المجالس التاريخية

المجالس التاريخية (https://www.3nzh.com/vb/index.php)
-   مجلس الموروث الشعبي (https://www.3nzh.com/vb/forumdisplay.php?f=7)
-   -   سؤال للمهتمين والباحثين عن علاقة حكومة ابن رشيد بحايل بالعواجية شيوخ ولد سليمان من عنزة (https://www.3nzh.com/vb/showthread.php?t=58071)

لا منتمي 13-07-2011 08:00 PM

سؤال للمهتمين والباحثين عن علاقة حكومة ابن رشيد بحايل بالعواجية شيوخ ولد سليمان من عنزة
 
هناك احداث لم يهتم بها الباحثين بالشكل المطلوب من تاريخ قبايل عنزة وخصوصا قبيلة ولد سليمان لاني قرات في عدت منتديات ان هناك علاقة بين حكومة ابن رشيد وبين العواجية شيوخ ولد سليمان

من ضمن تلك الاشياء قتل الجعافرة لممدوح ابن شعلان وكذلك ان العواجية سمعت انهم اعطوا للعثمانيين ابل من اجل ان يبقوا على ابن رشيد حاكم على حايل وهذه سالفة موكدة يقولها الشيوخ الحاليين

الشي الثاني سالفة باب الصفاقات وكيف الشيخ مشل العواجي دخل البل من وسط حايل لين جابها من عند قصر ابن رشيد ومع ذلك ما قاله اي شي ابن رشيد رغم ان المقتول شمري

سوالي ما هي علاقة الشيوخ العواجية بحكومة ابن رشيد هل فيه معاهدات ما ماذا ؟

أحمد الهويدفي 13-07-2011 10:43 PM

رد: سؤال للمهتمين والباحثين عن علاقة حكومة ابن رشيد بحايل بالعواجية شيوخ ولد سليمان من عنزة
 
يفيدك إن شاء الله أخونا فهد الجعفري
وأتمنى عدم التطرق لماحصل بين أفخاذ عنزه .

شريف الجعفري 14-07-2011 12:56 PM

رد: سؤال للمهتمين والباحثين عن علاقة حكومة ابن رشيد بحايل بالعواجية شيوخ ولد سليمان من عنزة
 
اخوي لاتنسى لجوا احداامراءال رشيد لولد سليمان ومكث عندهم مده زمنيه
فقبيله ولدسليمانقبيله قويه قدحمت الفرم من الدوله العثمانيه واثرت على تسليمه
فهي قبيله عزيزه تحمى من لجا اليها ولاتامر بامر احد الا العواجي فقط

سليمان الجعفري 14-07-2011 01:15 PM

رد: سؤال للمهتمين والباحثين عن علاقة حكومة ابن رشيد بحايل بالعواجية شيوخ ولد سليمان من عنزة
 
هلابك اخي العزيز/ لامنتمي
اخي العزيز العلاقه بين العواجيه وابن رشيد هي بدات عندما انقلبوا العلي على الرشيد في حكم الجبل
حيث هرب عبد الله ابن رشيد الى العراق ثم السعوديه الى الاما تركي وابنه فيصل
وعبيد هرب الى الجبل عند الغيثه ومن ثم الى الجعافره عند الشيخ / رحيل العواجي وقيل انه
مكث عندهم سبع سنين وقيل ثلاث سنوات
بعد تنصيب فيصل بن تركي لــ عبدالله بن رشيد على حايل
عاد عبيد بن رشيد شقيق عبدالله ال رشيد من عند الجعافره الى اخيه في حايل
وكانت العلاقه بين الجعافرة والــ رشيد متينه جداً في سبب هذه الدخاله
ثم صار بينهم معاهده ان الجعافره تحميهم من جهتها وكذلك الــ رشيد
وفي احد المرات غزاء منقره البلوي على شمر واخذ ابل لدغيرات من شمر
وعارضوهم الجعافره واخذوا الابل المكسوبه من الدغيرات
وقال احد شعار الجعافره هذه البيات من قصيده طويله :

يامنقرة ياللي نقرت الدغيرات
،،،،،،،،،،،،،،، نقرتهم في غيبتاً للعواجي

يوم العواجي مربعاً عند ابانات
،،،،،،،،،،،،،،، انته على غرات شمر تفاجي


اما قتل الجعافرة للشيخ / ممدوح بن سطام الشعلان ليس لها علاقه مع ابن رشيد حسب معلوماتي
انما الشيخ/ ممدوح اخذ ابل الجعافر بعد اخذه ابل شمر واراد ان يطلوع بها جميعاً مع ريع الاه
ولحقوا به الجعافره وذبجوا الشيخ/ ممدوح الشعلان وردوا الابل المسلوبه

