

اخيراً وليس اخراً

هل تعلم لماذا السديري له لقب امير !!! هو الوحيد من غير جميع القبايل ؟؟؟

اذا تجهل الوضوع راسلني واعلمك عشان ماتستشهد بكلامه !!!

ثالثاً موضوع الانساب ابن صباح وابن سعود وال خليفه

ال خليفه الكرام فعلاً عنزه ..

اما ال سعود وال صباح الكرام انت نفسك تعلم انهم ماهم عنزه وابن سعود البدو يسمونه اول حمر الطرابش وابن صباح عرقه بعيد شوي ولا احب ادخل بتفاصيل اسره حاكمه...

عموماً اذا تقدر تعدلي جدان ابن سعود وابن صباح وتنورنا اذا كنا نجهل اصلهم معني شخصياً اعرف اصولهم !!!!

اما قصت الي قتل عيال اخته عشان حكم قبله واحد قتل اخوانه الاثنين وهم نايمين و والكويت ماتنكر الشي هذا ...

وبعده واحد خان بأمراء القبايل الي ساندوه بحكمه ضد شمر !!!وصورة سلطان الدويش وهو بالباخره البريطانيه اكبر دليل ... تجرأ على ذكر الحقائق ؟؟؟

اما بنسبه للمنع مرفوع هاذي جديده يابعدي اول مره اسمع بتاريخ عند دخيل يدخل بوجهك وتقوله المنع مرفوع !!!! نازل فيه تعميم وزاري مثلاً ؟؟

منهو فينا الي كلامه ماهو منطقي !!!

ماعليه مقدر انه ذبحت الدخيل صعبه عليك شوي .. لو كان مرفوع على قولتك ليه كل القصايد الي جت بهذلول انذكر فيها انه منيع لبن نوبان ؟؟؟

هاتلي قصيده تثبت انه المنع مرفوع وانه ماكان دخيل ودمه بارد يوم ذبحه عقاب ...

وهاذي قصيده مني اثبات وهات اثباتك ... مبيريك التبيناوي يقول :

نوت لياصاحت وزجت اصوات = هيفاء ترا العام لجت اقطينه
على شجاع (ن) منا راح للموات = منيع ابن نوبان هم خابرينه
هاذي قروض(ن) بينا يالقرابات = ياحلو ردات الجزا قبل حينه

وقصيده ثانيه لمبيريك يقول فيها :

ياضبيب لو ذبحت كل الزماميل = ذبحت دخيل البيت ماتفتح الباب

واتمنا انك ترد علي بدليل وماتعطيني اجتهاد لك شخصي واذا بترد علي بجتهادات شخصيه وفرها يابعدي لك ...

-----------------------------------------------------

وتقول انه شمر كلها على العواجيه ...؟؟؟

مدري وين قاري المعلومه هاذي انت بصراحه لاكن برد عليك ...

الي جا مع هايس زوبع من العراق ونزل عند خاله ابن رمال وراحو معاه ثلاث وغادين من عبده ووغادين عند شمر يعني صغار سن اعمارهم 17 و18 ..

وانشهرت بعدها مقولة حظ العبيدات من شمر 3 من عبده خذو الصيت بذبحت الشيوخ وزوبع مالها شي !!!وهم الي جايين لثار

ودليل قصيدة سعدون العواجي الي يقول :

جانا النذير وقال خوذو حذرها = سباع الجزيره يمكم عادياتي
سباع (ن) كلها بالجزيره ديرها = سباع(ن) دعاها الصوت قبل المماتي
هايس ورا الشطين يمي عبرها = عبر لنا بثار نهر الفراتي

ودامك تقول اني متابع الموضوع من الاول احب انورك بالموضوع الي حنى نتناقش فيه الي بدايته قال اخوي من بني وايل سؤال ليش عبده واسلم مافزعو لهذلول هل هو غير مهم عندهم !!

بس هذا دليل انك ماكنت معانا بالموضوع من الاساس !!!

