الرئيسية التسجيل
الخروج التحكم

 تابع التغطيه من هنا


العودة   المجالس التاريخية > المجالس التراثيه > مجلس الموروث الشعبي
مجلس الموروث الشعبي شعر . قصص . ملاحم . مآثر
أهلا وسهلا بك إلى المجالس التاريخية.
يسعدنا ويشرفنا أن نرحب بكم ، إذا كانت هذه زيارتكم الأولى للمجالس ، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة معنـــا .... وياهلا ومرحباء بالجميع ,,,

إضافة رد
قديم 14-05-2010, 11:07 PM   المشاركة رقم: 64
المعلومات
الكاتب:
محمد بن مغــراء
اللقب:
عضو مجالس عنزة

البيانات
التسجيل: Jul 2009
العضوية: 20596
المشاركات: 85 [+]
بمعدل : 0.02 يوميا
اخر زياره : [+]
معدل التقييم: 12
نقاط التقييم: 20
محمد بن مغــراء is on a distinguished road

الإتصالات
الحالة:
محمد بن مغــراء غير متصل
وسائل الإتصال:

كاتب الموضوع : من بني وائل المنتدى : مجلس الموروث الشعبي
افتراضي رد: حقيقة هذلول الشويهري ومقتل عقاب

((قاله ولد عقاب ماسألتك منهو ذبحه بس اذا شفته سلم عليه !!! ( عيب عنزه مو بحاجت السديري يكتب تاريخها ))

الجـــواب....


هل الناطق بالحق يغيضكم فعنزه قد كتب تاريخها التاريخ نفسه وهي من صنعت الأمجاد لنفسها فليس من العيب أن

يسرد تلك البطولات أحد حكام هذه البلاد.... عجباً.....؟ السديري عيب.. والزهراني محايد..

يجب أن الأنسان يعي مايقول...



(((وهل هايس مثلاً ماهو شجاع ؟؟؟

للعلم هايس بنسبه لي اشجع رجل في زمانه ودليل محد طلع للعواجيه غيره وانت عارف وقتها العواجيه بعصرهم الذهبي وهو الي نها عصرهم الذهبي )))


الجـــواب...

تأكد أننا لاننكر شجاعة أحد اذا كان شجاع... نعم هايس شجاع والا مانزل للميدان مع قبائل شمر التي أتت من

العراق من أجل الفارس والبطل عقاب وحجاب وولد سليمان....

أما عن تسألك أنه أشجع رجل بزمانه نعم بين قبيلة شمر فقط أوافقك الرأي ولك المقارنه قبيلة تتجمع من كل جهه

على فخذ من أفخاذ عنزه.... نحن نعترف أن عقاب قتلوه فرسان شمر عندما طاردا الجيش وحيداً فعندما أنصابت

فرسه رموه فرسان شمر من كل جهه ولحق بهم حجاب ولقى حتفه أيضاً عفى الله عن الجميع....

ولكن كان الثأر مراً غلى قبيلة شمر فلا داعي للزعل أما عن أخذ ولد عقاب يأخواني الحق لايزعل أحد فيجب

تعترفو كما نطق أولاد وائل بالحق...


تقديري لكم أخواني ونتشرف بلقاءكم بهذا الصرح الشامخ

v]: prdrm i`g,g hga,divd ,lrjg urhf












عرض البوم صور محمد بن مغــراء   رد مع اقتباس
قديم 15-05-2010, 04:53 AM   المشاركة رقم: 65
المعلومات
الكاتب:
فايز المفضل
اللقب:
عضو مجالس عنزة

البيانات
التسجيل: Apr 2010
العضوية: 23756
المشاركات: 18 [+]
بمعدل : 0.00 يوميا
اخر زياره : [+]
معدل التقييم: 0
نقاط التقييم: 20
فايز المفضل is on a distinguished road

الإتصالات
الحالة:
فايز المفضل متصل الآن
وسائل الإتصال:

كاتب الموضوع : من بني وائل المنتدى : مجلس الموروث الشعبي
افتراضي رد: حقيقة هذلول الشويهري ومقتل عقاب

اخي طراد وايل

طلبت قصيده تخالف قصيدة السديري المنسوبه لسعدون العواجي هاذي قصيده اذا حبيت انك تقتنع فيها تفضل وتراها معروفه عند كل القبايل الا السديري مايرعفها البطل التاريخي بنظرك .. او فازع لخواله وخوال عياله


ابن طوعان بمجلس عبدالله الرشيد وكان غنيم الربضا موجود بعد ماقتل هايس وراح لرشيد يشتري روحه ..

يا غنيم عندك هايس (ن) نطلبك دين = خيال تالى شمر (ن) بـا لسنـودي

ان كان ما جازاك عنهـا صباحيـن = ما هو ولد علي (ن) عريب الجدودي



هايس عندما قتل كان ولد عقاب عمره تقريباً 18 سنه نفرض انه قتله وهو عمره 18 سنه وماني مستكثرها عليه .. لاكن بينك وبين نفسك اتمنا تاخذ وقت مع نفسك وتفكر شوي


هل يعقل انه بطل عمره 18 سنه يقتل شيخ بوزن هايس وماله اي شي بتاريخ !!

عطني اسم معركه ولا غزوه ولا قصيده لولد عقاب اشتهرت بين القبايل !!!

ادري والله يابعد حيي انك ماتعرف عنه شي وبيشتكي قوقل منك !!!

ياخي قبل لاتطلب من غيرك انه يكون منطقي خلك انت منطقي بالاول !!!

تطلب مني اثبت انه كتاب السديري ماهو صحيح وليه ماتثبت انت انه صحيح !!!


اتمنا تكون هاذي نهاية موضوع مقتل هايس ..

--------------------------------------------------

الي الاخ العزيز محمد بن مغراء


ابشرك مايغيضنا شي ولا دخلنا نزور بالحقائق كما قلت يابعدي ...

تقول كتاب الزهراني انا جبت اسم الزهراني مع اثنين بريطانيين وواحد اللماني بس اظاهر انك حبيت تركز على الزهراني على العموم الزهراني باحث تاريخي اعتقد انه محايد

ماهو السديري الي خواله عواجيه ومرته عواجيه واول شي كاتبه انه هايس دوسري

ورد عليه حفيد هايس بعباره شهيره : حنى نوسم الرجال مايوسمنا

يعني حنى نعلمك اصلك ماتعلمنا وقالها بمجلس السديري ...

تاكد لو اني ما اعرف الموضوع ما اناقش فيه وتاكد اني متعمد ما اذكر تفاصيل الامور حفاظاً على مشاعر خوالي عنزه لانه في بعض الامور تزعل وانا شخصياً مايهون علي زعلكم

حنى مانكرنا طرد التمياط من ارضه وقصدو فيها شمر وحنى ماننكر الي علينا وهاذي سلوم العرب !!!

ولاكن الطرف الثاني الي هو انتم تعدون الي لكم ولي عليكم !!!

هل هذلول كان منيع لابن نوبان وسلمه لعقاب وقتله ؟؟؟ المنيع ( دخيل )

هل السبعين الي ذبحوهم عنزه كانو زماميل ؟؟ ( ذبح الزماميل عيب عند القبايل )

لماذا تفرقون بين الرشيد وشمر !!!؟؟ (( مافرقنا بين العواجيه وعنزه ولا الشعلان وعنزه )

غريب امرك يابعد حيي تقول اننا نزور التاريخ لصالحنا !!


شمر ماهي بحاجت تزوير تشهد لنا اعدائنا !!!

]عطني شي معروف عن شمر وانا نكرته وهات لي دليل انا رفضته !!!


اما موضوع ابن سعود وايلي .. اعتقادي الشخصي انه عنزه تشرف ابن سعود وهو ماينقصها ولا يزودها...

لاكن هو بنفسه نكر الشي هذا والله يرحم جدتي تقول عنهم حمر الطرابيش وماخبرنا عنزه تلبس طرابيش


اما موضوع قبيلة تتجمع على طرف من اطراف عنزه !! قد تكون تجهل تاريخ شمر وانا لا الوومك..

شمر لم تجتمع في معركه سواء مره واحده امام محمد الشريف ولي سموهم فيها الطنايا وغير كذا ماتجمعت شمر بمعركه وحده حتى بصريف ..


اما عن قولك انه ابن رشيد معاه خمس قبايل انا مابي خمس قبايل اسم فارس واحد ماهو شمري يكفيني !!

هل يعقل قبايل تشارك مع شمر ماذكرهم التاريخ ولا بفارس واحد


اما دولة بن شعلان وانت تقصد الجوف طبعاً اخذها منه محمد المهاد وضمها لدولة الرشيدية وحنى ماكانت دولة كانت امارة الجوف وللمعلوميه 25 سنه لم تخسر شمر بعهد محمد المهاد ولا معركه واحده ... وااكد على كلامي شمر وشمر فقط مع بعض اهالي حايل وهم قله قليله جداً وهدفهم الغنائم ...

وودي اقدم لك سؤال من القبيلة الوحيده التي وهزمت الشريف واسرته في برزان بعد ما سيطر على جميع القبائل من الحجاز وصولاً الي الكويت ونجد !!!

ان كنت تحب التاريخ من اجل التاريخ نفسه فنصيحه اخويه خذ التاريخ من الغرب واخص بريطانيا تجد جميع الكتب التي تستفيد منها .....

الليدي ال بلنت .. انصحك بكتابها


تقبل تحياتي ..

