حقيقة هذلول الشويهري ومقتل عقاب

[فايز المفضل]

السلام عليكم

بالبدايه تقول انك بحثت عن معركة كحله ولم تجدها وانت صادق يابعدي من غير ماتحلف

اعطيك احد مصادر المعركه ولي ماهي بين شمر وعنزه كما ذكر ولاكن هي بين جموع من ولد سلمان و40 فارس يقودهم الفارس هذلول الشويهري وهو كان كمين ولاكنه فشل .. والمصدر

هو الباحث التاريخي الدكتور عبدالرحمن الزهراني في حروب ماقبل التوحيد
واعتقد زهراني يعتبر محايد

بنسبه لسبعين لحيه الي كبهم هايس كما ذكر بالقصيده هم الزماميل وسالفت الزماميل معروفه ولي ذبحتهم عنزه وذبح الزماميل ماهو من سلوم العرب ...واللتمس العذر لعنزه في ذبحهم لزماميل كونها ردف فعل بعد وصول خبر مقتل عقاب وحجاب
اما موضوع زيد المرتعد فهو ليس موضوعنا ولا عندي مانع ارد لاكن اختصاراً سوف اتعداه

لانه الموضوع على هذلول الشويهري ان كان فارس ام حنشولي !!!

اما موضوع السويد وتزويرهم كما تزعم وبيني وبينك الله ماعندي علم ولا احط بذمتي ولا لي علاقه فيهم غير انهم عيال عم ونعم ....

ذكرت في ردك كلمت العقل والمنطق ولا اخفيك اني احترم الرجل الذي يمشي على العقل والمنطق وهو امر صحيح انك لاتصدق الخرافات ولا تجامل فيها ...

هل من المنطق ان يلحق عقاب بجيش شمر ويأسر 70 رجلاً وكان ناوي يأسر جيش شمر كلهم لاكن الرجال رفضو والكثره تغلب الشجاعه كما قلت !!! والله مستحي ارد على الكلام احتراماً لك ولقدرك العزيز ولقبيلتك العريقه


نعم عقاب العواجي فارس لايشق له غبار لاكن ان يأسر جيش كامل لوحده قويه حبتين

ايضاً اين العقل والمنطق عندما تقول ان فريح بن سعدون العواجي هوا من قتل هايس القعيط ولم تذكر لنا حتى اسم المعركه التي قتل فيها فريح هايس ؟؟؟

وان اثبت ان ولد عقاب لم يقتل هايس اذن ماسر القصيده المنسوبه للعواجي هل هي محرفه ؟؟
ام انه فعلاً قالها العواجي لسبب اخر الله واعلم وانا فعلاً مستغرب من القصيده التي تقول :

الورع ورع عقاب لاخاب راجية ==حول بهايس ماتناسى وصاتي
هل غزت عنزه شمر بالعراق وقتلت هايس ؟؟ ارجو ذكر اسم المعركه لنتمكن من التأكد منها

اما قصيدة التبيناوي فهي ليست مزوره وهي مأخوذه من لسان مبارك طناء مبيريك التبيناوي شاعر جبل شمر

ومن باب التوضيح انا لم ادخل المنتدى لكسب عداوات او صراعات قبليه دخلت للاستفاده والافاده وكسب علاقات طيبه مع ابناء قبيله عريقه وهي عنزه ..

كم هوا جميل ان يكون الانسان عاقل وواقعي فيما يطرح

وكنت اتمنا انه يتم الرد من كاتب الموضوع وتوضيح الكلام المذكور في موضوعه

هذي قـروض ٍ بيننـا ياالقرابـات =ياحلـو رداد الجـزاء قبـل حينـه
لماذا قال مبيريك التبيناوي كلمت يالقرابات في هذا البيت ؟؟ لانه عنزه وشمر شي واحد

ودمتم بود اخوكــــم فايز المفضل العبدي الشمري

v]: prdrm i`g,g hga,divd ,lrjg urhf

[ابن القبيلة]

تستشهد في كاتب زهراني اقول لك ونعم في قبيلة زهران لكن وش عرّف زهران في معارك في شمال نجد .
اكيد هذا الزهراني اخذها من النت او من سوالف مجالس السويد .