وشمر فعلاً لم تجتمع الا ضد الشريف وهذا عندك غير الكلام هذا قوله ....

اما الجوف ماهي هديه من ابن شعلان الجوف اخذها محمد المهاد بسيف .. تنكر !!!

وهاذي قصيده لمرخان راعي الجوف ماهو شمري ولا عرقت فيه شمريه ويقول :

الكيف توه طاب لي والكرى زان = وشربي نقع بين الضلوع الصناديق
عصر الخميس أمسيت والقلب فرحان = جتنا علوم مثل قطف الزماليق
العلم جابه لي جرّيد وفاران=احلى من السكر على الكبد لا ذيق
قالوا نهب ريف المراميل بدوان =وخلى بوادي الجوف ناس مشانيق
هي هقوتي بك يانضايض كحيلان=الله يعطيك السعد والتوافيق
ياشيخ يانمر الجبل حام الاوطان=حماي بالضيقات تالي المساويق
عديت يامسطور الاولاد ضرمان=متحمل تبغي منافر ضنا القيق
وادليت بوادي الجوف واذهبت عربان=حمايل ضاعت غروب ومشاريق
وسيلت وادي الجوف من دم صبيان=ناس على نثرة دماكم مشافيق
حلوا بهم بالجوف طلقين الايمان=ستر مروين الرماح المزاريق
كون جرى بالجوف ماهو بالاكوان=على دغيم جان علم التصاديق
تشبع به الضبعا مع الذيب سرحان=و بقع النسور الهدف تاتي مخافيق
محرم لها بالخوف مروي شبا الزان=كرمة عزيز الجار ماهي تشافيق
ثاريك يادغيم من الربع حيوان=وش لك بشيخ يشلق الصيد تشليق
ياتيك بجموع وحضر وبدوان=ورقط تدفق ازرق السم تدفيق
حل القضا والامر من والي كان=تبغى الفراق ولا يضيل التفاريق
حامن عليكم يابن هذال عقبان=راجن وداجن واطلقن منكم الريق
نشبت مخالبهم بكم والخفي بان=واقبلت من دار السعه لمغزل الضيق
اغداك ياغادي الجدا كثر الاضعان=وخلايق معكم تلفق تلافيق
سلقا وملقا والكثيرين حبلان=غروكم المعدان عقادة الزيق
تناطح بهم ياتايه الراي فرسان=ياما اذهبوا من قبلكم من مخاليق
ياما دعاكم مسندي شت نجران=خبتوا وسبتوا مع كثير الطواريق
ساقكم سوق العير والمقطع القان=كم واحد عن حلته قبلكم سيق
خليت بيت الحرب واقفيت غضبان=واقفيت تنهق مع حمير نواهيق
الجيش خلي واقفت الخيل شردان=صارت على الحبلان ضرب وتضييق
هذي عوايدهم معفين الاوطان=ضياغم بالكون بلالة الريق
اخوان نورة من اول وذا الوان = مروين عطشان القنا بالمساويق
قزوك عن الحايط ولذات الاوطان=عن دار جدك والحقوق المطابيق
عدوهم ماهو من الناس ربحان=يمرح وقلبه بس يصفق تصافيق
وصديقهم يمشي مع الناس طربان=ويرتع خلاوي بالرياض المشاريق
ذا قول من لا دار بالقيل الاثمان=والصدق بين مايروق تراويق
عاداتكم كفوا المدايح بالاكوان=خصم الوزر نطاح حمر القواقيق
وصلاة ربي عد مايذن اذان= والا عدد مارفرفن الغرانيق

اما موضوع دعم الدولة العثمانيه لشمر فهذا شي يشرف مادعمتنا بريطانيا ب 5000 بصريف

ولولا ابريطانيا ماحكم ابن سعود وابن صباح خصوصاً اننا محاصرين الكويت ثلاث شهور والرياض كانت لنا وحتمو بالانجليز وسالفتهم معروفه يابعدي لاتفتح التاريخ راح وقته وانتها !!!