اخوكم فايز المفضل العبدي الشمري

v]: prdrm i`g,g hga,divd ,lrjg urhf












عرض البوم صور فايز المفضل   رد مع اقتباس
قديم 15-05-2010, 05:49 AM   المشاركة رقم: 66
المعلومات
الكاتب:
محمد بن مغــراء
اللقب:
عضو مجالس عنزة

البيانات
التسجيل: Jul 2009
العضوية: 20596
المشاركات: 85 [+]
بمعدل : 0.02 يوميا
اخر زياره : [+]
معدل التقييم: 12
نقاط التقييم: 20
محمد بن مغــراء is on a distinguished road

الإتصالات
الحالة:
محمد بن مغــراء غير متصل
وسائل الإتصال:

كاتب الموضوع : من بني وائل المنتدى : مجلس الموروث الشعبي
افتراضي رد: حقيقة هذلول الشويهري ومقتل عقاب

اقتباس:
المشاركة الأصلية كتبت بواسطة فايز المفضل مشاهدة المشاركة
  
اخي طراد وايل



طلبت قصيده تخالف قصيدة السديري المنسوبه لسعدون العواجي هاذي قصيده اذا حبيت انك تقتنع فيها تفضل وتراها معروفه عند كل القبايل الا السديري مايرعفها البطل التاريخي بنظرك .. او فازع لخواله وخوال عياله


ابن طوعان بمجلس عبدالله الرشيد وكان غنيم الربضا موجود بعد ماقتل هايس وراح لرشيد يشتري روحه ..

يا غنيم عندك هايس (ن) نطلبك دين = خيال تالى شمر (ن) بـا لسنـودي

ان كان ما جازاك عنهـا صباحيـن = ما هو ولد علي (ن) عريب الجدودي


هايس عندما قتل كان ولد عقاب عمره تقريباً 18 سنه نفرض انه قتله وهو عمره 18 سنه وماني مستكثرها عليه .. لاكن بينك وبين نفسك اتمنا تاخذ وقت مع نفسك وتفكر شوي


هل يعقل انه بطل عمره 18 سنه يقتل شيخ بوزن هايس وماله اي شي بتاريخ !!

عطني اسم معركه ولا غزوه ولا قصيده لولد عقاب اشتهرت بين القبايل !!!

ادري والله يابعد حيي انك ماتعرف عنه شي وبيشتكي قوقل منك !!!

ياخي قبل لاتطلب من غيرك انه يكون منطقي خلك انت منطقي بالاول !!!

تطلب مني اثبت انه كتاب السديري ماهو صحيح وليه ماتثبت انت انه صحيح !!!

اتمنا تكون هاذي نهاية موضوع مقتل هايس ..

--------------------------------------------------

الي الاخ العزيز محمد بن مغراء


ابشرك مايغيضنا شي ولا دخلنا نزور بالحقائق كما قلت يابعدي ...

تقول كتاب الزهراني انا جبت اسم الزهراني مع اثنين بريطانيين وواحد اللماني بس اظاهر انك حبيت تركز على الزهراني على العموم الزهراني باحث تاريخي اعتقد انه محايد

ماهو السديري الي خواله عواجيه ومرته عواجيه واول شي كاتبه انه هايس دوسري

ورد عليه حفيد هايس بعباره شهيره : حنى نوسم الرجال مايوسمنا

يعني حنى نعلمك اصلك ماتعلمنا وقالها بمجلس السديري ...

تاكد لو اني ما اعرف الموضوع ما اناقش فيه وتاكد اني متعمد ما اذكر تفاصيل الامور حفاظاً على مشاعر خوالي عنزه لانه في بعض الامور تزعل وانا شخصياً مايهون علي زعلكم

حنى مانكرنا طرد التمياط من ارضه وقصدو فيها شمر وحنى ماننكر الي علينا وهاذي سلوم العرب !!!

ولاكن الطرف الثاني الي هو انتم تعدون الي لكم ولي عليكم !!!

هل هذلول كان منيع لابن نوبان وسلمه لعقاب وقتله ؟؟؟ المنيع ( دخيل )


هل السبعين الي ذبحوهم عنزه كانو زماميل ؟؟ ( ذبح الزماميل عيب عند القبايل )

لماذا تفرقون بين الرشيد وشمر !!!؟؟ (( مافرقنا بين العواجيه وعنزه ولا الشعلان وعنزه )

غريب امرك يابعد حيي تقول اننا نزور التاريخ لصالحنا !!

شمر ماهي بحاجت تزوير تشهد لنا اعدائنا !!!

]عطني شي معروف عن شمر وانا نكرته وهات لي دليل انا رفضته !!!

اما موضوع ابن سعود وايلي .. اعتقادي الشخصي انه عنزه تشرف ابن سعود وهو ماينقصها ولا يزودها...

لاكن هو بنفسه نكر الشي هذا والله يرحم جدتي تقول عنهم حمر الطرابيش وماخبرنا عنزه تلبس طرابيش


اما موضوع قبيلة تتجمع على طرف من اطراف عنزه !! قد تكون تجهل تاريخ شمر وانا لا الوومك..

شمر لم تجتمع في معركه سواء مره واحده امام محمد الشريف ولي سموهم فيها الطنايا وغير كذا ماتجمعت شمر بمعركه وحده حتى بصريف ..


اما عن قولك انه ابن رشيد معاه خمس قبايل انا مابي خمس قبايل اسم فارس واحد ماهو شمري يكفيني !!

هل يعقل قبايل تشارك مع شمر ماذكرهم التاريخ ولا بفارس واحد


اما دولة بن شعلان وانت تقصد الجوف طبعاً اخذها منه محمد المهاد وضمها لدولة الرشيدية وحنى ماكانت دولة كانت امارة الجوف وللمعلوميه 25 سنه لم تخسر شمر بعهد محمد المهاد ولا معركه واحده ... وااكد على كلامي شمر وشمر فقط مع بعض اهالي حايل وهم قله قليله جداً وهدفهم الغنائم ...

وودي اقدم لك سؤال من القبيلة الوحيده التي وهزمت الشريف واسرته في برزان بعد ما سيطر على جميع القبائل من الحجاز وصولاً الي الكويت ونجد !!!

ان كنت تحب التاريخ من اجل التاريخ نفسه فنصيحه اخويه خذ التاريخ من الغرب واخص بريطانيا تجد جميع الكتب التي تستفيد منها .....

الليدي ال بلنت .. انصحك بكتابها


تقبل تحياتي ..


اخوكم فايز المفضل العبدي الشمري



مرحبا وأهلاً بكم بلا عدد...

دعني أبداء معك كلمه كلمه مما سطرت يدك وربما بعدم قناعة عقلك ولكن العاطفه لها الدور الكبير

بما تسطر..... ليس مهم

أولاً تقول نحن لانزور التاريخ أيعقل يارجل أنك سيرت الجزيره العربيه على ماتحب من قتل وأسر

الحكام والفريس فقد أسرتو أبن سعود وابن شريف وعقاب العواجي وحكمت الى نجران والى حدود

الشام وأخذتو الزكاه من البحرين ومن كثر ماسمعت من هذه الزعبلات أكتفيت بالضحك قليلاً..

فلاتعتبره أستهزاء أخي العزيز ولكن ربما تعجب..!! لتكوين هذه المعلومات التي بنيت خلال فتره

قصيره..

مع الجيل الجديد....


ثانياً... أحب أن أنصحك لوجه الله الأمير السديري الآن بقبره فلايصل بكم الحقد بالسب أمام الملاء

بمسلم الآن بقبره رحمه الله ونقاه من الذنوب كما ينقى الثوب الأبيض من الدنس..

بس ياليت تقولي منهم خواله العواجيه ومنهم أنسابه العواجيه فقط لأنه سرد القصص الحقيقيه

أصبحو خواله وأنسابه والظاهر اللي مربينه عواجيه شيء مضحك.... لو لي الصلاحيه لمسحتها

والله ليس لشيء ولكن حباً فيك.... فلولا قدرك الكبير عندنا لما تحاورنا وأضعنا وقتنا معك

وأرجع أقول قبل القص واللزق يجب التأكد من كل شيء...


ثالثاً.. بالنسبه لأبن رشيد وهايس القعيط فنحن لانجلب كلام من عندنا فمنبع السلاله يجاوب عن كل

شيء... والتاريخ والقبائل تقر به..... فأحب أن أقولك قد تعلمنا منذ الصغر أنه لايوجد دخان من

دون نار... بعدين ركزت على هايس وتركت كلام طلال الرشيد ثق أنني أدقق بكل شي فترك الكاتب

لبعض النقاط يعتبر ضعف او تهرب عن الحقيقه...

ثالثاً.. تقول تخاف تجرح مشاعر خوالك عنزه وأنا أقولك تأكد أن أطفالهم ماراح يتأثرو بكلامك

وأتمنى أن تخرج ماكان بجعبتك فالصدور وسيعه يابعد حيي..


رابعاً..تقول حفيد هايس يقول لأحفاد السديري بمجلسهم حنا نعلمكم أصلكم ماهو أنتم اللي تعلمونا

أتمنى الأرتقاء والأتيان بما هو معقول فالناس قد تقتل ملوك وتحكم دول بكلام الليل...

خامساً... موضوع أبن سعود تدري دائماً أسأل نفسي لماذا هذا الغيض عندما يقول أبن سعود أنه

من بني وائل على ما أعتقد أن الأمير سلمان حاول وضع الأسره على طرف قبيلة عنزه لهدف

سياسي ودراء للجهله... فيبدو أنه قال أنه من بني وائل وأبن عم عنزه...

أذا تقول أنه من الأتراك بأقوال جددتك الله يرحمها فهؤلاء أولياء أمور المسلمين وقد فعلوا مالم

تستطيع فعله شمر بأكملها فقد حقنو دماء المسلمين أما البعض فقد كانو يقتلون الأطفال خوفاً

منهم على الحكم...فهم حكام من قرون عده فهم من صلب وائل...أما عن أسركم لأبن سعود اللي

أعرفه أن أبن رشيد عندما دخل الرياض قتل عجائز ال سعود حسب الرويات فهذا ليس من

الأسلام ولا من سلوم العرب اللي تتكلم عنها...