تقول بنسبه لسبعين لحيه الي كبهم هايس كما ذكر بالقصيده هم الزماميل وسالفت الزماميل معروفه ولي ذبحتهم عنزه وذبح الزماميل ماهو من سلوم العرب ...واللتمس العذر لعنزه في ذبحهم لزماميل كونها ردف فعل بعد وصول خبر مقتل عقاب وحجاب.
اقول ان هأولا ليس كلهم زماميل بل معهم فريس لم تظهرهم خيلهم .واسروا بالقوة يعني ( شلع وليس منع ) وفي هذه الحالة هو مخيّر يعتق او يقتل وان كان اعتاقهم افضل .
ثم لماذا هايس القعيط اذا كان هو منتصر لماذا لم يلحق اخوياهـ.
غريب الشلاقي الحق خوية العنزي عندما اسروهـ بني صخر .
واذا اعبنا على العواجي قتلهم لماذا لانعيب على عبيد الرشيد عندما قتل الاسرى في معركة بقعا .
حيث يقولون الرواة ان الاسرى في الرمق الاخير من الظما وكان عبيد يتمشى بينهم بيده سيف وماء ويقول من يبي الماء ويمد الماء بيده للاسير فأذا الاسير مد يده للماء ضرب عنق الاسير بالسيف وندخل على الله هذه رواية اهل القصيم .
قال الشاعر صالح الخطيب من اهل الرس رد على ابن رشيد
يوم يقول اللي ذبحت بشرة السيف تسعين
قال الخطيب

انا احمد الي شدت العشر عشرين
,,,,,,,,,,,,,,,,, واهل القصيم اطفو معاميل حايل
ابطو يحسبون البطا يغدي الدين
,,,,,,,,,,,,,,,, والدين مثل الوسم بين القـبايـــل
ولا اسبكم يالي على الحرب قاسين
,,,,,,,,,,,,,,,, مير الطغا قطع ايدين الاصايـــل
ويالي ذبحت بشذرة السيف تسعين
,,,,,,,,,,,,,,,,,, ياعنك فيها ماكسبت النفايــل
ذبحت ناس لهم يومين مضمين
,,,,,,,,,,,,,,,,, من الضما قد قلصن الصمايـل
ونبي نجيب الفاس ونقطع الغين
,,,,,,,,,,,,,,,,, ونذكره عصر مضى بالاوائل

اما المعركة اللتي قتل بها هايس القعيط هي معركة الوديان عام 1261 هـ
واليك رابط منتدى الدهامشة حيث هم قادة المعركة ومن بعد تلك المعركة سميت الوديان وديان عنزة

http://www.aldahamsha.com/vb/showthread.php?t=3041


اما بخصوص رواة السويد فهم يقولون ان سنجارة هي من طردت العواجي عن حايل وحالت بينه وبين اطماعه بالجبل وابن رشيد يقول .

يادار حنا اللي لضفك نصــالي .. ياعافك التمياط وانحاش ضــــربــــاح
وانحاش بثرهم طلال الرمالي .. وكثيرهم اللي الى اوجس الرمي مساح

ونمشة بنت سعدون العواجي تقول

صفرا عقاب ٍ رثعـت بالنواميـــس
ـــــــــــــــــــــــــ ومسلط قعد مـع لبسـات الغطايـا
صارت على التومان لولا السناعيس
ـــــــــــــــــــــــ ظهور السواني فوق قب السـبايـا
عداتهم شلعـت كميـن الملابيـس
ــــــــــــــــــــــــ بركضاتهم تبـرا القلـوب الدمايــا
وان حضبت كتم الجموع المتاريس
ـــــــــــــــــــــــ ما جنبـوا درب الخطـر والرزايـــا
وحناء ذبحنـا فارسـا للسناعيـس
ــــــــــــــــــــــ شف شيخهم خلـي يزور المنايـــا

