’’[ أجـــمـــل مـــآ قـــيـــل فــي قــبـــيـــلــة ( عــــنـــزه ) ]’’

[size=6]بسم الله الرحمن الرحيم
السلام عليكم ورحمة الله وبركاته
صبحكم الله بالخير / مساكم الله بالخير
أنا لا أجيد المقدمات :)
اجمل ماقيل في قبيلة عنزه
الفكرة من أخوي الشاعر المبدع ماجد الولدعي
وأنا بظيف عليها تعديلات
والهدف من الموضوع هوا جمع القصائد وليس المشاركات
رابط موضوع أخوي ماجد [/size]

بسم الله أبدا طروز القاف وأبدعهـا=واكتب قصيدة بها التمجيـد لأبياتـي
لأنـي أبغـا إذا الناقـد تسمعـهـا=يلقى عليها من الابـداع بصماتـي
وأبيـه يرجـع عليهـا ويتتبعـهـا=وبعون ربي يبي يشكـر عباراتـي
لأني من صميـم الـراس صانعهـا=ولاجتنـي بدغمـرة وإلا بحيالاتـي
وماني من اللي طلب جـوال بايعهـا=نـاسٍ تبيـع القصايـد بالمجلاتـي
هذي غريزة عظيم الشان زارعهـا=في داخلي واعتبرها مـن هواياتـي
ويحق لي يوم تبدي لـي روابعهـا=أثني على اللي لهم بالمجد غاياتـي
ربعي بني وائل اللي مـن يبايعهـا=مايشتكي من ظروف الوقت لوعاتي
قبيلـة العـز والطـولات مطمعهـا=هـذي حقيقـة ولاتحتـاج لاثباتـي
من ماض الازمان رب البيت رافعها=لها تسيطر على التاريـخ صفحاتـي
هي بالحسب والنسب معروف جامعها=الجـد وائـل وكـن الجـد ماماتـي
اليا انتخوا به قلوب القوم يفزعهـا=من قبل الاسلام حتى وقتنـا الآتـي
ويوم القبايل تفاخـر فـي مواقعهـا=لنا ترفـرف بنجـد العـز راياتـي
وشمالي الشام روس الروم نقمعهـا=لا حد بيروت وأسـوار الحكوماتـي
وأرض العراق الحصينة في مدافعها=بها ولينـا بحـد السيـف باشاتـي
حلالنا الوضح وأحلـى دو مرتعهـا=ياويل منهو عليهـا شـن غاراتـي
كم شيخ قوم طغى والنفـس طمعهـا=يبي المكاسب وعـود بالخساراتـي
من عقب ماهو علينا الرجل يدفعهـا=تذوق نفسه قبل ماتموت حسراتـي
بسيوف ربعي يد العـدوان نقطعهـا=واللي تعـدا علينـا صـار مواتـي
هذي شجاعة ولاكـن الكـرم معهـا=يبزغ بزوغ القمر من بين نجماتـي
هو منهو اللي بطون الجوع مشبعها=وقت السنين العجاف ووقت فاقاتـي
هو منهو اللي رفاف البيت شرعهـا=مايكتفي بالعزيمة صـوت اصواتـي
هذا مثل وإن بغيـت أعـد واقعهـا=يصعب عليه حصر كـل الكراماتـي
وقت البداوه وحد السيف ماروعهـا=واليوم وقـت التقـدم والحضاراتـي
وأولاد وائـل تباهـا فـي تربعهـا=علـى سنـام المعالـي والجزالاتـي
وأبذكر ارجـال معروفـة صنايعهـا=اختارهـم حامـي البيتيـن قاداتـي
آل السعود الفريـدة فـي طبايعهـا=من نسل مقرن كعام الضد ساداتـي
أفعالهم بالذهـب والمـاس رصعهـا=عدل وتواضع وطيب الحظ والذاتـي
والاسرة اللي كويت الجـود تتبعهـا=في ظلهم شعبهم مرتـاح مايحاتـي
وأيضا الخليفة من أكبر راس منبعها=الآبـة علـى البحريـن سلطـاتـي
