السلااام عليكم ..
قصيده راقت لي ترنماتها وانغامها مابين السطور فأردت أن انقلها لكم ~
دام حبي له شواطي والمشاعر له مدينه
واللقا مركب يدوّر عن مواني يتبعنه
من يقول ان المواني ودها تطلق سفينه
والله انه لو فـ يدها ماتفك القيد عنه
في ضمير العشق عنده قتلة العشاق .. زينه
وفي كلا الحالات جنه دام موت العشق جنه
دام غيض الفيض يرسم للمشاعر ياسمينه
لاتلومون المشاعر لالقنه وارسمنه
يوم جاب الصبح عندي قلت انا الله لايهينه
يسعد الله هالصباح ولايخيّب فيه ظنه
لاضحك ولاَ تبوسم .. قامت الدنيا لعينه
وان تثنى لي فديته يوم ساح اللين منه
قلت اجل وين السحايب ؟! ماتجي وتشوف لينه ؟!
ماوعيت الا وسرب من الغيوم يطاوعنه
يومه اعطى الليل خده باست القمرا يمينه
حوّلن كل النجوم لعند بابه يشكرنه
أعترف ان النهار اللي نشوفه .. من جبينه
واعترف للشمس انه مالحق للشمس منه
ان حكى كن الثواني سرها بينه وبينه
والسوالف جالسات ٍ فوق متنه يسمعنه
كثّر الله هم منهو : لاتثنى ! مايدينه
لعنبو منهو يلوم الغيد يومن يحسدنه
أشهد انه لاتصدد ذقت انا طعم الغبينه
واشهد انه لاتفنن بالنظر يازيييين فنه
واشهد اني لو بوصّف من حلاته ربع زينه !
باستمر ماغير اردد: اشهد انه واشهد انه
ماقدرت اوصف غلاه ولاقدرت ارد دينه
ولاقدر نبض الشعور يجاري اشواق ٍيبنه
دامها بيد المحبه .. والمحبه له رهينه
كيف ارده والليالي تستحي من صغر سنه
ودام حبي له شواطي والمشاعر له مدينه
لايظن ان المشاعر لاتصدد .. مايجنه
/
للمبدع :
نـــــواف الشمري
V!-- google_ad_section_start --Chai] hki ghjtkk fhgk/v dh.dk tki ZV!-- google_ad_section_end --C
اشهد انه لاتفنن بالنظر يازين فنه ~ 
العرض العادي