انا هنا ضربت مثل قي تزويرهم للقصص ضد شمر انفسهم اما تزويرهم ضد العواجي وربعه عد واغلط على ماقال المثل .

v]: prdrm i`g,g hga,divd ,lrjg urhf

[ابن القبيلة]

اقتباس: المشاركة الأصلية كتبت بواسطة فايز المفضل     وكنت اتمنا انه يتم الرد من كاتب الموضوع وتوضيح الكلام المذكور في موضوعه

والله يأبن السناعيس انني لا اعرف صاحب المعرف ولستُ من المؤيدين لمثل ذكر هذه الاحداث الاليمة .

v]: prdrm i`g,g hga,divd ,lrjg urhf

[فايز المفضل]

ابن القبيله يابعدي اشاركك نفس الراي فأنا على المستوا الشخصى اعشق التاريخ من الناحيه الاخلاقيه والقيم الاصيله ( والعلوم الطيبه ) والحمدالله ماني من المتعصبين والله يزيدنا جهل بالتعصب القبلي الي نها عنه الرسول عليه الصلاة وسلام

اخي الكريم انا استشهدت بزهراني عشان ابعد الدليل عن شمر وهذا سر الزهراني بالموضوع ..

ماهي كبيره على عنزه ان تاخذ ثار فارس كبير مثل عقاب ولا انا اود ان اهظم حق قبيله عريقه مثل قبيلة عنزه

بنسبه لمناخ الوديان اول مره اسمع فيه شخصياً وهذا مايعني انهو ليس صحيح طبعاً قد اكون اجهل الموضوع .. ولا اخفيك اني بحثت حتى عند جدي قوقل الله يطول بعمره ولم اجد شيء عن المناخ سوا في منتدى الدهامشه العزيز .. وسوف اتاكد من شيبانا الي يعدون الحق باقرب وقت ممكن وهذا موضوع فيه استفاده لي شخصياً ..

موضوع قلت عبد العزيز الجنازه للاسرا صحيح وعبد العزيز الجنازه كان معروف حتى في كتب الانجليز والالمان بشده غضبه ...

موضوع السبعين لحيه انا لم اقل انه الزماميل بس جميع القبائل قالت انهم زماميل وروايات على قصة الزماميل وذبحهم بتحديد كثيره ..
قتل الزماميل غير عن قتل الاسرا ولو اني اشوف انه اثنينهم حرام شرعاً ومافيها شجاعه انه تقتل شخص لاحوله ولا قوه له سواء كان اسير ام من الزماميل..

اما موضوع روات السويد وماذا يقولون تأكد انني والحمدالله الشيء الي عقلي لايقبله وان كان لصالح قبيلتي لن اقبل فيه لاني لن افتخر بشيء واعلم انه لم يحصل

بقى شيء واحد وهو اني اشكرك على المعلومات التي استفتها منك وفرصه سعيده الي تلاقيت وياك فيها وتناقشنا ..

تقبل تحياتي اخوك فايز المفضل العبدي الشمري

v]: prdrm i`g,g hga,divd ,lrjg urhf

[من بني وائل]

الاخ فايز الفاضل

الا واهني عيني يوم شفت شمري يرد

انا ماجبت شي من عندي هذا من منتدى شمر والروايه شمريه

اقتباس: وانا اقول ان اخو سمرا هذلول الشويهري فارس شجاع وماهو حنشولي

وحنشلون على قبيلة بني رشيد ويطلعون على لهم راعي ابل وقت العصر ويختفون بلهم غارحتى أغربت الشمس


رجعوا السويد إلى نجد حسب مارواه الراوي الكبير( حمود العمران )
واخذ هذلول يتدرب على الحيافه هذا بعير يأخذه هذا رجال يأخذ سلاحه وأحيانا يأخذأخوه مزيد معه في الحيافه احد المرات قابلوا ثلاثة رجال حنشل مثلهم

اما عن المعارك فقد جاوبك الاخ ابن القبيله

ففيها من التهويل والتزوير مالله به اعلم

اقتباس: معقوله ؟؟حنشولي شمري يوصل الا قلب ديار عنزه !!! عند الجعافره بمورد كحله الي صارت فيه كون كحله الشهير ؟؟؟ والي انذبح فيها فهيد العواجي ومحمد العواجي ورجا البوهي الي شرب فنجال هذلول !!