بعدين ألاحظك ماطريت الصباح وال خليفه...... ماعليه الله يعزهم لدولهم وللأسلام..


رابعاً.. عن الشويهري قد رفع المنع عنه من عقاب بعد أخلاءه بالمره الأولى وهذي أيضاً من سلوم

العرب....

أما سمعت بالمغازي يقال المنع مرفوع..


سادساً.. أجتماع قبائل شمر على ولد سليمان....عجباً لأمرك هل شمر التي تسكن نجد وحائل

أستطاعت مجاراة ولد سليمان..... أتمنى ترجع لكلامك بأحدى الصفحات وتذكر من أين جاء هايس

القعيط فقد أتى من العراق مع الكثير من قبائل شمر...

شمر لم تجتمع الا على الشريف..... زين اللي ماسويت مثل بعض الناس وقلت لصيحة حصه

راجع معلوماتك مع الكبار والعقلاء من شمر..ز


سابعاً...تقول أن اللي مع أبن رشيد كلهم شمر وتبي أسم فارس أنت هنا تناقض نفسك واللي أفهم

من كلامك أن أبن رشيد أمير قبيله فقط....ياعزيزي معه حرب وتميم وحاضره من حايل وأيضاً

القليل من عنزه...

سابعاً.... تسأل تقول ليش مافرقنا بين عنزه وعقاب أقول لايوجد ثغر تستطيعو الدخول من خلاله

وكذلك ينطبق المثل على أبن شعلان....


ثامناً... حتى الجوف بعد تبيه هديه لأبن شعلان يارجال خل عاطفتك باللي نقدر نتناقش فيه..


أما المصادر اللي تبيني أستفيد منها فالتاريخ والتسلسل بين من صنعو التاريخ أبلغ من كتبك..



اذا تقول عن أبن شعلان بفصح غير واضح أقول لولا الحكم العثماني لما وصل حكم ابن رشيد طابه

شرق حايل....




تحيه جل وأحترام لك أخي الغالي

v]: prdrm i`g,g hga,divd ,lrjg urhf













التعديل الأخير تم بواسطة محمد بن مغــراء ; 15-05-2010 الساعة 05:51 AM
عرض البوم صور محمد بن مغــراء   رد مع اقتباس
قديم 15-05-2010, 09:32 AM   المشاركة رقم: 67
المعلومات
الكاتب:
ابن القبيلة
اللقب:
" كاتب وباحث "
الرتبة:

البيانات
التسجيل: Sep 2009
العضوية: 21702
المشاركات: 226 [+]
بمعدل : 0.06 يوميا
اخر زياره : [+]
معدل التقييم: 12
نقاط التقييم: 20
ابن القبيلة is on a distinguished road

الإتصالات
الحالة:
ابن القبيلة متصل الآن
وسائل الإتصال:

كاتب الموضوع : من بني وائل المنتدى : مجلس الموروث الشعبي
افتراضي رد: حقيقة هذلول الشويهري ومقتل عقاب

تستشهدون في كلام زهراني
مارايك في شهادة اهل حايل من غير شمر وخاصة القبيلة العزيزة التي لها دور عظيم في قوة ابن رشيد وهم بني تميم ويقال انهم نزلوا حايل مع قبيلة طيء قبل مجيء الضياغم الى حايل . وبني تميم وشمر واهل حايل في خندق واحد ضد ولد سليمان .

الرابط

http://www.banitamim.net/forum/showthread.php?t=35288

اعتقد انه على ماقال المثل ( اهل مكة ادرى في شعابها )
ثم تطلب اسم فارس واحد فقط خاض المعارك مع ابن رشيد .
اقول لك دخيل الله الخوير شيخ بني تميم بحايل قتلوهـ ولد سليمان في معركة الكيود بين سعود ابو خشم ولد الجنازة وبين ولد سليمان .
والفارس الطوير من اهل حايل من غير شمر عندما طلب محمد العبد الله الرشيد من يشرب فنجااال محمد بن هندي بن حمد شيخ عتيبه لم يشربه احد لامن شمر ولاغيرهم فتقدم الطوير وشربه وعندما دارة المعركة ضربه ابن حميد بالسيف فقسمه قسمين قسم على الفرس وقسم بالارض .
ويقال ان ابن رشيد حزن عليه حزن شديد لبطولته واقدامه بالمعارك .
وهناك الكثير لكن اختصرنا على ذالك .

v]: prdrm i`g,g hga,divd ,lrjg urhf












عرض البوم صور ابن القبيلة   رد مع اقتباس
قديم 15-05-2010, 02:40 PM   المشاركة رقم: 68
المعلومات
الكاتب:
فايز المفضل
اللقب:
عضو مجالس عنزة

البيانات
التسجيل: Apr 2010
العضوية: 23756
المشاركات: 18 [+]
بمعدل : 0.00 يوميا
اخر زياره : [+]
معدل التقييم: 0
نقاط التقييم: 20
فايز المفضل is on a distinguished road

الإتصالات
الحالة:
فايز المفضل متصل الآن
وسائل الإتصال:

كاتب الموضوع : من بني وائل المنتدى : مجلس الموروث الشعبي
افتراضي رد: حقيقة هذلول الشويهري ومقتل عقاب

[]

الرد الشافي والفاوي لخوووي محمد بن مغراء ...

دام الصدور وسيعه اجل بنقول الي نعرفه عن التاريخ بمعلوماتنا المتواضعه ...


اولاً .. التاريخ لايعترف بالعاطفه وكل ماذكرت مثبت بتاريخ واتمنا انك ماتخلط الامور وتجعل الموضوع شخصي بيني وبينك ليستفيد القارء...


حدود الدولة الرشيديه مثبته وموثقه ولا تقدر حتى تنكرها !!

من اطراف سوريا وصولاً الي الكويت واطراف من جنوب العراق والي جنوب الجزيره العربيه وصولاً الا قبل نجران 170 وهي دولة ذات سيادة بيوم من الايام وخرائطها بجميع الكتب التاريخيه المختصه وتعب نفسك شوي وتشوفها ان شاءالله ..... وذكرت مصادري في رد سابق ومن رحاله اجانب وكتب مختصه بدول القديمه !!!

-----------------------------------------------------

الامر الاخر هو :

كل من على هاذي الارض دفع الزكاة لشمر !!!

والكلام هذا مايقوله فايز المفضل لا يابناخي يقوله المبعوث الروسي البارون ادوارد نولده بكتابه الاوضاع السياسية في وسط الجزيرة العربية عند نهاية القرن التاسع عشر !!!

--------------------------------------------------------

ثانياً موضوع الاسرا ابن سعود وعقاب والشريف .. وتسميه استهزاء مني

ان ذكرت لك التاريخ تقول استهزاء !!! لا الومك بصراحه قد يكون التاريخ صعب عليك قليلاً

عقاب العواجي وابن سعود رديت عليهم بردود سابقه مع ذكر الدلائل من القصائد

اما الشريف هذا دليله ويقول الشريف \ محمد

يامـن لـعيـنـن للـشـريـف محـمـد=تهلهل دمعه مـن مخـة الـراس حـادر
جريت السرايـا مـن الطايـف والحـرم=وصلنـا وجلـنـا يــم واد الـدواسـر
وصلنا على ابن حميـد بالنيـر وانتحـى=اقفـى وقفـى عـن لقـانـا مخـايـر
وصفقناهن باليسرى على الصقور وانتحوا=اقفـوا وعرفـوا بـه حمـران النواظـر
وجينا الديرة اللي اسمهـا باسـم اهلهـا=كـرام اللحـى بايـام حـر المسـاعـر
رجـنـا وروجـنـا بـديـار شـمــر=بديـار مرويـن الـعـدى بالشـواطـر
مناخـنـا لعـبـده تسعـيـن لـيـلـه=بساقـي بزاخـه لاسقتـهـا المـواطـر
وفاضوا مـع بيضـاء وفضنـا وراهـم=لجـوا والتجـوا فـي طمـان المغاتـر
بالتلعـة اللـي جعلهـا لساقـي الحيـى=التلعـة اللـي كـل حـصـوه جـفـادر
وجتنا السرايـا بيـن متالـع والحضـن=تسمـع زغاريـت البنـات الجـواهـر
جتنـا جحافلهـم علـى ظهـور ظمـر=قب(ن)يشـادي صرعهـا كـل نـادر
اذا اقبلـن مثـل الشياهـيـن للعـلـف=وان ادبـرن مثـل اللقـاح الـصـوادر
وتطـاردن باللغـف فـي حـد موقـق=وصـارت علينـا مـن كبـار الكسايـر
صحنـا وقلنـا الخيـل يابيـص فكـنـا=يابيص يابيـص الوغـى يابـن شاكـر
رده عليهـم بيـص واحمـر السـمـاء=وصارت فـروق الخيـل مثـل البواخـر
تسمع حسيس سيوفهـم فـي ظهورنـا=مثل نشيـش المـزن مـن نـو ماطـر
وتشوف جثي الخيل مـن حـر ضربهـم=مثل خشب سـدرن مـع السيـل حـادر
عـبـده وزوبــع لاتصـافـوا بـيـنـهـم=حريبهـم ضـاقـت علـيـه المعـابـر
يامكرمـيـن الجـار يـاغـش ضـدهـم=وسـاع الطعـون ومدركيـن التفـاخـر
يامدلهيـن الخـور بـارض المخـافـه=لاجـاء نهـارن فـيـه وارد وصــادر
وردنـا الحليفـه تاركيـنـن شيوخـنـا=فياض وحوشان ومقتفي الخيـل ناصـر
وتركنـا سالـم والزنـاتـي عـبـدالله=والله عليـمـن بالخـفـى والظـواهـر
مـلـنـا عليهـم مـيـلـتـن مــن خطـانـا=وانــا عـلـى مـاقـدر الله صـابـر
حلفت ماتـي ديارهـم عقـب مامضـى=لمـا نتـواجـه عـنـد رب المـقـادر
هــذا كـلامـن لـلـشـريـف محـمــد=يذكـر فعولـن ماضـي(ن) لـه بـوادر
وخـتـامهـا صلـو علـى سيـد الـمـلا=عـداد مــن أذن بــراس المنـابـر


والقصيده تشرح نفسها !!!