بهم اتباهـا لـو العـدوان يوجعهـا=مدحي لربعـي وتمجيـد انتمائاتـي
بس افهموا كلمتي والكـل يسمعهـا=كل القبايل لهـم بالطيـب عاداتـي
الجعفري قـال والأبيـات روبعهـا=مشكور يالمستمـع وأقبـل تحياتـي

كعبة الحجاج مكه .. وكعبة الطيب عنزة =وان سئلت الطيب شاصلك ؟ جاوب الطيب : عنزي
هم هل الطيب وصفاته والفخر هم مركزه=كـنهـم للطـيب والنـومـاس بـنـكٍ مـركـزي
هم سنام المجد هم اهل الفعول المنجزه=هم ذرى المظيوم هم ستر الضــعيف المـــعتزي
لا تعزوا الوايلي ثم شال سيفه وابرزه=اتمايل ارضنا ثم تنتحب مــثل الرزي
لاحصل زلزال في اليابان وصاحت الاجهزة=قالوا ان هذا عنزي بنخوااات وااايل يعتزي
من يعادي الواايلي بالرمح والسيف إلكزه=ومــــن طباع الوااايلي ان يْغزي ولا ينغزي
هم عمى الظالم وميدان الوغى هم مفرزه=منهّم مشعان وابن مهيد سلطان الغزي
ومنهم الشعلان والطيار طيبه عززه=ومنهم الايدا وابن سْمير رمحه يركزي
وجه محلف ذكرههم ما اظن عاااقل يلمزه=كم غزوا معنا ... وكم كنا معاهم إنغزي
كعبة الحجاج مكه .. وكعبة الطيب عنزة=وان سئلت الطيب شاصلك ؟ جاوب الطيب : عنزي

ارويـل متعبـة السلايـل والاجيـاد=جمع الجلاس اللي كما الحيد يرسون
يحدنا أبطـال مـن عصـر الأجـداد=فطاحـل عنـد القبائـل يهـابـون
لهم علـى العـدوان هـده وملكـاد=بسيوفهـم قبـل البنـادق يعرفـون
وحنا مـوا قفنـا قديمـات واجـداد=ما نستمع لقـول حاسـد ومجنـون
لنـا مواريـد وسيـعـات وبــلاد=غرفن على روس الضوامي يصبون
حامينها من دور شـداد بـن عـاد=ياما عصينا به على مـن يريـدون
مداهـل لنـا بهـا فـراش وامهـاد=وتاريخـنـا وأثـارنـا مايغـبـون
قبل اللحاوي جـد محسـن وحمـاد=تاريخ عام ألـف وميـه وخمسـون
حنا العرب أسلومنا سلـم الأجـواد=نفخر بها يـوم السوالـف يعـدون
من العريش للغـرب لشـرق بغـداد=وغرب اليمن وأقصا الجزيرة ومادون
ومن هو له الجيش المعرب والأذواد=والخيل وجل النيب حسينـة اللـون
ماديرتـن ألا بهـا الحضـر قعـاد=ولا باديـة الا يـجـون ويـمـدون
وكلا علـى مسعـاه يعمـل ومـداد=الناس هم النـاس بالطبـع واللـون
الله يخـزي للثنـا كــل جـحـاد=اللي مواقيـف الرجاجيـل ينسـون
مـن العقـل متجرديـنـا تـجـراد=صـار الكـلام الخايبينـا يهـذرون
شوفاتهم حدر القـدم ماهـن بعـاد=ماهم على ساس ولا العهد يوفـون
تعبث بنسب ونسبهـا غيـر معتـاد=وتاريخهـم كـل القبائـل يعرفـون
أصل العرب معروف ياللي عنه غـاد=أسأل هل التاريـخ ويـش يتمطـون
أصل العرب تأريخها عصر الأجـداد=يوم المغازي والمكاسـب يجيبـون
فيهم على أحرار وعلى مهار وأعياد=وفيهم على خضر وشهارا يشـدون
بعصر القنا والشلف ومصقول الأهناد=يوم الكلام ألهـن وفيهـن يهـدون
