الفتنه اللي علمت رشفة الكوب
ان الحلا لو قل يطغى حلاها
ياليتها ما درست ميلة الثوب
على الهوا والناس تمشي وراها
كن الخصر تصميمها بالفوتوشوب
ماتشيل همه يوم تلبس رداها
بينه وبين الصدر طالب ومطلوب
كلاً على الرزه يدور رضاها
قسوة كمثرى لا تثنت تحت روب
وانعم من الورده ليا زاد ماها
ماهي بحاجة صبغ أو خافي عيوب
من حسنها كن المرايا تباها
لاوقفت قدامها ماش عذروب
لكن تذكر نعمة اللي عطاها
سحر النفود بخدها حزة غروب
وجمرة غظا مكتظة" في شفاها
امن الحيا لاسولفت كنها تذوب
وانا اشوف اسيوفها في حياها
من ذوقها احس ماعندي اسلوب
ما كني الا غيمة" في سماها
وقالب ثقافه داخل الثغر مسكوب
في اسمها في شعرها في مداها
وان جيت للهيبه تقل شيخ منصوب
منصوب دوله في ديار اغرماها
بنت الشيوخ معربه مابها شوب
من دونها جفت حلوق اخطباها
كم راس قوم قال والله ما اتوب
لاجلس اعزوبي والعمر من فداها
مشعل بن جريد
V!-- google_ad_section_start --Chgtjki hggd uglj vatm hg;,fV!-- google_ad_section_end --C
الفتنه اللي علمت رشفة الكوب 
العرض العادي
