يامااكثر الرديـان يابومشـاري=وانته جبل بين الجبـال المنيفـه
لاتخلفك عني هبـوب الـذواري=وياوجد روحي يالقلوب النظيفـه
على النقاء ممشاي ولاانت داري=عن نيتي يوم النوايـا شريفـه
ونياتهم تسري خفـا فالغـداري=وايات شي من الردى تستضيفه
تاخذ وتعطي بين كاتب وقـاري=ثم حولت يـم النشامـا نكيفـه
ماعندي الهم غير حد الشبـاري=ومن دونك آطا العفن وآطا حليفه
اعيال رديان العرب والجـواري=في ذمتي ماهـي عليـه كليفـه
استل سيفك ثم قـص الاثـاري=ويبين لك راع العلـوم اللطيفـه
ذولا خفافيش ٍ تجـي فالغـداري=ولاانت مابين الجبـال المنيفـه
جاتك على ماجات يابومشـاري=خوة شرف يوم النوايا شريفـه
صح لسان الشاعر القدير
ذعار العتيبى ولايستغرب من الهيلاء الطيب والشيخ والشاعر ابن مجلاد يستحق ذلك واكثر
مهما حصل ياذعار ثابت قـراري=ماهمني خـط القلـم بالصحيفـة
شبيت في راس المنارات نـاري=وصوت العلم ياذعار تسمع رفيفه
من لايجي قدام عينـي جهـاري=يقول مايبغـى ويكتـب ابكيفـه
هذاك ماحرك شبر فـي مسـاري=ادري ضعيف وكل حاله ضعيفـه
يقضي حياته بين بايع وشـاري=ويبين مابيـن المخاليـق زيفـه
ولا انت اعرفك فوق كل اعتباري=مانته من اصحاب العقول الخفيفه
رجلا على الوقفات والطيب ضاري=من لابتاً وقـت الشدايـد عنيفـه
الطيب طبعـك يابعيـد المحـاري=والشك زايـل والنوايـا عفيفـه
رفيق درب ولك مكـان ووقـاري=وماياصلك هرج الرخوم السخيفه
هذا الكلام اللي يوضـح قـراري=ومكانتك فوق الحكي بالصحيفـة
صح لسانك ابو مشارى وفيت وكفيت رد جزل وانت وافى بكل المقاييس بيض الله وجهك رد مجمل لاهنت ياابو مشارى
V!-- google_ad_section_start --Cv]: dhlhh;ev hgv]dhk dhf,lahvd !! hgn ti] hgl[gh]V!-- google_ad_section_end --C
رد: يامااكثر الرديان يابومشاري !! الى فهد المجلاد 
العرض العادي
