--------------------------------------------------------------------------------
يقول الشاعر عبدالله التشيم العنزي يرحمه الله
في الاخ المقدم متقاعد /فالح بن صلبي الفريدي
وهو اهلا للمدح:
قال اللذي قافه من الوزن مليان=من قاف عبدالله مهي مستعاره
سويت له عن زلة القاف ميزان=واختار للامثال زين العباره
اذاكتبت البيت ماقيل غلطان=تعطا معالفهام حق الصداره
ياراكبن من عندنا زين الالوان=جمسٍ جديد بنمرة واستماره
ماقلبه عند الورش كل دهان=عليه في حوش الوكاله غباره
لاتمشي الا تانك الجمس مليان=وافطن لزيته لاتزود عيار
اركب كفيت الشرمن كل شيطان=ولاحظ مع السرعه امبير الحراره
من حايلٍ تمشي على وقت الاذان=تجي القصيم بهون باول نهاره
لاتاقف الا عند باب ابوسلطان=وقله تراني ناويا لك زياره
نشدت عنك وتو رد الخبر بان=والمزرعه على طريق القواره
والبيت تلقا فيه للنار دخان=وترى ملفه عند ثاني اشاره
انته مقر الجود ياطير حوران=دايم معاميله على جال ناره
يامن لكم بالطيب ماقف وبرهان=يعطي على شوف المسير بشاره
انت الصديق اللي الياماالطلب بان=والا السوالف مابكثره شطاره
الله يبيض وجهكم سر واعلان=انت الرصيد اللي لنا بالوزاره
كان انكم عنا بالانشاد تعبان=عنا تسال الناس بايات حاره
انا بخير ومسكني حي صديان=ليتك تجينا يالفريدي زياره
معروفكم ماينسى طول الازمان=نرفع لك البيضاء على راس قاره
ياليتني وياك يالقرم جيران=عز القصير اللي جدارك جداره
كم فرقت دنياك مابين الاخوان=وكم فرقت مابين جارٍوجاره
يالساطي البالود يالذيب سرحان=يالقرم ياللي ماتهاب الخساره
عزالله انك بالكرم مثل هتان=وبل السحاب اللي تربع دياره
كم راس كبشٍ تقطعه غال الاثمان=باطراف بيتك تقل مسلخ جزاره
اثبت على مااقول بشهود الاعيان=اللي يمين البيت واللي يساره
فالح على الطوله حريصٍ وشفقان=والفانيه ماهمته بالوداره
V!-- google_ad_section_start --Crwd]m hgahuv hg;fdv uf]hggi hgjadlV!-- google_ad_section_end --C
قصيدة الشاعر الكبير عبدالله التشيم 
العرض العادي