والله يعز الدولة السعوديه الاسلامه وابريطانيا انصرونا على العثمانيين

واتمنى لو تحب ترد على كلامي ترد بدليل اما كتاب اجنبي او من طرف محايد او من قصائد معروفه وموثقه !!!

ومايكون ردك كلام مبني على اجتهاداتك الشخصيه لانه التاريخ مايكتب بجتهادات ولا يعترف بالمنطق ولك شمر مثال قبيلة حكمت حكم دولة اين المنطق عن شمر ؟؟؟؟

تقبل تحياتي اخوك ...

فايز المفضل العبدي الشمري

.............................. .............................. .............................. .............................. .............................. .............................. .............................. .............................. ............................

مرحبا فيك مره أخرى

تقول الرد الشافي لي ياعزيزي ولله الحمد لايوجد أي داء نعاني منه أنما مناقشه لتوضيح الحقائق..

وتقول ايضاً

دام الصدور وسيعه اجل بنقول الي نعرفه عن التاريخ بمعلوماتنا(( المتواضعه ))...

نحن لانقبل الكلام المتواضع فأنت قد تحاسب عليه فأنت تتتكلم عن أموات مع هذا راح نكمل

حتى لو أنك بديت تعيد بنفس الكلام وربما أحتاج للقص واللزق مما سبق..

حدود ((قبيلة)) الرشيد على كلامك لأن على حسب كلامك تغيرت فكرة القارئ أن أبن رشيد لم يملك

دوله بديل قولك أنه حكم دول ولايوجد معه اي شخص من غير شمر ((هل يعقل يأخي أن دوله

مترامية الأطراف على حسب قولك لايوجد بها سوى أبناء عمومته.... قد تمت مناقشتها فثق لا أحد

يستطيع أن يننكر التاريخ...

وتقول أيضاً....

((((والكلام هذا مايقوله فايز المفضل لا يابناخي يقوله المبعوث الروسي البارون ادوارد نولده بكتابه الاوضاع السياسية في وسط الجزيرة العربية عند نهاية القرن التاسع عشر)))))
--------------------------------------------------------

يأخي الباحث دائماً اذا أستند على ثقة كاتب فيأخذ كل مايكتب لقد أوردت الى الآن خمس كتاب

مره زهراني وبعده بريطاني وبعده ألماني وبعده بريطاني وبعده روسي والجاي يمكن من أستراليا

يا أخي العزيز الكتاب الذين دونتهم كانوا يهتمون بمصالح دولتهم وكانت دولتهم تبني سياسات

للأطاحه بالدوله العثمانيه وكانو يكتبون كل شي يعرفونه حتى شيوخ القبائل والحناشل قد تتطرقو

لهم...

وأيضاً تقول...

ثانياً : السديري الله يرحمه ويرحم جميع اموات المسلمين انا ماسبيته ياخوي!!!

يأخي كلمة كذاب لاتقال الا للمنافق فقد أشبعتوا هذا الأمير من السب لماذا...؟

فقط لأنه سرد التاريخ وللمعلوميه هو يعتبر الأصدق بين الكتاب الذين تتكلم عنهم لأنه عاصر

الجيل السابق والذي قبله وأخذ كل ماهو صيحي... رحمه الله

تسألني عن نسبه عجباً...أنت تقول أن أمه عواجيه وخوال عياله عواجيه فقط قلت لك سمي

لي أنسابه وخواله اذا كنت صادق ....فلاتعيد أسألتي لكي لاندخل أنا وأنت بمجال الغباء...

أسر ال سعود وال صباح ربما تحتاج لسؤال أخي الباحث نايف الفقير فسوف يفيدك

ولكن لا يجب أن تكذب أميركم أبن رشيد رحمه الله

انتم بني وايل صدقاً بلاضن...... وحنا الضياغم اصلنا بقحطاني

اللي قتل أخته والعياذ بالله حايل تدري عنه ماهي الكويت على قولتك...