ثانياً : السديري الله يرحمه ويرحم جميع اموات المسلمين انا ماسبيته ياخوي!!!

انا قلت انه غير محايد وكتابه جا على حساب كسب علاقات جيده مع الاسره الحاكمه بعيد كل البعد عن الدقه والحياديه .. ودليل على كلامي هل يصدق عاقل انه كتاب عن ابطال الصحراء لايوجد فيه ذكر قبائل كقبيلة مطير والعجمان وغيرهم من القبائل العريقه !!!

كتاب ثلث للعواجيه وثلث لبن سعود وثلث لحياته ومسيرته الشخصيه !!!

1- عطني اسم ام السديري
2- عطني اسم زوجته
3 - عطني اسم الروات الي موثق كتابه فيهم ( للعلم اغلبهم عنزه )
4- ماعندك دليل غير كتاب السديري مثلاً ؟؟؟ وهو بس الزين والباقي كلهم غلط ؟؟

واتمنا اني اكون غلطان لانها كبيره بصراحه


--------------------------------------------------------------------------

يقول بكتابه انه هايس القعيط دوسري ومستند على انه هايس من البريك فخذ موجود بزوبع وموجود نفس الاسم بقبيلة الدواسر ؟؟؟

يعني تشابه اسماء هذا الي بنا عليه السديري بكتابه فقط لاغير !!! لاعد جد ولا غيره

ونعم بدواسر لاكن زوبع ردت عليه وعدت نسل هايس الا زوبع والمعروف عند القبائل الي يدخل على قبيلة يعجز على ذكر سابع جد !!!!

ورد عليه حفيد هايس وقاله :

حنى نوسم الرجال هو مايوسمنا ...


والمعروف انه الشيبان يقطونها كاش مايجاملون وعجبني كثيراً رده على السديري بصراحه ...


يمكن كان يتمنا ينسب فعل هايس لربعه ....

القبايل يحبون ينسبون الرجال الطيب الي فيه خير لهم << وجهة نظر

اخيراً وليس اخراً

هل تعلم لماذا السديري له لقب امير !!! هو الوحيد من غير جميع القبايل ؟؟؟

اذا تجهل الوضوع راسلني واعلمك عشان ماتستشهد بكلامه !!!


ثالثاً موضوع الانساب ابن صباح وابن سعود وال خليفه

ال خليفه الكرام فعلاً عنزه ..

اما ال سعود وال صباح الكرام انت نفسك تعلم انهم ماهم عنزه وابن سعود البدو يسمونه اول حمر الطرابش وابن صباح عرقه بعيد شوي ولا احب ادخل بتفاصيل اسره حاكمه...

عموماً اذا تقدر تعدلي جدان ابن سعود وابن صباح وتنورنا اذا كنا نجهل اصلهم معني شخصياً اعرف اصولهم !!!!

اما قصت الي قتل عيال اخته عشان حكم قبله واحد قتل اخوانه الاثنين وهم نايمين و والكويت ماتنكر الشي هذا ...

وبعده واحد خان بأمراء القبايل الي ساندوه بحكمه ضد شمر !!!وصورة سلطان الدويش وهو بالباخره البريطانيه اكبر دليل ... تجرأ على ذكر الحقائق ؟؟؟


اما بنسبه للمنع مرفوع هاذي جديده يابعدي اول مره اسمع بتاريخ عند دخيل يدخل بوجهك وتقوله المنع مرفوع !!!! نازل فيه تعميم وزاري مثلاً ؟؟


منهو فينا الي كلامه ماهو منطقي !!!


ماعليه مقدر انه ذبحت الدخيل صعبه عليك شوي .. لو كان مرفوع على قولتك ليه كل القصايد الي جت بهذلول انذكر فيها انه منيع لبن نوبان ؟؟؟

هاتلي قصيده تثبت انه المنع مرفوع وانه ماكان دخيل ودمه بارد يوم ذبحه عقاب ...

وهاذي قصيده مني اثبات وهات اثباتك ... مبيريك التبيناوي يقول :

نوت لياصاحت وزجت اصوات = هيفاء ترا العام لجت اقطينه
على شجاع (ن) منا راح للموات = منيع ابن نوبان هم خابرينه
هاذي قروض(ن) بينا يالقرابات = ياحلو ردات الجزا قبل حينه


وقصيده ثانيه لمبيريك يقول فيها :

ياضبيب لو ذبحت كل الزماميل = ذبحت دخيل البيت ماتفتح الباب


واتمنا انك ترد علي بدليل وماتعطيني اجتهاد لك شخصي واذا بترد علي بجتهادات شخصيه وفرها يابعدي لك ...

-----------------------------------------------------


وتقول انه شمر كلها على العواجيه ...؟؟؟

مدري وين قاري المعلومه هاذي انت بصراحه لاكن برد عليك ...

الي جا مع هايس زوبع من العراق ونزل عند خاله ابن رمال وراحو معاه ثلاث وغادين من عبده ووغادين عند شمر يعني صغار سن اعمارهم 17 و18 ..

وانشهرت بعدها مقولة حظ العبيدات من شمر 3 من عبده خذو الصيت بذبحت الشيوخ وزوبع مالها شي !!!وهم الي جايين لثار

ودليل قصيدة سعدون العواجي الي يقول :

جانا النذير وقال خوذو حذرها = سباع الجزيره يمكم عادياتي
سباع (ن) كلها بالجزيره ديرها = سباع(ن) دعاها الصوت قبل المماتي
هايس ورا الشطين يمي عبرها = عبر لنا بثار نهر الفراتي



ودامك تقول اني متابع الموضوع من الاول احب انورك بالموضوع الي حنى نتناقش فيه الي بدايته قال اخوي من بني وايل سؤال ليش عبده واسلم مافزعو لهذلول هل هو غير مهم عندهم !!

بس هذا دليل انك ماكنت معانا بالموضوع من الاساس !!!


وشمر فعلاً لم تجتمع الا ضد الشريف وهذا عندك غير الكلام هذا قوله ....

اما الجوف ماهي هديه من ابن شعلان الجوف اخذها محمد المهاد بسيف .. تنكر !!!

وهاذي قصيده لمرخان راعي الجوف ماهو شمري ولا عرقت فيه شمريه ويقول :

الكيف توه طاب لي والكرى زان = وشربي نقع بين الضلوع الصناديق
عصر الخميس أمسيت والقلب فرحان = جتنا علوم مثل قطف الزماليق
العلم جابه لي جرّيد وفاران=احلى من السكر على الكبد لا ذيق
قالوا نهب ريف المراميل بدوان =وخلى بوادي الجوف ناس مشانيق
هي هقوتي بك يانضايض كحيلان=الله يعطيك السعد والتوافيق
ياشيخ يانمر الجبل حام الاوطان=حماي بالضيقات تالي المساويق
عديت يامسطور الاولاد ضرمان=متحمل تبغي منافر ضنا القيق
وادليت بوادي الجوف واذهبت عربان=حمايل ضاعت غروب ومشاريق
وسيلت وادي الجوف من دم صبيان=ناس على نثرة دماكم مشافيق
حلوا بهم بالجوف طلقين الايمان=ستر مروين الرماح المزاريق
كون جرى بالجوف ماهو بالاكوان=على دغيم جان علم التصاديق
تشبع به الضبعا مع الذيب سرحان=و بقع النسور الهدف تاتي مخافيق
محرم لها بالخوف مروي شبا الزان=كرمة عزيز الجار ماهي تشافيق
ثاريك يادغيم من الربع حيوان=وش لك بشيخ يشلق الصيد تشليق
ياتيك بجموع وحضر وبدوان=ورقط تدفق ازرق السم تدفيق
حل القضا والامر من والي كان=تبغى الفراق ولا يضيل التفاريق
حامن عليكم يابن هذال عقبان=راجن وداجن واطلقن منكم الريق
نشبت مخالبهم بكم والخفي بان=واقبلت من دار السعه لمغزل الضيق
اغداك ياغادي الجدا كثر الاضعان=وخلايق معكم تلفق تلافيق
سلقا وملقا والكثيرين حبلان=غروكم المعدان عقادة الزيق
تناطح بهم ياتايه الراي فرسان=ياما اذهبوا من قبلكم من مخاليق
ياما دعاكم مسندي شت نجران=خبتوا وسبتوا مع كثير الطواريق
ساقكم سوق العير والمقطع القان=كم واحد عن حلته قبلكم سيق
خليت بيت الحرب واقفيت غضبان=واقفيت تنهق مع حمير نواهيق
الجيش خلي واقفت الخيل شردان=صارت على الحبلان ضرب وتضييق
هذي عوايدهم معفين الاوطان=ضياغم بالكون بلالة الريق
اخوان نورة من اول وذا الوان = مروين عطشان القنا بالمساويق
قزوك عن الحايط ولذات الاوطان=عن دار جدك والحقوق المطابيق
عدوهم ماهو من الناس ربحان=يمرح وقلبه بس يصفق تصافيق
وصديقهم يمشي مع الناس طربان=ويرتع خلاوي بالرياض المشاريق
ذا قول من لا دار بالقيل الاثمان=والصدق بين مايروق تراويق
عاداتكم كفوا المدايح بالاكوان=خصم الوزر نطاح حمر القواقيق
وصلاة ربي عد مايذن اذان= والا عدد مارفرفن الغرانيق



اما موضوع دعم الدولة العثمانيه لشمر فهذا شي يشرف مادعمتنا بريطانيا ب 5000 بصريف

ولولا ابريطانيا ماحكم ابن سعود وابن صباح خصوصاً اننا محاصرين الكويت ثلاث شهور والرياض كانت لنا وحتمو بالانجليز وسالفتهم معروفه يابعدي لاتفتح التاريخ راح وقته وانتها !!!