عادي يابعد حين ليش مايوصل اذا كان بالليل يسري بخوياه وبالنهار ينخش مافي الوقت دوريات

لاحظ اني مانفيت انه فارس انا قلت انه حنشولي اكثر من كونه فارس

وذكرت ياكاتبنا العزيز ان الفارس هذلول الشويهري كان اسير عند عقاب العواجي وتركه لوجه الله بعد ماوعده هذلول انه ماعاد يحنشل حلال عنزه .. ممكن دليل يابعد روحي على الكلام هذا لاني بحثت فيه وماوجدت له اثر بالتاريخ

اي تاريخ يمكن تاريخ التبناوي !!!!!!

اقتباس: اما قصت انه ابن نوبان ماكان يعلم ان الذي دخل بوجهه هو هذلول الشويهري فهذا كلام غير منطقي انت جاوبت عليه بنفسك عندما قلت هذلول الشويهري اشتهر بين جميع القبايل ... وصحيح انه ابن نوبان خان بهذلول وسلم دخيله لعقاب العواجي

اي منطق سبحان الله انا قلت ان ابن نوبان لم يراى فارسكم هذلول ولكنه

سمع عن هذلول لانه اشهر من نار على علم فلما راه ابن نوبان لم يعرفه

وبعد ان عرفه رفض ان يدخله بوجهه

اقتباس: وبوجهة نظري المتواضعه كان الاجدر بعقاب ان يعتقه لوجه الله كما عتق عدوان الطواله عقاب لوجه الله ويرد الدين لشمر ( مجال جديد لنقاش ادري ) والتبيناوي له قصيده شهيره الي يقول فيها :

شالخرابيط هذي عقاب أسر !!!!!!!!!!

اقتباس: لو انت ياعدوان في ذاري الهيــف = ودعت راسه ماقعن منه ماقـــام ياحيف ياعدوان ياحيف ياحيــف = اعتقت ناسن عقب ماطيرهم حـام اعتقت ربعن كللوا شذرة السيــف = من يبذر الحسنـا بقطاع الارحـام

اولاً اي عاقل لايصدق ان عقاب يطلق سراحه بعد ان أسر من قبل شمر وهو

الذي فعل بهم الافاعيل وكما قال الشاعر عن عقاب وربعه كللوا شذرة السيف وانه قطع ارحامهم

وبعدين الا يعني هذا البيت نية شمر الغدر بعقاب وحيداً

اعتقت ناسن (( عقب ماطيرهم حام ))

حتى هذه القصيده لايوجد فيها ان عقاب أسر بل فيها ان عقاب وهو

الموصوف بالطير حام في سماء شمر تعني ديارهم وكان الشاعر يتمنى

اقتباس: ان لو عدوان غدر بعقاب وخلصهم من شره الثاني : لماذا لم تشارك شمر مع هايس القعيط في حربه مع العواجيه وتركوه وحيداً مع فرسانه !! بصراحه حسيت انه الفرسان الي معاه من قبيلة مطير العزيزه ماهم من شمر

ونت الصادق يمكن من تميم او اهل حائل من غير شمر

مازال السؤال لماذا شمر حائل العاصمه لم تشارك جاوب ؟؟؟؟

اقتباس: همسه بذن اخوي ( من بني وايل ) القصيده الي تقول دعوت ام هذلول ترا ماهي لم هذلول هاذي قصيده الشاعر رشيد بن طوعان السويدي الشمري

اعرف الشي هذا بدون همس ياذكي

اقتباس: همسه بذن اخوي ( طراد وايل ) الي ذبح هايس ماهو ورع عقاب الي ذبح هايس (غنيم الربضا ) بذبحه زعلت كل القبايل اولهم عنزه لانه ذبحه شايب ومشلول وخذا بثاره بن رشيد وسالفه معروفه وطويله افتح موضوع اناقشك فيها

