بعض البشر

يالله ياللي بأسمك تزين الاقوال = وبذكرك يطيب الشعر والمثايل
يامنزل الطارق .. وعمّ .. والانفال = وياعالمٍ مابالضلوع النحايل
نسجد لوجهك في سكينه وبإذلال = ونقدّم لقربك جميع الفضايل
إنك تعاوني على ميلة الحال = وعلى صواديف الدهر والهوايل
وتغفر خطاي بكل قولي والافعال = وتكفيني دروب الردى والنكايل
وترحمني بيومٍ به الناس تهتال = يوم الحساب وحين كشف الفعايل
يوم ان كلن في يده .. شال مانال = اما يشيل الطيب .. والا الرذايل
ياجنةٍ فيها عناقيد .. وظلال = وعزٍ مهو لو طوّل الوقت .. زايل
ويانار .. والله لايقدّر لنا فال .. = فيها وانا مانيب مسهب وقايل
ويالله تجملني ليا قلت الامثال = وابديت شيٍ بالمعاليق جايل
والشعر له حشمه .. وقيمه .. ومنزال = في عصرنا مثل العصور الاوايل
له بالقلوب بيوت .. وقصور .. واطلال = وله هيبةٍ تطغى على كل عايل
وله في دروب الكون .. حلٍ وترحال = وله في دروج اهل المحبه رسايل
وله منزلٍ شامخ على كل الاحوال = عند النشامى كاسبين النفايل
الشعر .. هو فكر الصناديد الابطال = هو نشرة فعول العرب .. والقبايل
ماكلّ من غنّى من الشعر موّال = يصير له بين القصايد دلايل
وماكلّ من سمّي مع الناس.. رجال = لاصار دون المرجله والصمايل
بعض البشر يقوى ليا قام .. واشتال = وبعض البشر خيبان .. ماهوب شايل
وبعض البشر يحشم كلامه ليا قال = وبعض البشر قوله يجيب الفشايل
وبعض البشر لوهو ولد عم .. او خال = لأتفه سبب يجحد جميع الجمايل
وبعض البشر لاجت لمنصب .. او لمال = لوّك ابوه وجيت يمه .. تحايل
وبعض البشر لو مدّ لك شي .. بريال = عند الملا كنّه مولّيك حايل
وبعض البشر بين المخاليق جوال = ويضفي على راع النكايل نكايل
ثقيل دم .. وشين دبره .. وحيّال = ويسلك لتضليلك .. جميع الوسايل
وبعض البشر ماله مع الخلق معدال = لاهوب مكيولٍ ولاهوب كايل
يحط له قصه وخاتم وسلسال = وفنيلةٍ ماهيب شكل الفنايل
لو شفتها بتقول ذا حالته حال = واليا نشدته قال .. هذا ستايل !!
دنياً توريك العجايب والاشكال = وكل العلوم دقاقها والجلايل
والطيّب اللي ماتغرّه .. ويختال = وياخذ دروس من السنين السمايل
يحرص على الدين .. وعلى حسن الاعمال = ويؤمن بأن الكون فتره .. وزايل

المشاركة الأصلية كتبت بواسطة الظبيه العنزي لاهنــــــت وننتظر جديدك الاروع.

المشاركة الأصلية كتبت بواسطة حمود الشمري بعض البشر يقوى ليا قام .. واشتال وبعض البشر خيبان .. ماهوب شايل وبعض البشر يحشم كلامه ليا قال وبعض البشر قوله يجيب الفشايل وبعض البشر لوهو ولد عم .. او خال لأتفه سبب يجحد جميع الجمايل وبعض البشر لاجت لمنصب .. او لمال لوّك ابوه وجيت يمه .. تحايل وبعض البشر لو مدّ لك شي .. بريال عند الملا كنّه مولّيك حايل وبعض البشر بين المخاليق جوال ويضفي على راع النكايل نكايل الله عليك وعلى هذا الإختيار الأجمل أبيات خرجت من مدرسة الحياة صح لسان الشاعر/عبدالعزيز الدهمشي على هذه الخلاصة

الشاعر حمود الشمري

صح بدنك وشكرا على مرورك الجميل والعذب\

تقديري

المشاركة الأصلية كتبت بواسطة جنون عاشقه صح لسان شاعرها قصيده اكثر من رائعه سلمت يمناك ع الاختيار المميز تحياتي جنون عاشقه