وتقول انه شمر كلها على العواجيه ...؟؟؟

مدري وين قاري المعلومه هاذي انت بصراحه لاكن برد عليك ...

الي جا مع هايس زوبع من العراق ونزل عند خاله ابن رمال وراحو معاه ثلاث وغادين من عبده ووغادين عند شمر يعني صغار سن اعمارهم 17 و18 ..

وانشهرت بعدها مقولة حظ العبيدات من شمر 3 من عبده خذو الصيت بذبحت الشيوخ وزوبع مالها شي !!!وهم الي جايين لثار

المشكله تسألني وتجاوب على نفسك...معه وغدين وثلاث وغدان..ماهذا الكلام يارجل

وتستشهد بكلام سعدون أنه جا لحاله ماجت قبايل شمر لولد سليمان ونزلت الأبيات

انت...وقد تجد الأجابه فيهم

جانا النذير وقال خوذو حذرها = ((سباع الجزيره)) يمكم عادياتي
((سباع (ن))) كلها بالجزيره ديرها = ((سباع(ن) ))دعاها الصوت قبل المماتي
هايس ورا الشطين يمي عبرها = عبر لنا بثار نهر الفراتي

أقراء مابين الأقواس وسوف تجد الجواب من لسان الفارس سعدون العواجي

سباعن جيوش ولم يقول هايس لحاله أنما بقيادة هايس...

أما متابعة اللموضوع لي قد لاتهمك حتى وأن تابعت صفحه واحده يجب تصحيح الغلط والمزاعيم

التي ليست صحيحه...

وللمعلوميه يأخي الكتب التي تتكلم عنها تأخذ من رؤس الأقلام ويتم التعبير بالصفحات...

قد أستنتجت من محاورتي معكم بالتراجع عن أشياء تقول القبيله الوحيده اللي

حكمت دوله هي شمر والآن تقول ايضاً عنزه بالبحرين...عجباً يأخي

تقبل تقديري وأعذرني على عدم أجابة بعض النقاط لأنه تم التطرق لها سابق فمن الغباء الأعاده والأزاده بنقاط سابقه...

أما من جهة مراسلتك تشرفني ياطويل العمر ولكن لا أحتاج تلك المراسله من أجل البحث عن

الحقائق...

تقبل أحترامي فلايوجد تصفية حسابات كما تقول وموضوع شخصي نحن أكبر من تلك بكثير

v]: prdrm i`g,g hga,divd ,lrjg urhf

[مرزقاني]

الاخ خالد الزبيني الدهمشي
ومن قال حيوه وحنا ما إنتقصنا من عنزة والنعم بها بس ياخوي التاريخ لايخضع للمجاملة

أما عن نسب السديري فهذا لايعنيني شخصياً

وبالنسبه للقصة اللي ذكرتها انت فهذه ماتناقله الجيل الجديد من كتاب السديري

المليئة بحركات الأكشن
أولاً الشيخ هايس ذبحه غنيم يوم كان جاي للحج والقصيدة اللي قالها ابن طوعان لأبن رشيد عقب ذبحته
واللي نسبها السديري لأبن عقاب

ياأخي عقلاً ذهناً إن كان ابن عقاب هو اللي ذبح هايس كان ماذبحه ابن رشيد ولا كان ماقال ابن طوعان

ياغنيم عندك هايس نطلبك دين

كان قال يافريح عندك هايس نطلبك دين

وبعد ين دام ابن عقاب فارس وقدر يذبح هايس وعمره 16 سنة طيب وش سوة يوم كبر (وين بطولاته)

وأرجع وأقول خلك من القص واللصق واستفتي قلبك وعقلك قبل السديري

v]: prdrm i`g,g hga,divd ,lrjg urhf

[مرزقاني]

طراد الوايلي

إنتهى النقاش بيني وينك دامك ماتعرف تناقش وإنتظر البحث لين ينتهي من دور الطباعة

وأنصحك تلفت لدراستك الحين لأنه تبين لي انك صغير بالسن وأنصحك لاتخوض بالامور التاريخية
عشان ماتوجع راسك

v]: prdrm i`g,g hga,divd ,lrjg urhf

[فهد الجعفري]