شمر وعنزه مثل اجا وسلمه متخاوين الا يوم الدين

ضحكتني يالشمري يلي خوالك عنزه

اكاذيبكم بحق عنزه واضحه والقبائل تعرفها

ياخي اذا شاعركم وزير اعلامكم التبناوي متناقض مره يسب ومره يمدح

ماعرفناله

عايد الومد العنزي يسئل امبيريك التبناوي عن معركه حينما كان التبناوي يتغنى بالنصر

والتبناوي يرد بسوء ادب

فقال عايد للتبناوي

انشدك بالله يامبيريك وش صار ايتنا مودع خويه دمارا

اي الذي صيده قراقير وجفار والا الذي صيده عيالً سكارى

الى اخر القصيده فيرد التبناوي بسوء ادب بأن يدعوا على امه بالنار

يعل عجوزاً جابتك لو سط النار يلي تدور من خصيمك قرارا

وخذ عندك الثانيه لتعرف كذب وزير اعلامكم وتناقضه التبناوي

يقول التبناوي عن عقاب

عقاب ما اسبه ولا اسب حلياه ... اليا جت على ركب المهار الاصايل

مار نجس من الهامه الى حد ماطاه نجاسته ماهي بكل القبايل

شره على الي نازل من توالاه .. له منكب برفه الجار مايل

(( شره على الي نازل من توالاه يعني شمر اخاف انه جيران بيت مو ديار :d

شوف التناقض يالشمري وذا تبي المزيد عندي ونا ابن وايل

مدح وسب هذا وزير اعلامكم فكيف بعامة شعبكم !!!!!!

اما عن الزهراني الي تقول عنه باحث يكفي ان معارك ابن رشيد الحاكم

خلطها مع معارك شمر فأي باحث هذا !!!!!!!!!

هذا رد بسيط والباقي راح اكمله معاك بعد ان انتهي من ردودي كلها

وسالفه خوالي عنزه انا ما اعرف الشي هذا بموضوعنا اعرف عنزي ولا شمري وعليه يكون ردك

من بني وائل

v]: prdrm i`g,g hga,divd ,lrjg urhf

[من بني وائل]

اقتباس: نعم عقاب العواجي فارس لايشق له غبار لاكن ان يأسر جيش كامل لوحده قويه حبتين ايضاً اين العقل والمنطق عندما تقول ان فريح بن سعدون العواجي هوا من قتل هايس القعيط ولم تذكر لنا حتى اسم المعركه التي قتل فيها فريح هايس ؟؟؟ وان اثبت ان ولد عقاب لم يقتل هايس اذن ماسر القصيده المنسوبه للعواجي هل هي محرفه ؟؟ ام انه فعلاً قالها العواجي لسبب اخر الله واعلم وانا فعلاً مستغرب من القصيده التي تقول :

الا اخبرك بأعجب من هذا هو ان جيش ابن رشيد كله من قبيلة شمر وشمر كانت تحارب القبائل

كلها في حروب ابن رشيد وكانت تنتصر دائما ولا تهزم !!!!!!!!!!

وان ابن رشيد استطاع ان يحكم من الشمال الجوف الى نجران بقبيلة شمر !!!!!!!!

فكم يبلغ عدد الجيش الشمري مع ابن رشيد القحطاني !!!!!!

وكيف استطاعة قبيلة واحده تحكم هذه المساحه الكبيره وفيها قبائل تحارب دولة ابن رشيد !!!!!

الا اخبرك بشي اخر ان شمر لم تعتدي على عنزه بل دائماً عنزه هي التي تعتدي عليها وفي ديارها !!!!

اتمنى منكم تجاوبني يالشمري انت او الزهراني الباحث التاريخي مولى شمر

من بني وائل

v]: prdrm i`g,g hga,divd ,lrjg urhf

[فايز المفضل]

السلام عليكم

رد على اخوي من بني وايل .. اول شيء اعلم انك مندفع جداً على قبيلة شمر ولا اعلم السبب خصوصاً انك عنزي !!