والله يعز الدولة السعوديه الاسلامه وابريطانيا انصرونا على العثمانيين


واتمنى لو تحب ترد على كلامي ترد بدليل اما كتاب اجنبي او من طرف محايد او من قصائد معروفه وموثقه !!!

ومايكون ردك كلام مبني على اجتهاداتك الشخصيه لانه التاريخ مايكتب بجتهادات ولا يعترف بالمنطق ولك شمر مثال قبيلة حكمت حكم دولة اين المنطق عن شمر ؟؟؟؟

تقبل تحياتي اخوك ...



فايز المفضل العبدي الشمري
[/]

v]: prdrm i`g,g hga,divd ,lrjg urhf












عرض البوم صور فايز المفضل   رد مع اقتباس
قديم 15-05-2010, 04:14 PM   المشاركة رقم: 69
المعلومات
الكاتب:
طراد الوايلي
اللقب:
عضو المجالس النشط
الرتبة:

البيانات
التسجيل: Mar 2009
العضوية: 19253
المشاركات: 688 [+]
بمعدل : 0.16 يوميا
اخر زياره : [+]
معدل التقييم: 12
نقاط التقييم: 20
طراد الوايلي is on a distinguished road

الإتصالات
الحالة:
طراد الوايلي غير متصل
وسائل الإتصال:

كاتب الموضوع : من بني وائل المنتدى : مجلس الموروث الشعبي
افتراضي رد: حقيقة هذلول الشويهري ومقتل عقاب

اخي طراد وايل


طلبت قصيده تخالف قصيدة السديري المنسوبه لسعدون العواجي هاذي قصيده اذا حبيت انك تقتنع فيها تفضل وتراها معروفه عند كل القبايل الا السديري مايرعفها البطل التاريخي بنظرك .. او فازع لخواله وخوال عياله




ابن طوعان بمجلس عبدالله الرشيد وكان غنيم الربضا موجود بعد ماقتل هايس وراح لرشيد يشتري روحه ..



يا غنيم عندك هايس (ن) نطلبك دين = خيال تالى شمر (ن) بـا لسنـودي



ان كان ما جازاك عنهـا صباحيـن = ما هو ولد علي (ن) عريب الجدودي




هايس عندما قتل كان ولد عقاب عمره تقريباً 18 سنه نفرض انه قتله وهو عمره 18 سنه وماني مستكثرها عليه .. لاكن بينك وبين نفسك اتمنا تاخذ وقت مع نفسك وتفكر شوي




هل يعقل انه بطل عمره 18 سنه يقتل شيخ بوزن هايس وماله اي شي بتاريخ !!



عطني اسم معركه ولا غزوه ولا قصيده لولد عقاب اشتهرت بين القبايل !!!



ادري والله يابعد حيي انك ماتعرف عنه شي وبيشتكي قوقل منك !!!



ياخي قبل لاتطلب من غيرك انه يكون منطقي خلك انت منطقي بالاول !!!



تطلب مني اثبت انه كتاب السديري ماهو صحيح وليه ماتثبت انت انه صحيح !!!



اتمنا تكون هاذي نهاية موضوع مقتل هايس

0000000000000000000000000000

000000000000000000000000000000
ياهلا باالااخ فايز من طول الغيبات جاب الغنايم0







رحت وجيت وجبت لنا ابيات قالهن الشاعر ابن طوعان



وهالابيات ذكرهن السديري بكتابه اللي تعارضونه وتكذبون اللي ورد فيه من احداث ووقائع ضدكم



لاانت ولامرزقاني جاب توثيق لشمر ضدال كتاب



يااخ فايز لفيت ودرت وجيتنا ببيات قالهن



ابن طوعان موجوده بكتاب السديري



يعني ماجبتو توثيق



وتقرون كتاب السديري {بعين وحده والثانيه تغمضونها}



كتاب السديري عندكم مزور ولاجبتو توثيق ضده ولاصدق السديري بكتابه الا بالابيات اللي قالهن ابن طوعان !!!!

والباقي كذب وتزوير!!!!





يعني كتاب السديري مثل خبز الشعير ماكول ومذموم؟؟؟؟

طلبنا توثيق ضد كتابه وجيتنا بتوثيق من كتابه





لقصيدة ابن طوعان



مالكم ومال كتاب السديري المزور اللي مالقى



اللي يصحح تزويره منكم الى اليوم!!!!



وتقول اللي القصيده اللي تخالف قول السديري بكتابه عن قصيدة سعدون العواجي



تعرفها كل القبايل !!!!



هل ضاقت صفحات كتب امجاد شمر



عن ذكرها على شان كذا ماوثقوها!!!!!



تلف وتدور وكلامك كثير يااخ فايز ولاجبت توثيق



يخالف كتاب السديري وجبت لنا قصيده لاابن طوعان




ذكرها السديري ليش مااخفاها السديري



المزورحسب رايك؟؟؟؟؟؟



سبحان الله يهالتوثيق اللي صار مثل العقوبه



للمخالفين عجزو عنه!!!! ولله في خلقه شئوون

وعلى فكره يااخ فايز ذكر السديري بكتابه

اللي ذكر فيه قصيدة ابن طوعان وتستشهد بها انت

ذكر السديري ان ولد عقاب هو اللي قتل هايس

وذكر قصيدة سعدون في ذالك

وذكر السديري ان غنيم هو سبب المعركه مع هايس اللي قتل بها ولد عقاب غريمه هايس القعيط


لاتغمض عين وتفتح عين يااخ فايز !!!!

v]: prdrm i`g,g hga,divd ,lrjg urhf













التعديل الأخير تم بواسطة طراد الوايلي ; 15-05-2010 الساعة 04:23 PM
عرض البوم صور طراد الوايلي   رد مع اقتباس
قديم 15-05-2010, 07:10 PM   المشاركة رقم: 70
المعلومات
الكاتب:
خالد محمد الزبيني
اللقب:
" باحث وكاتـب "
الرتبة:
الصورة الرمزية
 
الصورة الرمزية خالد محمد الزبيني

البيانات
التسجيل: Mar 2010
العضوية: 23450
المشاركات: 733 [+]
بمعدل : 0.19 يوميا
اخر زياره : [+]
معدل التقييم: 11
نقاط التقييم: 20
خالد محمد الزبيني is on a distinguished road

الإتصالات
الحالة:
خالد محمد الزبيني غير متصل
وسائل الإتصال:

كاتب الموضوع : من بني وائل المنتدى : مجلس الموروث الشعبي
افتراضي رد: حقيقة هذلول الشويهري ومقتل عقاب

السلام عليكم و رحمة الله و بركاته

(فايز المفضل . مرزقاني) حياكم الله في شبكة مجالس عنزه و أنتم راعين محل ويعلم الله أن عيال وايل كافه يكنّون كل الود و الأحترام لقبيلة شمّر العزيزه خاصه و حنا شرهتنا عليكم أكبر من اي قبيله أخرى بحكم الجوار و المصاهره و الرحم . وما تربط القبيلتين من عادات و تقاليد وسلوم مشتركه و تقارب باللهجه و مافيه عنزي الا مرتبط بشمري من ناحية نسب أو قرابه أو صداقه و العكس صحيح وعنزه وشمّر يقولون الحق لو على أنفسهم و الحق ماينزعل منه والأختلاف في الرأي لا يفسد للود قضيه و كتاب السديري كتاب لا بأس به من حيث المضمون و الأدله الشعريه سواء للعواجيه أو شمّر وقد أعتمد عليها المؤلف في كتابه ولم يأتي بشىء من عنده وقد كان محايدا رحمه الله و دليل حياديته عندما ذكر قصه ذيب بن شالح بن هدلان ابن شيخ الخنافره من قحطان و يقال أن الملك عبدالعزيز ـ طيب الله ثراة ـ أغارت فرسانه على شالح بن هدلان , ولم يعرف أن هذه أبل شالح , وابنه ذيب , وكان فرسان الملك عبد العزيز يعدون بالمئات , أغارت هذه الفرسان على ظعينة شالح وابنه ولم يكن حاضرا من القبيلة سوى ذيب ووالده وأخوتة , فأخذ ذيب يصد الخيل ببسالة متناهية , بل وشجاعة فذة , وقد أغارت عليه الخيل قبل بزوغ الشمس , وأخذ ذيب يدافع عن ظعن أبيه وابله .. الى ما بعد صلاة العصر , وهزم الخيل , بعد أن قتل الأمير فهد بن جلوي , ابن عم الملك عبد العزيز , الشجاع المعروف , والأمير فهد بن جلوي هو صاحب (( الشلفا)) التي حربتها لازلت في باب قصر عجلان المسمى بالمصمك بمدينة الرياض , في اليوم الذي هاجم فيه الملك عبد العزيز قوة ابن رشيد التي بالقصر المذكور وأيضا رمى ذيب بالأمير تركي بن عبدالله آل سعود ابن عم الملك عبد العزيز , رمى به على لأرض , وجرحه بجنبه , وجندل معه تسعة من الفرسان , وكان ذيب في أوج المعركة , يأمر رعيان ابله بأن لا يصلفوا بهجيجهم لئلا يتأثر أبوه , وكان أبوه طاعنا في السن . تخلص ذيب من فرسان الملك عبدالعزيز بفروسية لا يضاهيها أية فروسية , فمن الذي يستطيع أن يحمي نفسه من فرسان الملك عبدالعزيز منفردا حمى ظعينة أبيه بقوة ساعده , وبضرباته الهائلة , ولا شك أن هذه المعجزة تجلت بصحراء نجد , سجلها شاب من قبيلة قحطان , القبيلة العريقة : لقد نشأ هذا الشاب وترعرع بصحراء نجد القاسية , وسجل هذه المفخرة وعمره لا يتجاوز الثانية و العشرين سنة , على أول طرة شاربه .
لقد ذكر السديري الحق ولم يجامل ولم يتعاطف لصلة القربى بينه وبين الملك عبد العزيزآل سعود رحمه الله ومن المعروف أن الأمير محمد السديري ولد خال الملك عبد العزيز و خال الملك فهد والامراء سلطان وعبدالرحمن ونايف وسلمان و أحمد وغيرهم .
أما بالنسبه للأشاعات التي تقول أن السديري خواله العواجيه و متزوج منهم فهذا الكلام جانبه الصواب وهو خطأ بلا شك والصحيح أن أمه هي منيره بنت زيد الرشود من أهل القصيم .
زوجاته :
شريفة السلمان المطيري (رحمها الله)أم زيد
نفله الشعلان من الروله (رحمها الله) أم مشعل