اقتباس: المشاركة الأصلية كتبت بواسطة خالد محمد الزبيني     أمه هي منيره بنت زيد الرشود من أهل القصيم . زوجاته : شريفة السلمان المطيري (رحمها الله)أم زيد نفله الشعلان من الروله (رحمها الله) أم مشعل رجنا بنت شطي بن فهد الرمال من شمّر(رحمها الله) أم خالد نوف بنت سلطان بن سطام الطيار من عنزه أم تركي نوره بنت ناصر بن أحمد البانمي (رحمها الله) أم شيخة مها بنت عبد الله المتعب من الجوف (رحمها الله) أم نورة وليس فيهن أي عواجيه لا بل من أحدى زوجاته بنت ابن رمال من شمّر . لقد تبيّن أن السديري ليست له علاقه لا من قريب ولا بعيد بالعواجيه . 1-أسم المعركه التي قتل فيها هايس القعيط رحمه الله : مناخ الوديان .( 1261 ) هجري 2-أطراف المناخ : -السويلمات من الدهامشه من عنزه و عقيدهم ( غنيم الربضا ابن بكر ) . -البريك من الخرصه من شمّر و عقيدهم ( هايس القعيط ) . 3-مكان المناخ : الوديان بالقرب من عرعر الآن و يعرف أيضا ب( وديان عنزه ) . تفاصيل المعركه : المناخ حصل بين السويلمات من الدهامشه وبين البريك من شمر وشيخ البريك هو هايس القعيط الفارس المعروف الذي هو وجماعته من قاموا بقتل الشيخ عقاب العواجي هو واخيه حجاب المعركه بالبدايه كانت بين البريك وبين السويلمات فقط ولكن تطورت الامور الي أن تدخلت أفخاذ اخري بهذه المعركه من عنزه ومن شمرومن ضمن الذين تدخلو من عنزه فخذ ولد سليمان من عنزه لأنها تعتبر فرصه لأخذ الثأر من الشيخ هايس القعيط لأنه هو شيخ الفخذ الذين قاموا بقتل شيوخهم عقاب وحجاب العواجيه وفعلن كان سعدون العواجي يدرب أحفاده الي أن كبرو وأصبحوا شبان لكي يأخذو بثأر والديهم من هايس القعيط وجماعته وأتي بأبن عقاب العواجي وأبن حجاب العواجي وقال لهم جدهم سعدون أريد منكم بأن تقولو لي قصيده بالثأر من هايس القعيط والذي تعجبني قصيدته سوف اعطيه الفرس بنت فلحا وسيف والده ولد حجاب (جارالله) قال قصيده ولكن لم تعجب جده سعدون ولكن ولد عقاب (فريح) قال قصيده اعجبة جده سعدون أخوكم خالد الزبيني الدهمشي

بيض الله وجهك ياخالد على هذا التوضح لزوجات الامير محمد الاحمد السديري رحمه الله .
والحمد لله قبيلة شمر بها رجاال افاضل لايجحدون افعال خصمهم ولايهضمون حق احد .
وهذا احدى ابناء قبيلة شمر العزيزة يرثى السديري

www.naqatube.com/view_video.php?viewkey=5ab2120 6a91abc5ba457


فقد روى لي انا شخصياً احدى رجالات قبيلة عتيبة العزيزة وهو من المهتمين بالتراث وفي صدد انزال كتاب عن تراث قبايل الجزيرة العربية .
قال لي انني كنت في مجلس احدى شيوخ شمر وقد قمت بالكثير من الاسئلة عن بعض الاحداث وخاصة ولد سليمان وشمر فقال احدى الجالسين ان عنزة يوم قتلوا القعيط كان القعيط شايب و مريض ومقعد واعمى لايشوف وحجاج ليس بين قبيلته ولايوجد معه غير بنته .
دونت معلوماتي وانا غير مقتنع وعند ركوبي لسيارتي جاني صاحب البيت وهو من شيوخ شمر وقال لي لاتواخذنا ياعتيبي .
القعيط قتل بالمعركة ومن على ضهر الفرس .
ولكن حنا ياشمر ندور تبريرواعذار ونقول .