مع حترامي الشديد لردك الا انك تضرب بالكلام يمين ويسار ولا تدرين وين مهدفها

اول شي تقول انك جبتها من منتديات شمر ومنتديات شمر ليست معصومه عن الغلط وهيا منتديات يتم التناقش فيها لنتمكن من الوصول الي الحقيقه كما يحدث في جميع المنتديات ومنهم هذا المنتدى العزيز ...

اولاً انا رديت على كلامك بقولك عقاب لحق جيش هايس لوحده واسر 70 فارس وكان ناوي يأسر الجيش كله لاكنهم رفضو .. وبيني وبينك انت ضلمت عقاب بالكلام هذا ماضلمت شمر عقاب ماهو بحاجت تزوير ولاتقول كلام عنه تضحك القبايل عليك !!!

اما بخصوص شمر لم تهزم من يقول الكلام هذا !!!!

شمر خذت وخذو منها حالها حال جميع القبايل !!!

اما حكم شمر من الجوف الي نجران .. ابزيد عليك بعد حتى البحرين دفعت الزكاه هذا وماعندنا سفن

هل تستغرب هذا الفعل عن شمر ؟؟
هل يزعجك تاريخ شمر على المستوى الشخصي ؟؟؟

اما انك تقول عن التبيناوي .. التبناوي عيب ماتطلع منك يالبناخي واتمنا تكون غلطه مطبعيه !!!
اما بخصوص انه يصدق العاقل انه شمر تأسر عقاب وتتركه وانها كبيره على شمر

دامك مستكثر على شمر اسره لعقاب اجل بقولك اسرنا الشريف وابن سعود وكثير من مشايخ القبايل الي ماودي اذكرهم لاكن لو تبي ذكرتهم لك يعني ماجينا ندور عز ورا اسرنا لعقاب ولاكن هاذي حقيقه يعلمها الشايب والطفل !!!!

والكلام هذا مايقوله فايز الكلام هذا قالته العرب بجميع قبائلها الا انت يابعدي

تفسيرك لبيت من قصيدة التبيناوي ... اعتقت ناسن عقب ماطيرهم حام

تقول يقصد انه عقاب حام على ديار شمر ... لاتعليق

يابعدي اخذلك فنجال قهوه وتأمل بالبيت اذا ماودك تسأل شاعر

وش الي يحوم فوقه الطير ؟؟

معروف من اول انه الطيور تحوم فوق الجثث بعد المعارك تبي رزقها من الاموات
والتبيناوي يقول

ياحيف ياعدوان ياحيف ياحيف ... اعتقت ناسن عقب ماطيرهم حام
وهو يشره على عدوان يوم ترك عقاب وكان قبله عقاب ذابح الشيخ جريس التمياط

قصت ابن نوبان يوم عطا دخيله لعقاب يذبحه ذبح الشاه معروفه مافيها مجال يالبناخي تحرفها لان كل القبايل عرفت فعل ابن نوبان بالمنيع ..

وهاذي قصيده اعتبر التبيناوي قالها لك شخصياً لانه يرد على كل ماطرحته اخي العزيز تامل فيها جيداً فهيا قصيده جميله جداً وفيها من الحكمه الشيء الكثير :

عودن عدا بس بالزماميل والخيل _ يدور مقانيص بغرات الأجناب
بأول زمانه عذب الكنس الحيل _ وخبط بيمناه البحر عقب ماشاب
راح النذير وفزع النزل باالليل _ والخيل ركبت ما جلايبها الأداب
وتوافقوا بالطعن بحد الغراميل _ متقاضبين مثل ابازيد وذياب
غربي زبار أوريك مثل الهماليل _ وأنشبت أحراب القوم بطي الأصحاب
وتعاودوا للهوش ربعن مثاقيل _ حماية الساكت عريبين الأنساب
وردو وصادو فارس يرعب الخيل _ ياوي صيده يوم جابته الأسباب
رجالن نوت تزعجله الصوت بالحيل _ لعيون هيفا نردع الشيخ بحجاب
حريمهم تصرخ صريخ المحاحيل _ جاهن عليمن بأول الخيل ماطاب
وحريمنا لـجــن بزين الهلاهيل _ متوكدات من شلعة الحر لعقاب
ياضبيب لو ذبـحــت كل الزماميل _ ذبحت دخيل البيت ماتفتح الباب
اربع ليالي مالـقــوه المراسيل _ عليت خد كوح العصر بتراب
دنياك هذي يالعواجي غرابيل _ من شق جيب الناس شقوله أجياب.