والموت يوجد عنـد زرفـات الأذواد=وعند الرجال اللي الخزايز يـدورون
هذا كلام اللي على الصـدق يعتـاد=إلى قال بـه فيـه القبائـل يقـرون
مليوم يانسانـا بـلا ضـوء تنقـاد=عيب الخطأ حيث الخطا الناس ينفون
ينقدك في قولك صغيريـن الأوغـاد=ولا يقبله من كـان للعلـم يـروون
والصدق نور بالحقيقـة والارشـاد=خلوا مجالاً لأهـل العـرف بالكـون
ناساً لهم بالمعرفة عمـق وارصـاد=ومواضعاً فيها العـرب يستفيـدون
عـلامـة التـاريـخ للعـلـم رواد=هم الرجال اللي على الضوء يمشون
أعرف تاريخ الجوف هجري وميـلاد=ياللي بصفحـات التياريـخ تقـرون
الجوف عرفه عندنا غاد ابـن غـاد=من عصر ثمود إلى عصـر فرعـون
والجوف رحلاتـه قديمـات وابعـاد=منهم هله يوم أهل السور يبنون .. ؟
حنا هله وأهل هلـه جـد واعمـاد=قبل بنـاء مـارد المـارد ومـادون
مـن جاهليـة ود وللـي لـه أوداد=اللـي بعصـر الجاهليـة يعبـدون
أسأل من خذما للمسيب إلـى البـاد=والغرب والصبه بها من يزكون ..؟
لمن الجوابي بين غرسـات الأغيـاد=وأهل الجهام النازله من يكونون ..؟
وبسيطه أليا جاها من الوبل رعـاد=تيما وأهل الجـوف لهـا يخيلـون
رزق لنـا مـن الله ولـي الأعبـاد=حضر وبدو من رزقهـا يستمـدون
أسأل ولا تخفي عن النـاس نشـاد=من غيرنـا اللـي حماهـا يطبـون
وهالحين حنا بخير وانعام واسعـاد=وحكامنا بأمـر الشريعـة يعدلـون
عبد العزيز اللي جلا شـوك الاكبـاد=ابن عبـد الرحمـن بـه يستعـزون
المسس الباني ومن له مـن أحفـاد=بالسيف طوع كل عاصـي ومفتـون
حضـارة بسرعـة عمرانـهـا زاد=واللـي تولوهـا رجـالاً يـجـدون
هذا بعـد هـذا وهـذا لـه اسنـاد=بنيانهـم فـي طاعـة الله يشـدون
عيال من يقطـع رهاريـه الأجـراد=له الرجال اللـي يخيفـون يتلـون
رأس الرجال الصيرمي باتعـاً عـاد=سبع الرجال اللي جنا بـه يهابـون
ليا شـاف حـراً مداليـه الاضـداد=طيور شلوى أليا شهر ما يطيـرون
بحماية المعبـود عـن كـل حسـاد=العز جعل ألهـم حليـف ومضمـون

يا شيخ يا مدمـي كبـود المعاديـن=بدربكـم الخيـل يـامـا وطـنـي
وأنتم هلالات مـن الشـرق ثانيـن=يا ويـل ضـدا خيلكـم يسهجنـي
تنحون بالعليـا جمـوح المعاديـن=لي منهن عبـر الفيافـي اقطعنـي
البارحة ما سلهـم النـوم بالعيـن=اقالـب الجنبيـن مـمـا غبـنـي
هيض هموم القلب والناس غافيـن=غـراً يسقـن ونـوهـن دفقـنـي
صوب البويب اشوف برقة لعج زين=تقـول ضلعانـا مزونـة نشـنـي
وديارنـا وراه ممشـاة عشـريـن=ليـال ممشـى الراحلـة وقمهنـي
ذكر علي أيام ربعـي هـاك الحيـن=* ويوم اشتعلن بروقهـن ذكرنـي
الدور كان مثلـي البرقـة مخيليـن=ومفالـي البـل عندهـم سيلـنـي
بدون شور الـرأي باكـر محيليـن=لا والله ألا دون هجسـاً وضـنـي
