شوارد على اعتاب كانون
صحى جرحي على صمت المرايا ينثر البلور
وانا جرحي تأبط شر ولا يدري بمصلحته
ذبل ثوب الخريف وطرزه سلسالك المحفور
على (عوج) الضلوع الناحله وأكفهاالبحته
أصبر هالصبر واقووول ياعل البخت ممطور
وكانوني بعد واقف على الابواب نحنحته
على فقاعة احلامك وقطرات الندى المنثور
ترنحني عناقيد الوله والآآآآآه رنحته
ومع حبات الجوز واوراق التوت
سواقي أمل تجري وتسقط غصون التوت
كأنها قوارب حب ترسم مساحاتك
بيادر شعر ولا سنابل حصدها القوت
تخيلت في عيونك وانا عد صفحاتك
نوارس على مينا قديم التقمه الحوت
وقوارب نجاتي طافيه بعد روحاتك
خريف ٍ على غصون الشجر والهوى مسموت
يحّطب وانا بردان وآشب أحاتك
ومع التحدي
مّر في فستانه البيزنطي
يسمته مشي الخجل ويظله
آه منه رمشه الاطلنطي
حط سيفه بالصميم وتله
يا عذابي من فضاه الحنطي
وش بقى ؟ عالخارطه يحتله ؟
ويل حالي والهدب قسطنطي
والجديل ايصفطه ويفله
الغريب ان الهوى ما ينطي
يفقد اعصاب الرجل ويذله
وتشرد اللوحه الى حفلة مرغريتا
ومراجيح الثلج
في قمة اجبال الروكي مرغريتا
ترقص مع الشيطان وتغيظ جنده
الكوخ والكانون والكات شيتا
وليله تقط اثلوجها في هولنده
وانا هنا بين الاماني وصيتا
واحلام ارسمها بطرف الاجنده
تثمل عيوني كل ما شفت ريتا
واجر نهتاتي على طيف رنده
وحشة توابيتي وليل المبيتا
وشرفه ستايرها تهز البرنده
من رمش عين ٍ بالحشا مستميتا
وحتف ٍ لقيته في عيون الخونده
ومع الرومنسيه
غنّي شعر واعزف لحون الناي
وانا اجيلك من صميم اقصاي
تكفون مقرحتي تناديني
هاتولي القهوه وصبوا الشاي
انت الحبيب اللي سكن قلبي
يا حرقتي يا لهفتي يا اعناي
كل الدلع في لكنة احروفك
وكل الاماني ترسمك ع شفاي
ابطيت ثم طولت فالغيبه
ما تدري انك غايتي ومناي
ودك ترجعني لإيامك
ولى تشمّت بالفراق اعداي
تعال يا حبل الظما كله
ما صدقت يدي تطول ارشاي
حرام تجفاني بلا زله
مو ذنبي ان جرحي يعاف ادواي
اشغال تاخذني وترميني
على السرير اللي جمع اشلاي
اما تجافيني وتهجرني
ولى تدوّر يالحبيب ارضاي
شوارد كانونيه
V!-- google_ad_section_start --Ca,hv] ugn hujhf ;hk,kV!-- google_ad_section_end --C
شوارد على اعتاب كانون 
العرض العادي