اعلم انك من عنزه الكويت ونعم فيهم طبعاً ويمكن سبب اندفاعك على شمر يكون حرب الصريف !!! وهل تعلم انه اربع فرسان على ما اعقتد من عنزه شاركو مع شمر بالصريف ورفضو ان يتركو شمر للموت وفضلو ان يموتو مع شمر على ان يتركوها وحدها ...
سلملي على شواربهم

والحمدالله نصرهم الله الطنايا على جيش ماشافت القبايل مثله بنهار شابت فيه روس المرضعينا... . وحددت الحرب مصير دولة الكويت لي عصرنا هذا ولا كان حدود الكويت واصله حايل الحين بس بعدي عيال عمي تطيح الروس ماتعلا علينا

همسه بذنك يابعدي .. شمر خيار القوم وشمر ماكانت قبيله بل دوله وهي القبيله الوحيده بين القبايل الي حكمت حكم دوله حدودها موجوده ببريطانيا ماهي عندي ولا عندك واسماء امراها مذكورين بكتاب ابريطاني لحكام الدول وليس حكام قبايل .. يقول الشاعر الجباري ..

يكفيك عن تاريخنا حرب الصريف ... وليا قلت شمر قل حاتم جدها

سالفت انه ابن رشيد قحطاني تكفا ياخالي لاتطلع منك اذا تجهل الامور لاتفتي وتضحك الناس عليك قالو الدواسر انه دوسري وضحكت القبايل عليهم الرشيد والعلي عيال عم والعلي حكام حايل قبل الرشيد ونسلهم معروف الين حاتم و..حنى نوسم محدن يوسمنا

لاتصير مثل بعض القبائل الضعيفه الي بعد ما انتهت الدنيا جاي ولدهم يدوره مدخاال بين القبايل انت ولد قبيله من اكبر قبايل الجزيره عدد وفعل ومنت بحاجت سرقت افعال من قبائل اخرا لانه عنزه فعلها يغطي البحر وعد الحق لوهو عليك تكبر بعيوون الناس ولايوصلك حبك لقبيلتك الا عصر الجاهليه !!!

تقبل تحياتي ومروري الاخير على موضوعك ...

اخوك ( فايز المفضل العبدي الشمري )

v]: prdrm i`g,g hga,divd ,lrjg urhf

[من بني وائل]

الاخ فايز المفضل

اشكرك على الرد

وان شاء الله ارد عليك قريباً جداً لاني مشغول الحين

اما عن شمر فو الله ونعم فيها قبيلة عزيزه عندي وعند كل عنزه لكن يالغالي والله ما اعرف اجامل

اقول الشي الي اعتقده ومايهمني الي يزعل ولا الي يرضى والرد بأسلوبي المتواضع والمعتاد

اقتباس: اما انك تقول عن التبيناوي .. التبناوي عيب ماتطلع منك يالبناخي واتمنا تكون غلطه مطبعيه !!!

وبالاخلاق الوائليه المعروفه

اي والله انها غلطه وانا اسف على هالغلطه المطبعيه ونعم بالتيبناوي

وهذي عوايدنا ان غلطنا نعترف بالغلط وما نكابر

تحياتي لك

من بني وائل

v]: prdrm i`g,g hga,divd ,lrjg urhf

[فايز المفضل]

[justify]ونعم والله بعيال وايل كلهم .. وماهو غريبه الطيب فيكم ورااثه[/justify]

v]: prdrm i`g,g hga,divd ,lrjg urhf