رجنا بنت شطي بن فهد الرمال من شمّر(رحمها الله) أم خالد
نوف بنت سلطان بن سطام الطيار من عنزه أم تركي
نوره بنت ناصر بن أحمد البانمي (رحمها الله) أم شيخة
مها بنت عبد الله المتعب من الجوف (رحمها الله) أم نورة

وليس فيهن أي عواجيه لا بل من أحدى زوجاته بنت ابن رمال من شمّر .
لقد تبيّن أن السديري ليست له علاقه لا من قريب ولا بعيد بالعواجيه .

1-أسم المعركه التي قتل فيها هايس القعيط رحمه الله :
مناخ الوديان .( 1261 ) هجري

2-أطراف المناخ :
-السويلمات من الدهامشه من عنزه و عقيدهم ( غنيم الربضا ابن بكر ) .
-البريك من الخرصه من شمّر و عقيدهم ( هايس القعيط ) .

3-مكان المناخ :
الوديان بالقرب من عرعر الآن و يعرف أيضا ب( وديان عنزه ) .

تفاصيل المعركه :
المناخ حصل بين السويلمات من الدهامشه وبين البريك من شمر وشيخ البريك هو هايس القعيط الفارس المعروف الذي هو وجماعته من قاموا بقتل الشيخ عقاب العواجي هو واخيه حجاب المعركه بالبدايه كانت بين البريك وبين السويلمات فقط ولكن تطورت الامور الي أن تدخلت أفخاذ اخري بهذه المعركه من عنزه ومن شمرومن ضمن الذين تدخلو من عنزه فخذ ولد سليمان من عنزه لأنها تعتبر فرصه لأخذ الثأر من الشيخ هايس القعيط لأنه هو شيخ الفخذ الذين قاموا بقتل شيوخهم عقاب وحجاب العواجيه وفعلن كان سعدون العواجي يدرب أحفاده الي أن كبرو وأصبحوا شبان لكي يأخذو بثأر والديهم من هايس القعيط وجماعته وأتي بأبن عقاب العواجي وأبن حجاب العواجي وقال لهم جدهم سعدون أريد منكم بأن تقولو لي قصيده بالثأر من هايس القعيط والذي تعجبني قصيدته سوف اعطيه الفرس بنت فلحا وسيف والده ولد حجاب (جارالله) قال قصيده ولكن لم تعجب جده سعدون ولكن ولد عقاب (فريح) قال قصيده اعجبة جده سعدون وهي كالتالي :

ياليت من جذ فلحا ثنيه =ولا رباع مسودسه بالمسامير
ابي ليا قيل زيعت رعيه = وتوايقن مع الحنه الغنادير
أنطح عليها سربتن زوبعيه =يجهر لميع سيوفها والمشاهير
متقلدن سيف سواة الرعيه =ادور أبوي عند روس الخواوير
أن مالينت بالحبل ليه =ماني عشير الي نهوده مزابير
سعدون جدي هو خلفة والديه =شيخ الجهامه والسلف والمضاهير
دين علي هايس زبون الونيه =يجيبه المعبود ولا المقادير
أن مانطحت الخيل عيب عليه = أن وردهن مثل أثامي الخنازير
عيب علي العزوه الوايليه = وأحرم من الفنجال وسط الدواوير


ويرد عليه حسين الذنيب شاعر شمر :

يا راكب حر ولد صيعريـــــــــــــــــــه ,,,,,,, ما تلحقوا مطقوقة بالمساميــــــر
مافوقها الا ولد زوبعيــــــــــــــــــــــه,, ,,,, حرٍ صميدع من رجال المناعيـــر
الصبح يطلعبك من العيرضيــــــــــــه ,,,,,, يشد ظليمٍ طالع العصر وامسيــــر
يا((فريح يا ابن عقاب)) أثاريك غيه ,,,,,, الشيخ ماتأتي علومه مصاخيـــــر
بالك تناهي سربةٍ شمريــــــــــــــــــه ,,,,,, يخرع لميع سيوفها يم البواتيــــر
ساروا بأبوك ذيب السريـــــــــــــــــه,,,,,, وأسقوه من مر الشرى والمراثير
صابه غلام مايعرف اللويــــــــــــــــه ,,,,,, ما صدها يوم السبايا مناحيــــــــر
أبوك ضرب بحربةٍ شوشليــــــــــــــه ,,,,,, وعمك وزيد المرتعد طاح ماديـــر
بوجيه ربعٍ كلهم باسليــــــــــــــــــــه ,,,,,, يقضون لهذلول زبون المقاصيـــر
وراجت عليه الخيل في كل هيــــــــه ,,,,,, وتودنسوا بالورد وتصديـــــــــــــر
وخلي عشا للذيبه الحضرميــــــــــــه ,,,,,, وشهب الطيور مسوهبات المناقير
ولجت عليك العزوة الوايليــــــــــــــه ,,,,,, يذري عليك العج مثل المعاصيــــر
وثارك ببطنك والعلوم محكيــــــــــــه ,,,,,,ونعدها لمدورين التفاسيــــــــــــــر


وفعلن قصيدة أبن عقاب هذه أعجبت جده سعدون وقال أنت من يأخذ بثأر أبيه وعمه وحصلت هذه المعركه بين السويلمات وبين جماعة هايس القعيط البريك من شمر وقال سعدون لجماعته هذه فرصتكم أذهبوا لمساعدة السويلمات ولكي تأخذو بالثأر من البريك من شمر وفعلن ذهبوا وقامت شمر بطلب العون من الافخاذ الاخري من شمر وصار الاصدام بين القبيلتين وكان أبن عقاب العواجي يبحث عن الشيخ هايس بين الرجال بالمعركه الي أن وجده وحين وجده قام بطعنه بخاصرته بالشلفا وخرج به خارج المعركه وعندما التفت اليه هايس القعيط قال له ان ماخاب ظني انك ولد عقاب العواجي رد عليه ابن عقاب وقال له انا لم اسئلك انا ولد من ولكن اذا اتيت ابي بالاخره سلمني عليه وقول له ابنك أخذ بثارك وبثار عمه من هايس القعيط وقام بقتله وبهذه المعركه انتصرت عنزه علي شمر وكان عقيد هذه المعركه هو غنيم الربضا شيخ السويلمات وهو أصبح المطلوب الي شمر بدم هايس القعيط وفعلن قتل علي ايدي شمر وأخذو ثأر هايس القعيط من الشيخ غنيم الربضا ومن أخذ بثأره هو أبن رشيد .

وعندما عين الامير عبدالله الرشيد اميرا لحائل اخذت القبائل تتوافد عليه ويقدمون له الهدايا ومن ضمن من وفد اليه الشيخ غيم الربضا وقدم للامير هدية عبارة عن ثلاث من الخيل وقبلها منه الامير عبدالله الرشيد وجلس غنيم الربضا في مجلس الامير وكان مع الجالسين الشاعر ابن طوعان وكان مكفوف البصر وطاعنا في السن فقال الامير عبدالله الرشيد لابن طوعان هذا غنيم الربضا قوم سلم عليه ، فقال ابن طوعان البيتين التاليين موجهها الى غنيم الربضا ومحرضا الامير عبدالله الرشيد عليه.

يا غنيم عندك هايس (ن) نطلبك دين
------------------------- خيال تالى شمر (ن) با لسنودي
ان كان ما جازاك عنها صباحين
------------------------- ما ه ولد علي (ن) عريب الجدودي


وعندما سمع الامير عبدالله الرشيد البيتين امر بارجاع هدية غنيم الربضا وقال له انت في امان الى ان تصل الى اهلك ولا بد لنا اخذ ثار هايس القعيط منك ( لانه كان عقيد المناخ الذي قتل فيها هايس القعيط ) وبعد مدة غزاه الامير عبدالله الرشيد في وديان عنزة وقتله.