القعيط مريض واعمى ومقعد
وبنية الجرباء عمل له شرك وخدعوه
ومطلق الجرباء وقعت فرسه في نعجة
وعبد العزيز الجنازة ضيع خوياه ووقع في اعداه

وهذه اعذارنا ولكن احب اقول لك ان هأولا قتلوا في ميدان المعركة وعلى صهوات الجياااد كما انهم قتلوا من اعدائهم في نفس الاسلوب .

v]: prdrm i`g,g hga,divd ,lrjg urhf

[طراد الوايلي]

طراد الوايلي

إنتهى النقاش بيني وينك دامك ماتعرف تناقش وإنتظر البحث لين ينتهي من دور الطباعة

وأنصحك تلفت لدراستك الحين لأنه تبين لي انك صغير بالسن وأنصحك لاتخوض بالامور التاريخية
عشان ماتوجع راسك

00000000000000000000
0000000000000000000000000000

اخ مرزقاني صح النوم يااستاذ

مبروك خبر طباعة الكتاب الذي اتعبكم الرد عليه

اطبعوه وارتاحو من اللف والدوران والتشعب اللي لايودي ولايجيب

من دون {توثيق على صحة كلامكم}

كتاب السديري اللي يدور حوله نقاشنا اصدر له اكثر من {30} سنه

والانترنت ظهر له كم سنه؟؟؟؟؟

واليوم تزف لنا البشرى بطباعة كتاب ضده

وينك من زمان ياخ مرزقاني مافزعة لقبيلتك وانتصرت لها

مدام افرادها ساكتين ومستسلمين لكتاب السديري

وللحقائق اللي فيه؟؟؟

واذا ماجبت التوثيق المنتظر يااخ مرزقاني

ارجوك لاتعطلني عن دراستي

معقوله بعد اكثر من 30 سنه

يجيبون توثيق لكلامهم المزعوم

اللي داخو من اللف والدوران والااعذار طول هالمده

وعجزو لايثبتونه

بس كيف يعيب على الااخ مرزقاني ترديدي لهم بطلب التوثيق منهم

ضد كتاب السديري

والحين الااخ مرزقاني صار يحب التوثيق

وواعدنا بطباعة التوثيق لمزاعمهم

اذا هيك برافو عليك يااخ مرزقاني

ولازم الاخ فايز يرتاح بعد ويريح من اللف والدوران

برافو استاذ مرزقاني برافو

v]: prdrm i`g,g hga,divd ,lrjg urhf

[ابومتعب الدهمشي]

اخوي خالد عندي تصحيح لسالفت قتل غنيم الربضا عندما قال ابن طوعان لبن رشيد البيتين ويحثه على اخذ ثار

هايس القعيط رد ابن رشيد هدية غنيم وعطاه المهربات ثلاث ايام وذبحه ابن رشيد غدر ولم يتعدا القصر

يعني على ايامنا هاذي ما جلس 3 دقايق مو 3 ايام ....

للمعلومية معروفة هالسالفة عند شمر وعنزة ...

v]: prdrm i`g,g hga,divd ,lrjg urhf

[مرزقاني]

ياجماعة تكفون جاوبوا عن الأخ طراد تراه عزيز علينا

كل الأسئلة اللي موجهة له يتهرب منها
وعاودنا للموضوع الأساسي وقلنا عساه يفلح ومافلح دامك داخل على موضوع المفروض تعرف تناقشه

تكفون أحد يرد عنه تراه بورطة
ورح أرجع وأعيد نفس اللي قلته عسى تجيك الفزعة ياطراد ترى والله صحيح اختلفنا بوجهات النظظظظظظظر
إلا إني حبيتك

