يالله انا من جـود حسنـاك طالبـك=عفوك ومدك حيـث منـت ابخيلـي
يـا لآدمـي دنيـاك هـذي تعذبـك=لو طفت فيهـا مـا لقيـت الدليلـي
كلن على مذهـب يمامـه يخاطبـك=يبيـك مـن زايـد ذنوبـه تشيـلـي
واليا عصيت اهل المذاهـب تعاتبـك=كلن يقول ابيـك يمـي تجـي لـي
لـو انتحيـت بعيـد للسـو تطلبـك=وكلن بصاعـة مـن ذنوبـه يكيلـي
أحدٍ يصحح لـك حديثـه ويرهبـك=واحدٍ يقـول الحـق عنـدي نزيلـي
واحدٍ يخيفـك فـي حديثـه ويدبـك=وبليس يضحك له وهـو مستشيلـي
النـاس عوجـان المناطـق اتكذبـك=وعن الصحيح الكذب معهـم بديلـي
ان ما رضيت بقولهم نتـف شاربـك=وتكبر ذنوبـك لـو غنـاك اتهليلـي
ناسٍ على درب الفضيلـة تحاربـك=وعلى دروب الشـر تهـذل هذيلـي
ودروبهـم عسـرات عـوج اتعبـك=ما تستوي لـك لا ولا تستـوي لـي
ينبيك عن دنيـاك ماضـي تجاربـك=وعزي لحالك كـان عرفـك قليلـي
اتبع نبيـك واتـرك اللـي مجنبـك=واقضب مماشـي سنتـه لا تعيلـي
اللي بغـار الثـور للرشـد يندبـك=وابـو بكـر عنـده نديـم وخليلـي
نصايحـة للرشـد حـذرا تغايـبـك=هرجه صحيح وكـل فعلـه جميلـي
سنـة نبـيـك للفضيـلـة تقـربـك=المصطفـى مالـه شبيـه وعديلـي
واحذرك عن نقالـة السـو تقربـك=ومـن يتبـع العايلـلـزوم يعيـلـي
لو انت ما تغضب ترى الناس تغضبك=وعقـب المعـزة يجعلونـك ذليلـي
وترى ردي العرف للعيـب يجذبـك=وتصير بدروب الردى لـه عميلـي
وبنت الردي حذراك حذراك تعجبـك=واحذر تصير لمثـل هـذي حليلـي
عن ما يعيب النسل عـرب مناسبـك=وعليك في بنت الحصـان الأصيلـي
يجي ولدهـا فـارقٍ عـن قرايبـك=ويقيف في وجـه الخصيـم القبيلـي
إن كبرت القـالات بالفعـل يعجبـك=ويبرد همومك كـان قلبـك غليلـي
مثل القطامـي فـي هـداده يشببـك=والدم مـن مخـلاب كفـه يسيلـي
لاصار ما صلبين الاريـا مكاسبـك=تـراك بيـن النـاس تبقـا هزيلـي
وترى دروب الخبث يالعبـد تذهبـك=ويفوت عمرك ما تحصـل حصيلـي
احذر يا بن حـوا اتطمـن لحاجبـك=الا لـربـن للخـلايـق يـزيـلـي
اللي بعفـوه عـن عذابـه يرغبـك=وعينه لكـل الخلـق دايـم تخيلـي
في لوحه المحفـوظ يالعبـد مذهبـك=نزل بحق وكـل مـل بـه فضيلـي
ومعاشر الخايب مع النـاس يذربـك=وتصبح قليل الميـز عقلـك هبيلـي
ومعاشر الطيب على الطيب يجلبـك=ويرقيـك للعليـا بـظـل ضليـلـي
ولا تقرب الاجرب بالامراض يعطبك=يصير جسمك مثـل جسمـه عليلـي
ممشا الخنا من صافي العقل يسلبـك=ويصيـر لـك يـم الرذيلـة سبيلـي
وعن مارد الأنـذال نـزه مشاربـك=واشرب نظيف لـو واردك طويلـي
ولياك تنسى يابن الاجـواد واجبـك=اللي يـروم المجـد حملـه ثقيلـي
يا لآدمي وان كان كبـرت مصايبـك=ازبن على محيـي البـلاد المحيلـي
ازبـن علـى ربٍ بعرشـه يراقبـك=وناجه وبعد العسـر يسـره جليلـي
ناجه ولاجل رضاه وجـه ركايبـك=وخلـك لعـلام السرايـر دخيـلـي
هو الذي ينجيك مـن كـود صايبـك=ويذريك من كربـات هـول مهيلـي
يالعبد مكـن عنـد ربـك مقاضبـك=وفكـر وقـدر وانتبـه لا تميـلـي
ولا حدن من الخلايق يالعبد حاجبـك=وهو الـذي مـده وعفـوه جزيلـي
وهو الذي في مـا فعلتـه يحاسبـك=وهو الـذي بـرزاق عبـده كفيلـي
V!-- google_ad_section_start --Cv]: §¦§ iEkJJJh>> טּJNdtQhj hXgrQwd] §¦§ V!-- google_ad_section_end --C
رد: §¦§ هُنـــا.. טּـآيفَات اْلقَصيد §¦§ 
العرض العادي
