المجالس التاريخية

المجالس التاريخية (https://www.3nzh.com/vb/index.php)
-   مجلس القصائد المختارة (https://www.3nzh.com/vb/forumdisplay.php?f=26)
-   -   قصيدة جزلة في أسرة آل حوشان في ضرماء والمزاحمية (الحوشان) .. (https://www.3nzh.com/vb/showthread.php?t=72476)

عبدالعزيز الصقري 04-08-2017 05:13 AM

قصيدة جزلة في أسرة آل حوشان في ضرماء والمزاحمية (الحوشان) ..
 
بسم الله ابدأ خير مبدأ المثايل
رب لنا بالدين مرسل رسوله


وعلى نبيه مرسلٍ الرسايل
فيها الدلايل واضحات شموله


نويت امجّد طيبين الخصايل
اللي لهم بالطيب صوله وجوله


ربعٍ لهم حقٍ من عيال وايل
والمدح فيهم واجب إنا نقوله


عاداتهم يمشون سلم القبايل
وناموسهم بالطيب ماحدٍ يطوله


رقوا سنام المجد والشك زايل
الـكـل مـنـهـم مـسرجات خيوله


أهل الكرم لاقيل يااهل الجمايل
مثل السحاب اللي تهامل ثعوله


ثلاثة فروعٍ تــفرع حــمايـــل
مـحـيـميد ومحـمد وبريك اخوله


وزيد وخلف ورشيد منهم عوايل
وخـلـيـف اخـوهـم طيبات فعوله


في نجد وإلافي القصيم وفي حايل
الـجـد واحـد والـحـقايـق تقوله


حــوشــان يجمعنا على كل طايل
بابٍ ومطرق وسمنا في ذلوله


وراعي البويضا نخوة أهل الفعايل
عدوهـــم تكبر وتثقل حـــموله


إلى انتخو باخوان ضافي الجدايل
حريبهم يلـقى فـعـولٍ تهــولـه


السيف مسلولٍ على كل عايل
والضد مقهور وتوخذ زموله


والضيف يلقى مبهرات وحايل
كلٍ يقول الضيف عندي نزوله


من الصقور من الجبل والدلايل
عوض لنا جدٍ الكل الحموله


وعمارات بطنٍ ننتسب له سلايل
فهودٍ وشجعان ورمز البطولة .

------- ‏قصيدة الشاعر:خالد بن سعد بن عبد الله الحوشان تسلم على القصيدة الرائعة وصح لسانك

فواز الجعفري 05-08-2017 12:43 AM

رد: قصيدة جزلة في أسرة آل حوشان في ضرماء والمزاحمية (الحوشان) ..
 
صح السان الشاعر
يعطيك العافيه على الطرح الجميل
احترامي

عبدالعزيز الصقري 05-08-2017 09:16 PM

رد: قصيدة جزلة في أسرة آل حوشان في ضرماء والمزاحمية (الحوشان) ..
 
صح بدنك والله يعافيك .. اخوك عبدالعزيز آل ثنيان

فواز الجعفري 05-08-2017 09:47 PM

رد: قصيدة جزلة في أسرة آل حوشان في ضرماء والمزاحمية (الحوشان) ..
 
حياك الله اخوي عبدالعزيز ال ثنيان
بين ربعك و هلك ياهلا و مرحبا فيك
احترامي

سعود المسعودي 06-08-2017 11:51 PM

رد: قصيدة جزلة في أسرة آل حوشان في ضرماء والمزاحمية (الحوشان) ..
 
صح لسانك وصح لسان شاعرها

عبدالعزيز الصقري 07-08-2017 02:13 AM

رد: قصيدة جزلة في أسرة آل حوشان في ضرماء والمزاحمية (الحوشان) ..
 
الله يبقيك يا غالي وشكرا ع الترحيب


الساعة الآن 03:11 AM.

Powered by vBulletin Version 3.8.7
Copyright 2021 vBulletin Solutions, Inc. All rights reserved.

(( جميع الحقوق محفوظة لـ شبكة مجالس قبيلة عنزة))