قاد الجهام اللي من الصبح مسقيـن=باتا علـى شـور بصبـح نصنـي
وامست بيوت اللي على العز بانيـن=ومن صبح زينات المفـارع طونـي
وغدا عسام الجو لـون الدخاخيـن=الزمـل رد ودالـة القلـب حـنـي
نظناظ جـظ ولـج ناسـا كثيريـن=يدوخ رأس اللـي وقـف بينهنـي
لو تسمع الاصوات بيـن المناديـن=ماتفهـم الموضـوع منهـم ومنـي
قاد السلف ثـم أتلتـه الاضاعيـن=والبيض صفـن زينهـن ينضرنـي
كـلا تقـذ بعينهـا ودهـا الزيـن=فـوق المقاصـر دلهـن نثـرنـي
زوم الجهامـة والمظاهيـر مقفيـن=كنـه طخـاً مزنـاً ثقـالاً زمـنـي
والعد أخلا مـن جميـع المقاطيـن=عليـه ماكـن النـزول اقطبـنـي
علـى مداهلهـم جديـد وقديميـن=* ارضا بهـا قطعانهـم يرغبنـي
من الجوف للخنفة خذها على يميـن=من السمار إلـى الطبيـق أرتعنـي
علـى منازلهـا وبــره معيـيـن=وأفعالهـم باطرفـهـا يشهـدنـي
أخـلاف ذا ياركبـا فـوق ثنتيـن=أصايـلا مـن جيشـنـا نجبـنـي
عسفـا رباعيـات يـوم المقاطيـن=بالأرض يوم أن الخفـاف ابردنـي
غيبة نجوم الحر مع وقـده الشيـن=يوم البراد أشهـر نجومـه بدنـي
عقب التطبع حيـلاً أربـع أسنيـن=جلسيـن لمـا شهودهـن بينـنـي
من شبيح أجهمن صـلاة المصليـن=وكـل اللـوازم فوقهـن حضرنـي
والصبح يبـارن نسفـن البساتيـن=والعصر مع شهب الدميثـة زمنـي
والصبح فوق أكوارهـن مستعزيـن=ذورات مـن أظلالهـن يجفلـنـي
يشدن رفيـف مـوردات القطاتيـن=حـراً طلبهـن روحهـن وانحدنـي
هو يدعـي يصيدهـن بالشطيريـن=وهـن يدعـن ياليتهـن يسلمنـي
ذورات ما يدانن هـوز المحاجيـن=سبحان من ادعاهـن الكـم هدنـي
إن روحن وأنتـم عليهـن مخفيـن=عن مامشن يا بعـد مـا يصبحنـي
لابدكـم مـن الشـرارات لا فيـن=يا موفقيـن خـوذوا الهـرج منـي
وعقب العشا منكم ترى الهرج باغين=مـن ديـار جيشكـم بـه مشنـي
خوذوا و اعطوهم كـلام المحبيـن=وحمض الرجال اعلومهم وأن لفنـي
يا موديا هرجـي وداعتـك ياشيـن=زيـد السـلام وداعتـك لا تكـنـي
أول سلام لوالـدي بـه حريصيـن=زيد السـلام وفيـه مـا يستمنـي
على الحلسة سلمـوا والضباعيـن=وعـزام وفليـحـان لازم يجـنـي
سلم على ربعـي حمـاة المجنيـن=سلام لربعـي دافعـه معـك منـي
سلم علـى أكبارهـم والصغيريـن=غير الردي لا لـه علومـي يجنـي
سلم علـى كليـت بذليـن الأيديـن=لو مادروا يا مودي الهـرج عنـي
سلم على اللي لشمخ الخور حاميـن=حـم الـذرا لافعالهـم يطربـنـي
سلم على اللي بتالي الجيش صلفين=عـز الجـلال وعـز مـن فرعنـي
يوم القاء من كل جيهة خذوا دبـن=ومن كـل جيهـه ذودهـم يطلبنـي
يا مارموا عنـد البكـار المزاييـن=من واحـد مـن جيتـه مـا يثنـي
بتاع قطاع اللغاء أن صار به شيـن=عمارهـم يـوم اللقـاء يرخصنـي
