للشاعر الجزل والمضلوم اعلاميا فرحان قيران العنزي
يامـــرحــبا ياقــرة الــقـلب والــعــين = يــانـور عــيني يابــقايا ضــــواها
من الــذهب ياهــند فــرحــان تسوين = وزن الجبال اللي رفــيعن حـجاها
عســاك عن كـل الـــمخــاطــر تـعدين = يالله عسى عـين الحسود بعــماها
يضـــيق صــــدري يابــغيتي تنــامين = تــظـلم غـرفــنا ويـتوقـف هــواها
مدري مـتى ياشـمعة البـيت تصــحين = باالله ياهـــل الــبيت نامـوا مـعاها
اليــــاغـفــت حــــنا بلانــوم غــافــين = واليا صحت فاحـت روايح شذاها
واليـــــوم كــــانك يابـــشاير تـطيعين = صفي مع الحراس وامشي وراها
يارقــم واحـد عــندنـا رقــمــك ثـــنين = الـــرقــم الأول ركـــزتــبه غــلاها
يامـــابها مــــن زايد الــملـح والــزين = قــطـعة ذهب سبحان ربٍ عـطاها
يـــسلابـــــها قــلـــبً تـــقده سـكـاكين = وتــدله بهـا نفــسً كثـيرن غـثاها
ياهــند اشــــوف الغـبن لوما تشوفين = واشــوف لي ناسً قـليــلن حـياها
ياهـــند اخــــبر احــداث لو ماتخبرين = مــرت عــلى تفكير ابـوك ورواها
مرت اشـهـور ومرت ايـــام واسـنـين = عجـــزت اميز سرعـها من بطاها
الله يايـــامن مــــضـــت لــو تعــودين = نفــسي تـبـيهـا والــيال تعـصـاهـا
قارنـــتها باالوقـــت الأول وهالـــحين = وحـنت لـهـا روحــن تـزايد عناها
رسمتها من عـــــام خـــمس وثمانين = راحـت سـنين وخاطـري ماسلاها
الله عــــلى بـــيتٍ لـــنا خــــابرة طين = في حـــارتٍ مـادنــس الغـدر ماها
الله عــلى ذيـــك الــغــرف واللـيـاوين = مـحـلا برودتـهـا ومــحـلا دفـــاهـا
ياجا المطر نرقى على السطح عجلين = نـــفتح مــرازيــم الغـرف ونتـباها
الله عــلى جــيران ابــوي الــقديــمين = هــكا الوجــيه اللي كثـيرن حـلاها
الله علــى جــيــران ابــوي الـعزيزين = اللـي على الصاحــب قليلٍ جـــفاها
نيــاتــهم حــلــوة وللــجـــار حـــلوين = تـعتـز حـرمـة جــارهم بقــصراها
الله عــلى صــدقــان ابــوي الـــوفيين = اصــحاب شدات الزمان ورخــاها
الله عــلى صــدقـان ابوي الحبـيــبـين = ياشـافـوا الـخمـلة حديـــهم رفـاها
مـــهم علـى زلات الاصحاب شفــقين = ليـاجــتهم العـوجـا تـبــين قـــداها
هــكا الــوجــيه الــطاهـــرين النقـيين = لـودارهــا درب الــردى مـالــقـاها
مافــيه أمــل ترجــع هــذيك الديـاوين = وهكا الرجال اللي كـرامن لــحـاها
فــعــاله الــمعــروف شـــــيالـه الدين = فـكاكـة الـمـلـهـوف كـانــه نصـاها
شالـــتهم الــدنـيا وشــالـت كــثــيرين = دولابـها يـمـشي وتطـــحن رحـاها
وجدي على ناسن على القلب غالــين = راحـوا وانا عـيـني جـــداها بـكاها
عمي وابـــوي وجمله الربـع الأدنـين = اقــبروهم جـعل السحـاب يغــشاها
يعــلـهـم فــي جــنـه الـخـــلد باقــــين = والــنار مايـضفي عـــليهم سـنـاها
ماعــقبــهم رحــمــه ولاعـقبــهم لين = قـلـوبنا زحـمه وضـيـقن فــضــاها
يومــنهــا قـــريــة تـــــرانا ســعيدين = صفحات والتاريخ مـبــطي طـواها
الـــناس مع شح الموارد بســيـطيــن = وقلــوبهم جــمع الذهب ماشـقاها
ماسووا الشـــينه ولاداســوا الشــين = ولاتــقــبله عـــاداتـــهم من نقاها
قعــدت من نــومي وشفت العنـــاوين = رسالـتن حتـى المــغمـض قــراها
ياليــتني نـــــايم لـوالنــاس صــاحين = وليت الحلوم ابطت وطـول مـداها
والــيــوم ياوقــتي تبـــيـبي اليـــاوين = ادخـــلتــني غــبـات بـــحرً تـطاها
رجعــــتني لوجــــية نــاسً غريــبـين = ناسن تزوك انفوسـهـا من عيـاها
فيهم قليل من الـــرجـــال المــســمين = اللي تزبن بـالــوزى مـن نــخـاها
وفيـــهم كثير من الرجال المـــساكين = لوهي رجــال مـسـنـعـتها انـساها
رجالــهم لولــه مــن الـــوزن طنـــين = ريــشة هــوى يلعــبها مـن لــقاها
ياشــفتـهـم تــقول وش ها البعاريـــن = لاشك عنــد الحـمل تسمـع رغـاها
قلــــــته وفــــي قلبي سوات البراكين = تقذف حــممها ويتــوقــد لــضـاها
عجزت انا لــدواك ياجـــرح الأدنــين = والاجـروح الـغــير سـهـلـن دواها
يالله ياقــــابل صـــلاة الـــمــــصــلين = ياخــالــق المـــخلـوق ياملـتـجـاها
يالــواحــد اللــي لك عبـيــدك ذلــيلين = ياباسط ارضك وانـت رافع سماها
انك تـثــبتـنا عـلى الـعـــقـل والــــدين = تجـلي ســواد قلـــوبنا وتــــهـداها
تم الكــلام وقـفـلة الـــقـاف خــمسين = وصلوا على المختار في منـتهـاها
شكراً شموخ على الموضوع ,,
V!-- google_ad_section_start --Cv]: §¦§ iEkJJJh>> טּJNdtQhj hXgrQwd] §¦§ V!-- google_ad_section_end --C
رد: §¦§ هُنـــا.. טּـآيفَات اْلقَصيد §¦§ 
العرض العادي