الذي قتل هايس القعيط هو فريح ابن عقاب و كما قال الشيخ سعدون العواجي في قصيدته :

ياسابقي رد البرا مـات راعيـه,,,,,,الجيش حزبٍ والرمك موفلاتـي
ياناس زول اعقاب ماني بناسيـه,,,,,,عقبه فلا تسوى ريـال حياتـي
لو من غذا جروٍ لقا ماهقا فيـه,,,,,,,كان العرب كلها تسوي سواتـي
الورع ورع عقاب لاخاب راجيه,,,,,,حول بهايس ماتناسـى وصاتـي
كزه لبوه ويذكر انـي موصيـه,,,,,,,يعد مـا شافـت عيونـه ثباتـي

الخيل تثقل لين تسمـع عزاويـه,,,,,,ومن يوم سمعنه وهـن مقفياتـي
لعل ورعٍ مامشى درب أهاليـه,,,,,,،تشلق عليه جيوبها المحصناتـي


ومن قوله أيضا :

فاتن ثمان سنيـن والثـار غـادي ,,,,,مواكرك ياعقاب عقبانهـا صغـار
عضود فرخك ما تجيـد الهـدادي ,,,,,,سنه صغير ولا تمكن مـن الثـار
واليوم يـروي مرهفـات الهنـادي,,,,,,والخيل من فعلـه هزايـم وعبـار
يا عقاب دونك هايس جـاك بـادي,,,,,ثم انشده ياعقاب كيف الخبر صـار
فرخ العقاب اللي رمى به وكـادي,,,,,,خلا شتات الريـش شتـان وبـذار
حرٍ قنص حـرٍ بثـاره وصـادي,,,,,,,ليث على خيـل المعاديـن كـرار

الى عثـى بمشمـرات الجـوادي,,,,,,,ياعقاب مثلك لاحمـر الـدم نثـار
يقطـع صبـي مـا بثـاره ينـادي,,,,,,,والخوف ما طول قصيرات الاعمار


وقد قتل هايس القعيط على يد فريح بن عقاب كما تدل عليه هذه الأبيات التي تفصّل الأحداث
والذي قتل عقاب وحجاب هم مشاري و سرحان و مفيز العفر وهم من عبده من شمّر واصبح يضرب المثل الي يقول حض العبدات من شمر بسبب فعلهم وكان عقيدهم هايس القعيط .




أخوكم خالد الزبيني الدهمشي

v]: prdrm i`g,g hga,divd ,lrjg urhf













التعديل الأخير تم بواسطة خالد محمد الزبيني ; 15-05-2010 الساعة 07:13 PM
عرض البوم صور خالد محمد الزبيني   رد مع اقتباس
قديم 15-05-2010, 07:56 PM   المشاركة رقم: 71
المعلومات
الكاتب:
مرزقاني
اللقب:
عضو مجالس عنزة
الصورة الرمزية
 
الصورة الرمزية مرزقاني

البيانات
التسجيل: Feb 2010
العضوية: 22952
المشاركات: 75 [+]
بمعدل : 0.02 يوميا
اخر زياره : [+]
معدل التقييم: 11
نقاط التقييم: 20
مرزقاني is on a distinguished road

الإتصالات
الحالة:
مرزقاني غير متصل
وسائل الإتصال:

كاتب الموضوع : من بني وائل المنتدى : مجلس الموروث الشعبي
افتراضي رد: حقيقة هذلول الشويهري ومقتل عقاب

الأخ طراد الوايلي

الأخ فايز جايبلك قصة وقصيدة عن مقتل الشيخ هايس وانت تقول وين الإثبات يعني انت تبي إسم كتاب
والله ترى اللي مايفهم هل القصيدة والقصة كتب الدنيا كلها تعجز عن إقناعه مع إحترامي لمشاعرك
حنا مالنا ناكرين إني عنزة اللي ذبحت الشيخ هايس إن كان إبن عقاب ولا غنيم بس الحقيقة مرة وصعبة عليكم ومالكم حابين تقتنعون بإنه غنيم وبطريقة مخذية مثل طريقة عقاب يوم ذبح هذلول



يعني متعلم كلمة توثيق وجاي تسولفها ومانت عارف وش معناها 000
وأنا أسلفت بالقول إني رح أنزل الكتاب بهذا المجلس عله ينفعكم

بس ليش تجاهلتم كلامي يوم قلت إن العنوز اللي بدولتي رافضين كلامكم وإدعاء السديري

وتعرفون إيش الفرق بينكم وبينهم هم ماعندهم قوقل ولا يعرفون السديري يعرفون الحقيقة بس
وأما عن الأسئلة المطروحة إلكم للحين ماجاوبتوا على واحد منها وهذه قوية

والأخ فايز طلب منكم دليل ماهو من إجتهاد شخصي وبعيد عن أكاذيب السديري وله هذي صعبة

ياخي إعتبرو اللي عم يناقشكم ماهو شمري وماإقتنع بكتاب السديري ليش تتهربون من الأسئلة


ولا ماعندكم رأي شخصي ولانظرةبالأمور المنطقية وماتتكلمون إلا باللي تقرونه(الله يخلف عالسديري وقوقل)

والله لازم تسووله تمثال لانه يستاهل

واللي كثير مقتنع بإن الشيخ هايس دوسري أحب أقله إن السديري علمك بس حنا نعرف رموزنا وأبنائنا وشيوخنا وما لنا بحاجة لمن يعلمنا واللي حابب يتأكد هذا نسب الشيخ هايس
(هايس بن عياده بن جميل بن بنيان بن سعدي البريكي الخريصي الشمري)
وأنا رح أرجع للموضوع الأساسي دامكم ماعرفتوا الإجابة على الأسئلة المطروحة000

إنتم تبين لكم إني الفارس هذلول اللي طوع عنزة انه حنشل

أنا راح أناقشكم بالمنطق
أول شيء الفنجال عند البدو ماكان ينشرب على راس حنشل وإلا ماكان فهيد العواجي
يقول من يشرب فنجال هذلول ولم يتجرء أحد على شربه وبالأخير قال رجاء البوهي أنا أشرب
فنجال هذلول بوقعة اسمها عين كحلة وهذه الوقعة اللي قتل فيها فهيد العواجي - ورجاء البويهي اللي شرب فنجال هذلول -ومحمد العواجي وأكثر من 15 فارس من شجعان الولد سليمان لاتحضرني أسماؤهم بس أكيد دامكم حافظين تاريخكم لازم تعرفوهم
وقال الشاعر حسين الذنيب بعدها

يالله ياللي فـوق خلقـك ضمينـا= =عليم ما يخفى علـى الله  خافـي
نلوذ بك وأنـت الـذي تحتمينـا== يا معطي الجزلات والرزق وافـي
جانا عقيدا" فوق كـور  ألهجينـا ==كل يضم من الجعـد كـل ضافـي
مشابهم بهم ولد العواجي  علينـا ==من الزود ما جنب طريق  المهاف ي
بقرانهـن يـا شيـن  لاتبتلينـا= =وش عذرنا من قاطعات  الفيافـي
يا ما على ركن الركايـب حدينـا= =ضرب بعيـدان القنـا وانعجافـي
يثـور مـن تفاقهـم كالحنيـنـا== ويثور مـن تفاقنـا كـل صافـي
مطارق يقذفـن مثـل الشنينا==يام ا وقع بخشومهن من  سنافـي
دونـك رجـا بملعـب الغانمينـا== عقب الوجب تذرا عليه السوافـي
هذا جزاء اللي من شمـام يبينـا= =يبي الجمل وإلا الركايب  جزافـ ي
حامـن طيـور مدبحـات علينـا==من  بيننا يبن غصيـب  ألعلافـي
ومحمد يسري الحمر مـن يمينـا==أ ستذرعه ستر البنـات  ألعفافـي
فهيـد وقـع بالجـر ياذاهبيـنـا= =ياحيف يا ركـب ٍتـروح خفافـي
هذي من الله عـاده ٍ يـا  بلينـ ا==نجدع لحثـات البراثـن علافـي
وليا نتخى هذلـول ثـم  انتخينـا ==لعيـون ربـع ٍ قرنـوا بالكتاف ـي
أملاطـما تلقى المشالـح  علينـا ==عذالتـن يالابسـيـن الكفـافـي
نفلت أنا سمـران ربعـي علينـا== وخطو أشقح الصبيان جاه الهذافي
وركابنـا مـا فوقهـن  الذهينـا= =وعقيدنا ما يعطـي الحـق قافـي
اركض بنا يابو غلـول ٍ رصينـا== نجعل عمـار طايـلات  قصافـي
يا مـا رجمناهـم بحـد البطينـا= =بمشنشلات ٍمع سيـوف  رهافـي

يعني إن كان حنشل سوى اللي سواه ولوكان فارس ؟؟؟ طبعاً حسب قولكم
وهذا اللي خلى عقاب ينزعج منه ويطلبه لأن اللي ذبحهم هذلول كانوا من أشداء عنزة ودراع عقاب اليمين

واللي يبي أزود من هذا يبشر بعزه

v]: prdrm i`g,g hga,divd ,lrjg urhf












توقيع : مرزقاني

رحمة الله عليك ياأخي عناد العنزي


التعديل الأخير تم بواسطة مرزقاني ; 15-05-2010 الساعة 08:55 PM
عرض البوم صور مرزقاني   رد مع اقتباس
قديم 15-05-2010, 09:01 PM   المشاركة رقم: 72
المعلومات
الكاتب:
طراد الوايلي
اللقب:
عضو المجالس النشط
الرتبة:

البيانات
التسجيل: Mar 2009
العضوية: 19253
المشاركات: 688 [+]
بمعدل : 0.16 يوميا
اخر زياره : [+]
معدل التقييم: 12
نقاط التقييم: 20
طراد الوايلي is on a distinguished road

الإتصالات
الحالة:
طراد الوايلي غير متصل
وسائل الإتصال:

كاتب الموضوع : من بني وائل المنتدى : مجلس الموروث الشعبي
افتراضي رد: حقيقة هذلول الشويهري ومقتل عقاب