اما معركة صفاقات هي صحيه 100% والقصه طويله حيث وخذت احد ابل ولد سليمان
وهم غياب غدراً على ان بينهم معاهده وقد قيل بها قصائد كثيره منها هذه القصيده

افعال عيال العواجي = مابها دس ومنــاجــي
يالبد خطو الهلباجـي = الدرب الكايد يمشونه

يالحــلو زيـن الـذوايـب = لو انتي مع الركايب
لو شفتي خطاة الشايب = نهار الضّيقة ينخونه

تراه مايـجفل يابنــيه = الى انتخى بالجـعـفـريه
ياحل بتال الســـريه = مايـصدد لوهم يرمونــه

دلــيـله منـاخ الجـــدر = والـدهـم شــــرقن حدر
لحقوهن من وراء الصدر = بيّتوا عداً يردونه

هذا اخو ذكر مايسـايل = ردهـن وطـببهن حايـــل
سوه على الرأس الطايل = يشيله من بين متونه

اخـذوا بـيـضـاء نثايـل = جابوها بالسيف الطايل
ويوم ابن رشيد بحايل = العــايــل مـايـتـدرونــه

مـنـاخ مـن اول نـهاره = وسيوفً تقدح شراره
وحسن قهرهم بذكاره = مسكت الورع يعرفونه

بروض التنهات اجدعوهم = وكل الغزاة ذبحوهم
واللي بالمنع حجزوهم = وهذا الصحيح يخبرونه


هذا مالدي وللجميع اجمل التحايا والاحترام

لا منتمي 14-07-2011 01:57 PM

رد: سؤال للمهتمين والباحثين عن علاقة حكومة ابن رشيد بحايل بالعواجية شيوخ ولد سليمان من عنزة
 
السلام عليكم ورحمة الله

لا احد يتوقع اني احاول اسبب شي من العنصرية زي ما قال الهويدفي انا ابي اعرف تاريخ قبيلة قوية من قبايل عنزة ولاكن ابي اعرف الاسباب التي جعلت من ابن رشيد حليف للعاوجية ولا احد يقدر يتجرا من شمر يغزي على ولد سليمان وواحد تجرا من شمر وكان مصيره ان ولد سليمان قتلته واخذت البل وفوق هذا كله جابت البل من عند خشم ابن رشيد حاكم حايل من عند قصره

الموضوع انا متعجب منه كثير وخصوصا لما قريت ان العواجية دفعوا 1500 جمل ويمكن امثر على شان العثمانيين يثبتون ابن رشيد حاكم على حايل تعجبت اكثر واكثر وشكرا للجميع

أحمد العواجي 16-07-2011 02:08 AM

رد: سؤال للمهتمين والباحثين عن علاقة حكومة ابن رشيد بحايل بالعواجية شيوخ ولد سليمان من عنزة
 
الاخ العزيز /لامنتمي
مثل ماقالو لك الأخوان
هو ان كل طرف يحمي الأخر من الجهة التي تحده وهو اتفاق بينهم
وكل الطرفين ذو قوه ويخشى كل منهم الأخر
وسالفة انا متعجب وانا وانا هذا شي لايعنينا تتعجب او ماتتعجب
اعتقد وضحو لك الاخوان الموضوع وبالقصائد المثبته

شريف الجعفري 16-07-2011 08:56 PM

رد: سؤال للمهتمين والباحثين عن علاقة حكومة ابن رشيد بحايل بالعواجية شيوخ ولد سليمان من عنزة
 
اما انك تقول ان ولد سليمان ماتغزي فهي تغزي اوساط نجد والحجاز من قبل المعاهده الى العهد السعودي ومعروف عقاب من يغزي ولد سليمان فهي قبيله تاخذ الحق حقين وهناك قصص معروفه ولاتنتظر السماح لها باي شي يريده العواجي او اي اذى يلحق باي فرد من قبيلتها

فهد الجعفري 17-07-2011 01:42 PM

رد: سؤال للمهتمين والباحثين عن علاقة حكومة ابن رشيد بحايل بالعواجية شيوخ ولد سليمان من عنزة
 
http://www.3nzh.com/vb/t58148.html#post707582

لا منتمي 27-07-2011 02:04 PM

رد: سؤال للمهتمين والباحثين عن علاقة حكومة ابن رشيد بحايل بالعواجية شيوخ ولد سليمان من عنزة
 
اشكر الجميع وكل واحد باسمه


الساعة الآن 06:30 PM.

Powered by vBulletin Version 3.8.7
Copyright 2020 vBulletin Solutions, Inc. All rights reserved.

(( جميع الحقوق محفوظة لـ شبكة مجالس قبيلة عنزة))