قصيدة نادرة من كلمات خادم الحرمين الشريفين.خادم الحرمين الشريفين الملك
فهد بن عبد العزيز رحمه الله .عندما كان مريضا في لندن في شهر شوال من عام 1385هجريحيث بعثها إلى المرحوم الأمير فهد بن سعد يشكو فيهامن قسوة المرض حيث يقول رحمه الله :
يا بو سعد صارت على أخوك غارات
شهرين أقاسي من شديد الغرابيل
سوالمرض يحمل على أخوك حملات
مافي يدي حيله ولا في يدي حيل
والله فزع من فوق سبع السماوات
وأنا أحمد الله يوم صارت تساهيل
ماينفع الخايف والأيام عجلات
الخوف ماينفع ولا القول والقيل
حنا هل العوجا ولابه مراوات
.شرب المصايب مثل شرب الفناجيل
لاشك أنا مشغول في كل الأوقات
على الذي حنـــــــــا بظله رجاجيل
ماني على نفسي كثيرالحسافات
لا سلم راسه روسنا رفاع با لحيل
حامي حمانا بالليالي المخيفات
لو صار بالــــــعالم كثير الزلايل
فخر العروبه بالعدل والمساواه
هذاك هو فيصل ولا فيه تشكيل
يشهد له اللي شاهدوا منه ليات
ويشهد له التاريخ جيل بعد جيل
رد الأمير فهد بن سعد الله يرحمه على قصيدة الملك فهد رحمه الله
يا مرحبا بكتاب زبن المخلات
أهلا هلا به عد وبل الهماليل
حمدت من زال الكدر بالمسرات
فكاك من صكت عليه المحابيل
فزع لك اللي عـــالم بالخـــفيــات
مبري جروح أيوب غيث المراميل
لعل ما يزعج على فقدك أصوات
و لعلها لك يا بو فيصل تماهيل
الله يجيرك من صواديف الآفات
عساك تسلم يا عشير المشاكيل
ما انت برخيص يا ربيع القرابات
لو هي بالأيدي كان دونك حلاحيل
ترى لنا بك يا فتى الجود هقوات
في وقتنا الحاضر و باللي مقابيل
يفـــداك ربـــــع قصروا بالمهمات
اللي على القالات ما تنطح الشيل
بعض العرب حي و من عرض الأموات
ما يرتجـــي نفــعـــه بحــــل المشاكيل
و فيصل ذرانا بالسنين المخيفات
هو درعنا الضافي إلى ضدنا الميل
اللي نقـــل عــــنا حمــول ثقــيــلات
راس الحصيل إن كملن المحاصيل
الله يرحم خادم الحرمين الشريفين الملك فهد بن عبدالعزيز
والامير فهد بن سعد رحمة واسعه
V!-- google_ad_section_start --Crwd]m kh]vm lk ;glhj oh]l hgpvldk hgavdtdk>oh]l hgpvldk hgavdtdk hglg;>>V!-- google_ad_section_end --C