--------------------------------------------------------------------------------

أول شيء الفنجال عند البدو ماكان ينشرب على راس حنشل وإلا ماكان فهيد العواجي
يقول من يشرب فنجال هذلول ولم يتجرء أحد على شربه وبالأخير قال رجاء البوهي أنا أشرب
فنجال هذلول بوقعة اسمها عين كحلة وهذه الوقعة اللي قتل فيها فهيد العواجي - ورجاء البويهي اللي شرب فنجال هذلول -ومحمد العواجي وأكثر من 15 فارس من شجعان الولد سليمان لاتحضرني أسماؤهم بس أكيد دامكم حافظين تاريخكم لازم تعرفوهم
وقال الشاعر حسين الذنيب بعدها

يالله ياللي فـوق خلقـك ضمينـا= =عليم ما يخفى علـى الله خافـي
نلوذ بك وأنـت الـذي تحتمينـا== يا معطي الجزلات والرزق وافـي
جانا عقيدا" فوق كـور ألهجينـا ==كل يضم من الجعـد كـل ضافـي
مشابهم بهم ولد العواجي علينـا ==من الزود ما جنب طريق المهاف ي
بقرانهـن يـا شيـن لاتبتلينـا= =وش عذرنا من قاطعات الفيافـي
يا ما على ركن الركايـب حدينـا= =ضرب بعيـدان القنـا وانعجافـي
يثـور مـن تفاقهـم كالحنيـنـا== ويثور مـن تفاقنـا كـل صافـي
مطارق يقذفـن مثـل الشنينا==يام ا وقع بخشومهن من سنافـي
دونـك رجـا بملعـب الغانمينـا== عقب الوجب تذرا عليه السوافـي
هذا جزاء اللي من شمـام يبينـا= =يبي الجمل وإلا الركايب جزافـ ي
حامـن طيـور مدبحـات علينـا==من بيننا يبن غصيـب ألعلافـي
ومحمد يسري الحمر مـن يمينـا==أ ستذرعه ستر البنـات ألعفافـي
فهيـد وقـع بالجـر ياذاهبيـنـا= =ياحيف يا ركـب ٍتـروح خفافـي
هذي من الله عـاده ٍ يـا بلينـ ا==نجدع لحثـات البراثـن علافـي
وليا نتخى هذلـول ثـم انتخينـا ==لعيـون ربـع ٍ قرنـوا بالكتاف ـي
أملاطـما تلقى المشالـح علينـا ==عذالتـن يالابسـيـن الكفـافـي
نفلت أنا سمـران ربعـي علينـا== وخطو أشقح الصبيان جاه الهذافي
وركابنـا مـا فوقهـن الذهينـا= =وعقيدنا ما يعطـي الحـق قافـي
اركض بنا يابو غلـول ٍ رصينـا== نجعل عمـار طايـلات قصافـي
يا مـا رجمناهـم بحـد البطينـا= =بمشنشلات ٍمع سيـوف رهافـي

يعني إن كان حنشل سوى اللي سواه ولوكان فارس ؟؟؟ طبعاً حسب قولكم
وهذا اللي خلى عقاب ينزعج منه ويطلبه لأن اللي ذبحهم هذلول كانوا من أشداء عنزة ودراع عقاب اليمين

v]: prdrm i`g,g hga,divd ,lrjg urhf

[محمد بن مغــراء]

تعقيب على أخي متعب الدهمشي

صدقت أخي فهذه الحقيقه ولايوجد مغزى من ابن رشيد على غنيم وجماعته

أنما اعطاه المهربات ثلاث ايام ولحقه من فرسانه وقتل غدر بمقربه من ابن رشيد...



لاهنت

v]: prdrm i`g,g hga,divd ,lrjg urhf

[عنزي بدنه]

واخير ظهرلشمر منقذ وتعهد بكشف {اكاذيب السديري} شي حلو فيه تقدم بصراحه

v]: prdrm i`g,g hga,divd ,lrjg urhf