استفسار

السلام عليكم ياعيال عمي ^_^

الزبده يالربع ابي اعرف اول قبيلة ولد سليمان وين كان مكانها بالشمال الي اعرفه

هو بالشمال لكن وين سمعت من واحد اعرفه يقول كانو اكثرهم بالجوف وتبوك ابي اتأكد من هالمعلومه ..

وجزاكم الله خير انتظر الردود

V!-- google_ad_section_start --ChsjtshvV!-- google_ad_section_end --C

والله ياخالد سأذكر لك ما أعرفه وهو ان ولد سليمان كانوا في خيبر وضواحيها ومعهم

ابناء العمومه من ضنا عبيد حتى تكاثروا قليلا ثم انساحوا شمالا وحتى قرب النفود

ومن ثم اتت هجرة نا عبيد اللتي توالت مع هجرات اغلب قبائل عنزه للشمال في سوريا وحدود العراق

ولكن ولد سليمان بقي منهم جزء صغير في نجد ومن ثم بعد ان وصلوا لصوير وهي هجره قريبه

من الجوف وهي ملك اليوم للروله عاد جزء كبير من ولد سليمان بقيادة الشيخ ملعب العواجي

الى بقية ربعهم اللذين بقوا في نجد رغم الفقر الموجود فيها ولكن حبهم لأرضهم هو ماجعلهم يعودون

هنا قصيدة ملعب العواجي قد تجد بها بعض التفاصيل لهجرتهم وعودتهم

قـال العواجـي والعواجـي ملعـب


لو تدري العـراف مـا يستشيرهـا

فكـرت باللـي فـرق أولاد وايــل


أبكي ودمع العيـن حـرق نظيرهـا

شوفي بعيني يـوم أقفـت ظعونهـم


يقودهـم شيـخ الجهامـة كبيرهـا

بتنـا نديـر الـراي وجْـلا قلوبنـا


وندير من صعبات الأريـا عسيرهـا

بتنا ندير الراي من شـور شيخنـا


كبيـر قومـه والمحايـل يديـرهـا

قال أرحلوا ما عاد في نجـد مقعـد


نسيـر والصعبـات ناطـا خطيرهـا

تحلحت من ضلع المسمـى ظعايـن


يا ما تفرق عـن وريـك نشيرهـا

جينـا بـوادي الديعجـان ونزلـنـا


وكم خفرة يصـد عنهـا عشيرهـا

طلعنا مـع ريعـان حايـل وموقـق


وخشوم سلمى فض عنهـا مجيرهـا

وردنا على العظيمات عدّ ما هو روي


شرب قليل القـوم وظمـي كثيرهـا

وصله علينا ولـد الكثيـري غـارة


الغارة القشرا علـى مـن يغيرهـا

توحي نغيط الطيـح بطـراف قومـه


لج القطـا لا نـش عنهـا غديرهـا

ضربنا على الدهنـاء عـروق تثنـا


وكم بنت شيخ خففت عـن بعيرهـا

حلنا وتسرسحنا من السير والسرى


وزمولنا مـا عـاد تسمـع هديرهـا

قطع بنا [ابن غبين] عشرين سمـرا


وفي دومة الجندل حفرنـا صويرهـا

وبصوير قيّضنـا وصرنـا نزايلـه


واقفت ظعون الربع وابعد مسيرهـا

وعدنا مـن الجوبـه لنجـد العذيـه


دارٍ ولفنـا وردهـا مـع صديرهـا

وأقفت على الشنبل جهامة ربوعنـا


يقودهـا ولـد الغبينـي أميـرهـا

راموا لهم ديره بها الريف والرخـا


ديد العسل يعطى السبايـا شعيرهـا

وجدي على الفدعان [بواجة الدّيـر]


[وحمّاية العرفـا] عزيـز قصيرهـا

اللابـة اللـي تأخـذ الحـق عنـوه


يـا ويـل والله بالملاقـا نحيـرهـا

يا ليت لـو يلحـق ظعنـا ظعونهـم
عسى غليل الكبـد يبـرد هجيرهـا


موقق : قرية تقع غرب حائل 60 كلم .
وادي الديعجان : وادي الاديرع يشق مدينة حائل الان من الجنوب الى الشمال .
خشوم سلمى : وهو جبل سلمى المعروف في حائل ونظيره أجا .
نجد العذية : أي نجد النظيفة .
عشرين سمرا : أي ليلة.
دومة الجندل : مدينة معروفة في منطقة الجوف . ومقر حكم الشعلان بوقتٍ من الزمن .
صوير: الآن هو مركز لقبيلة القعاقعة من الرولة في منطقة الجوف.
الجوبة : أحد أسماء مدينة سكاكا الجوف . وفيها قصر الشعلان .
بواجة الدير أو بواجة الديار: أحد ألقاب قبيلة الفدعان .
حماية العرفا : هم قبيلة السبعة .
وللإستزاده اكثر قم بزيارة الرابط التالي على في شبكة مجالسنا العزيزه هنا والرابط هذا هو

رحيل (ضنا عبيد) من نجد .. وتوجّد ملعب العواجي !!

وشكرا لك ودمت بود

V!-- google_ad_section_start --Cv]: hsjtshvV!-- google_ad_section_end --C

ولد سليمان هم في ديارهم الاصليه من ريع المغني لخيبر للشملي لتيماء للخنفه لحد الجوف وحدود تبوك
ولهم قرى في هذة الديار كثيرة
وفيه جزء كبير منهم يسكن في محافظه تيماء ولهم مناصب ويشكلون اغلبيه فيها
وفيه جزء منهم يسكن في الجوف وذلك لان الجوف قريب من الخنفه
وفيه جزء وهو الاكثر وهم من يسكن في ديارهم العليا من اسبطر والريعوالشملي وغيرها
وفيه جزء في خيبر مثل وادي المضاويح وغيرها
وطبعا هم موجودين بكثرة في الرياض القصيم حايل الحساء تبوك تيماء الجوف المدينه
والله اعلم امل اني افدتك في سؤالك

V!-- google_ad_section_start --Cv]: hsjtshvV!-- google_ad_section_end --C

مشكوووووووووورين يالغالين كفيتو وفيتو

الله لايهينكم ياعيال عمي

V!-- google_ad_section_start --Cv]: hsjtshvV!-- google_ad_section_end --C

شكرآآ للاخوان على الاجابه

V!-- google_ad_section_start --Cv]: hsjtshvV!-- google_ad_section_end --C