الأخ طراد الوايلي

الأخ فايز جايبلك قصة وقصيدة عن مقتل الشيخ هايس وانت تقول وين الإثبات يعني انت تبي إسم كتاب
والله ترى اللي مايفهم هل القصيدة والقصة كتب الدنيا كلها تعجز عن إقناعه مع إحترامي لمشاعرك
حنا مالنا ناكرين إني عنزة اللي ذبحت الشيخ هايس إن كان إبن عقاب ولا غنيم بس الحقيقة مرة وصعبة عليكم ومالكم حابين تقتنعون بإنه غنيم وبطريقة مخذية مثل طريقة عقاب يوم ذبح هذلول

طيب أنتم قولوا منوا ذبح غنيم الربضا وأنا رايح أصدقكم إن اللي ذبح هايس هو ابن عقاب

الأخ طراد

يعني متعلم كلمة توثيق وجاي تسولفها ومانت عارف وش معناها 000
وأنا أسلفت بالقول إني رح أنزل الكتاب بهذا المجلس عله ينفعكم

بس ليش تجاهلتم كلامي يوم قلت إن العنوز اللي بدولتي رافضين كلامكم وإدعاء السديري

وتعرفون إيش الفرق بينكم وبينهم هم ماعندهم قوقل ولا يعرفون السديري يعرفون الحقيقة بس
وأما عن الأسئلة المطروحة إلكم للحين ماجاوبتوا على واحد منها وهذه قوية

والأخ فايز طلب منكم دليل ماهو من إجتهاد شخصي وبعيد عن أكاذيب السديري وله هذي صعبة

ياخي إعتبرو اللي عم يناقشكم ماهو شمري وماإقتنع بكتاب السديري ليش تتهربون من الأسئلة


ولا ماعندكم رأي شخصي ولانظرةبالأمور المنطقية وماتتكلمون إلا باللي تقرونه(الله يخلف عالسديري وقوقل)

والله لازم تسووله تمثال لانه يستاهل

واللي كثير مقتنع بإن الشيخ هايس دوسري أحب أقله إن السديري علمك بس حنا نعرف رموزنا وأبنائنا وشيوخنا وما لنا بحاجة لمن يعلمنا واللي حابب يتأكد هذا نسب الشيخ هايس
(هايس بن عياده بن جميل بن بنيان بن سعدي البريكي الخريصي الشمري)
وأنا رح أرجع للموضوع الأساسي دامكم ماعرفتوا الإجابة على الأسئلة المطروحة000

إنتم تبين لكم إني الفارس هذلول اللي طوع عنزة انه حنشل

أنا راح أناقشكم بالمنطق
أول شيء الفنجال عند البدو ماكان ينشرب على راس حنشل وإلا ماكان فهيد العواجي
يقول من يشرب فنجال هذلول ولم يتجرء أحد على شربه وبالأخير قال رجاء البوهي أنا أشرب
فنجال هذلول بوقعة اسمها عين كحلة وهذه الوقعة اللي قتل فيها فهيد العواجي - ورجاء البويهي اللي شرب فنجال هذلول -ومحمد العواجي وأكثر من 15 فارس من شجعان الولد سليمان لاتحضرني أسماؤهم بس أكيد دامكم حافظين تاريخكم لازم تعرفوهم
وقال الشاعر حسين الذنيب بعدها

يالله ياللي فـوق خلقـك ضمينـا= =عليم ما يخفى علـى الله خافـي
نلوذ بك وأنـت الـذي تحتمينـا== يا معطي الجزلات والرزق وافـي
جانا عقيدا" فوق كـور ألهجينـا ==كل يضم من الجعـد كـل ضافـي
مشابهم بهم ولد العواجي علينـا ==من الزود ما جنب طريق المهاف ي
بقرانهـن يـا شيـن لاتبتلينـا= =وش عذرنا من قاطعات الفيافـي
يا ما على ركن الركايـب حدينـا= =ضرب بعيـدان القنـا وانعجافـي
يثـور مـن تفاقهـم كالحنيـنـا== ويثور مـن تفاقنـا كـل صافـي
مطارق يقذفـن مثـل الشنينا==يام ا وقع بخشومهن من سنافـي
دونـك رجـا بملعـب الغانمينـا== عقب الوجب تذرا عليه السوافـي
هذا جزاء اللي من شمـام يبينـا= =يبي الجمل وإلا الركايب جزافـ ي
حامـن طيـور مدبحـات علينـا==من بيننا يبن غصيـب ألعلافـي
ومحمد يسري الحمر مـن يمينـا==أ ستذرعه ستر البنـات ألعفافـي
فهيـد وقـع بالجـر ياذاهبيـنـا= =ياحيف يا ركـب ٍتـروح خفافـي
هذي من الله عـاده ٍ يـا بلينـ ا==نجدع لحثـات البراثـن علافـي
وليا نتخى هذلـول ثـم انتخينـا ==لعيـون ربـع ٍ قرنـوا بالكتاف ـي
أملاطـما تلقى المشالـح علينـا ==عذالتـن يالابسـيـن الكفـافـي
نفلت أنا سمـران ربعـي علينـا== وخطو أشقح الصبيان جاه الهذافي
وركابنـا مـا فوقهـن الذهينـا= =وعقيدنا ما يعطـي الحـق قافـي
اركض بنا يابو غلـول ٍ رصينـا== نجعل عمـار طايـلات قصافـي
يا مـا رجمناهـم بحـد البطينـا= =بمشنشلات ٍمع سيـوف رهافـي

يعني إن كان حنشل سوى اللي سواه ولوكان فارس ؟؟؟ طبعاً حسب قولكم
وهذا اللي خلى عقاب ينزعج منه ويطلبه لأن اللي ذبحهم هذلول كانوا من أشداء عنزة ودراع عقاب اليمين

واللي يبي أزود من هذا يبشر بعزه
000000000000000000000000000000 00000000000000000000000
000000000000000000000000000000 0000000000000000000000000

ياهلا بالاخ مرزقاني من طول الغيبات جاب الغنايم


سبحان الله الحين صار طلب الدليل الموثق محل نقد وتعجب

من باب اولى انتقد ربعك ومؤرخين قبيلتك اللي وثقو لقبيلة شمر الا كلامكم انت وفايز

ماوثقوه {وخلولي فرصه اتعلم كلمة توثيق واظل اكررها عليكم}


كل كلامك غرب والمطلوب شرق تتكلم بكلام غير موثق ولما نطلب الدليل والتوثيق

علي صحته صار طلب التوثيق محل نقد!!!!


تدري يااخ مرزقاني احسن شي لك تخبر مؤرخين شمر وادبائهم

يوثقو كلامك بكتاب يردون فيه على كتاب السديري اللي له اكثر من 30 سنه من اصداره


وخبر ربعك اللي مايدرون عن كتاب السديري يفزعون للقبيلة ويردون اعتبارها من اللي ورد


بكتاب السديري {الغير صحيح بزعمكم}


وانت تقول كتاب السديري انشهر من بعد ظهور الانترنت كلام حلو وانت متاكد منه


طيب الانترنت كم له من ظهر 10 اسنين او سنتين او اقل؟؟؟؟؟


والى الان بحثكم جاري للتوثيق ضد كلام السديري {المزور}


لله في خلقه شؤؤؤن0


كتاب السديري مزور ومكذوب وكلامكم ضده كثير والى اليوم ماحد قدر يرد عليه في كتاب

من كتب امجاد شمر سبحان الله كتاب مزور واعذاركم كثيره مره منتم بحاجه لمن يعلمكم


امجاد قبيلتكم ومره التوثيق جاري ضد كتاب السديري وكل يوم لكم راي جديد !!!!!!!


واخر كلامكم اللي يبي اكثر من هاذا يبشر بعزه !!!!!


وبعض من عزنا اللي ذكره السديري بكتابه ماقربتو له ولا عارضتوه بتوثيق!!!!!!!


ويصير كل الموضوع طراد تعلم كلمة توثيق وعلق عليها!!!!!


الى الان طلب التوثيق جاري


وانا حطيته تحت بند فاقد الشيئ لايعطيه0

وياليت تشوف لك جمل ومعاني يااخ مرزقاني تنسيني طلب التوثيق اللي مهما قلت وتكلمت
العرب توثق افعالها بدواوين وبمجرد ان الاخ فايز والاخ مرزقاني

ماعندهم توثيق ضد كتاب ضهر ضدهم اصبح طلب التوثيق اللي يثبت الصدق من الكذب


محل انتقاد !!!!!

فعلا زمن عجايب0



ياترا بيجيبون التوثيق ولا لا؟؟؟

v]: prdrm i`g,g hga,divd ,lrjg urhf













التعديل الأخير تم بواسطة طراد الوايلي ; 15-05-2010 الساعة 09:05 PM
عرض البوم صور طراد الوايلي   رد مع اقتباس
إضافة رد

مواقع النشر (المفضلة)

جديد منتدى مجلس الموروث الشعبي



الذين يشاهدون محتوى الموضوع الآن : 48 ( الأعضاء 0 والزوار 48)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
رد على فواز الغسلان في منتدى العجمان من بني وائل مجلس الموروث الشعبي 1 08-04-2010 01:41 PM
نقاط استوقفتني من بني وائل مجلس القصص القديمة 0 01-10-2009 09:23 PM


الساعة الآن 04:54 PM.

Powered by vBulletin Version 3.8.7
Copyright 2020 vBulletin Solutions, Inc. All rights reserved.
(( جميع الحقوق محفوظة لـ شبكة مجالس قبيلة عنزة))
المشاركات بالموقع تعبر عن رأي كاتبها فقط

مجلس مناسبات القبيلة - الموروث الشعبي للقبيلة - مواطن وانساب القبيلة - مجلس الوثائق التاريخية - مجلس القصص القديمة - مجلس التراث الشعبي - مجلس القبائل العربية

RSS - XML - HTML  - sitemap - sitemap2 - sitemap3

مجالس قبيلة عنزة

Add to Google Reader or Homepage

Subscribe in NewsGator Online

Add to netvibes