المجالس التاريخية

المجالس التاريخية (https://www.3nzh.com/vb/index.php)
-   مجلس القصائد المختارة (https://www.3nzh.com/vb/forumdisplay.php?f=26)
-   -   (العزوة العازميه) (https://www.3nzh.com/vb/showthread.php?t=59615)

سحايب العازمي 27-09-2011 04:59 PM

(العزوة العازميه)
 
طالب تخرج من جامعة الملك سعود
ولكن هذا الطالب لم يجد الوظيفة التي تليق به وبخلال هذه الظروف المزمنة
نظم قصيدة شرح بها وضعه واسندها على (العقيد ركن) عبد الرحمن بن فرتاج العازمي
يقول



بديت ذكر اللي جزالاً عطاياه*** سبحان رب الخلق صبح ومسيه
ولا أحد يرده في عطى الخير لاعطاه*** ومن لاعطاه الله فلاله عطيه
يا الله يا اللي ما خلق خلق يخفاه*** يا عالم ٍبالبينه والخفيه
تحط عند اللي نصيناه منجاه*** وليا جيت عنده تحطلي قابليه
والشعر هاض وجاءك جزل ٍ بمعناه***وبغيرهذا ما يطيب ليه
جاءنا الذي يشكي من الضيم بلواه*** وبيتنا جاءنا يحد المطيه
ويقول ويا أهل البيت يامن لفيناه***يا أهل والسخاء والطيب والمرحميه
أخترت درب وليتنا مامشيناه *** وعرفت لكن يوم فاتت عليه
وأنا اشهد أن اللي فعل ما فعلناه*** يصبح سحق مابين صبح وعشيه
ولا خسارة عمرنا اللي قضيناه***بدرس ٍ وردنا عقبه المهمهيه
بسبته عرفت معنى المعاناه*** ومعنى الامور القاسيه والشقيه
والجامعة بعد التخرج حرسناه*** وهذا دليل ظروفنا اللي رديه
واليوم يشبهني ومثلي حلاياه*** حر ٍلأبن برمان مجتاب حيه
وغبرالليال تقول عني حذفناه***دخيلكم يا اللي بكم منخويه
ويا ضيعتي يا ضيعة مقيط ورشاه*** إن ما فزعتوا فزعةٍ عازميه
وأقول أنا للي زبنا بشكواه ***أعاهدك لأزبن رجال ٍ وفيه
عبد الرحمن اللي ليا حل طرياه***تفخر فعول الطيب في مطرويه
ومن هيبته من عظم شأنه ومنشأه*** يحشم وعند الناس اله مقدريه
ويزبن بوقت الضيق مثله وشرواه***والا الرخاء كل النشامى سويه
واشوف من قاسى البلاوي تنصاه***ولاكبرت القالات حل القضيه
ولاخاب من صوبه يعنّي مطاياه***حيث أن به نخوة ونفسه سخيه
منا وفينا ولازبنا زبناه***حيث ان ابن فرتاج راعي حميه
وعز ٍ لنا في ساعة الضيق ننصاه***ليا درجت غير الليالي رحيه
وقال المثل اللي رؤوه ورؤيناه***العازمي بالضيق ما أسعد خويه
وشلون ابن عمه وربعه ودناياه** عز ٍ لهم مادامت النفس حيه
نزبن وننخا راعي الطيب والجاه *** من جور صكات الليال القويه
واليوم جيت دخيل للي زبناه *** بدخلينا للسبع زبن الونيه
وداخل على الله ثم سبعاً نخيناه*** وأنا دخيل العزوة العازميه
تزيح عنا حملنا اللي حملناه*** ياذخرنا تكفى تحل القضيه
وتمت وصلى الله على اللي ذكرناه*** المصطفى خير والبشر والبريه



الشاعر عيسى العازمي

حورية الحقيل 28-09-2011 05:48 PM

رد: (العزوة العازميه)
 
http://store2.up-00.com/Sep11/r1R58860.gif




اللهم صل على محمد وعلى آله وصحبه أجمعين
صح لسان الشاعر وسلمت يمناكِ
يعطيكِ العافيه وننتظر جديدكِ
ألف شكر ,,,


" تــــــــــــقـــــــــديـــــ ري "




http://store2.up-00.com/Sep11/r1R58860.gif

سحايب العازمي 29-09-2011 05:27 PM

رد: (العزوة العازميه)
 
اقتباس:

المشاركة الأصلية كتبت بواسطة حورية الحقيل (المشاركة 721981)
http://store2.up-00.com/sep11/r1r58860.gif




اللهم صل على محمد وعلى آله وصحبه أجمعين
صح لسان الشاعر وسلمت يمناكِ
يعطيكِ العافيه وننتظر جديدكِ
ألف شكر ,,,


" تــــــــــــقـــــــــديـــــ ري "




http://store2.up-00.com/sep11/r1r58860.gif

الاخت الغالية/حورية الحقيل
هلا بك عزيزتي اسعدني حضورك وانار المتصفح
شكراً لكِ من الاعماق على هذا الاطراء لاهنتِ
تقبلي تحياتي ,,,, دمتِ بحفظ الكريم ورعايته

بنت المملكة 31-03-2020 10:54 PM

رد: (العزوة العازميه)
 
الله يرحم الشاعر عيسى العازمي
ابو عبد العزيز
ويغفر له ويسكنه جنات النعيم خيرا من هالدنيا ومافيها


الساعة الآن 06:59 PM.

Powered by vBulletin Version 3.8.7
Copyright 2021 vBulletin Solutions, Inc. All rights reserved.

(( جميع الحقوق محفوظة لـ شبكة مجالس قبيلة عنزة))