مدحي لهم ما هو تفخيـر وتبييـن=لو مـا ذكـرت أفعالهـم يذكرنـي
من عرض ناسا بالمراجـل وفييـن=أفعالهـم مـن روسهـم يرفعـنـي
ياليـت قبـري بوطنهـم مسويـن=ولا الليالـي عـن وطنهـم نحنـي
أن غربـوا نثايـل القبـر غاشيـن=وأن شرقـن أسلافهـم يدهجـنـي

مبداي بإسم اللي خلقنـا مـن الطيـن=وأنـزل علينـا الـذكـر باليعربـيـه
اللي جعـل بالديـن عـز وعزيزيـن=وختـم بـديـن إسلامـنـا للبـريـه
من آدم وحواء خلق ربـي لهالحيـن=وحكمه مـن الله فرقنـا عـن البقيـه
من أصل العرب لاجل التعارف لتالين=شعوب وقبايـل ليـن فـرد الرعيـه
(قحطان)مع(عدنان)بالعـرب قسميـن=وحنا (ضنـاء عدنـان) بالعـز طيـه
حنا (بني وائل)كمـا النـور بالعيـن=مـنـا (بشر)و(جلاس)بالوائـلـيـه
بشر ((عمارات))و((ضناء عبيد))وافين=بالطيـب كلـن يعـتـزي بعنـزيـه
شيـخ الشيـوخ (ابـن هذال)نعميـن=عمارات منهـم خمـس غيـر البقيـه
((جبلان))و((الصقور))النشاما لتاليـن=((ودهامشه))و((الجبل))أهل العطيـه
وأتلاهم ((السلقا))هم اربـع نياشيـن=((شملان))مـع ((بجايده))بالحمـيـه
وتجي((المطارفه))بعدهم عسرها ليـن=و((الحسني))هو (نقـال هـم البقيـه)
((وضناءعبيد))الفين نعـمٍ مـع الفيـن=((سبعَة))وأنـا منهـم بعـز مسكيـه
((وولد سليمان))الضـواري بسيفيـن=(عقابٍ)وإخوه (حجـاب)راع العبيـه
((وفدعان))بإبن مهيد شيخٍ مـع غبيـن=من الطيب صوت بالعشـاء مكرميـه
هذا ومنـا ((جلاس))شيـخٍ وشيخيـن=((ولـد علي))و((روله))بالمقدمـيـه
((ومنابهه))وراء (إبـن ملحم)غنييـن=((خماعله))و((فقراء))عـز العـزيـه
((والروله))ب(الشعـلان)أول وتاليـن=من (النوري)ل(ورنس)النشاماء غنيـه
((وولد علي))من الله خلقنـا عناويـن=(((وإبو عنزة طيـار))) لاعـد بيـه
والشيخ (الايدا)فيـه سقـم المعاديـ=نوالكـل منهـم بإسـمـه الوايلـيـه
((ومنابهه))منهـم ((مصاليخ))عاليـ=نحكامنا (((آل سعـود))) فيهـم عليـه
هذي ((((عنزة)))) فصلتها للمقيميـن=((وكل قوم إلا عنـزة)) عنـد البقيـه

تستاهل الكيف الحمر يابن وايل=انت الذي تستاهل الكيـف كلـه
ياللي نقدته وسط ديـوان حايـل=لولاك ياعلوش محدن فطن لـه
بدلال من يقعد صغا كل عايـل=الضيغمي ريف الايدين المقلـه
الضيغمي مردي المهار الاصايل=يامنقطع في ساقته مـن سجلـه
يابن ظويهر مابها قـول قايـل=تستاهل الفنجال لا جـا محلـه
ياناقـد الفاقـد بحكـم الدلايـل=ياريف هجنٍ والمزاهـب مقلـه
ربعك بني وايل مـزاز القبايـل=اهل الجموع الراسيه والمظلـه
زبن الدخيل اللي تواطاه طايـل=الجمع دونه والرمـك مردف ٍله

يعني على قولة هل العـرف ياحسيـن=لاخيـر فـي رجـلٍ بليـا جمـاعـه
ولاني ولـدت بـدار فكاكـة الديـن=اهل الكرم والطيب واهـل الشجاعـه
ويلان لا وردو على المـوت عجليـن=فيهـم علـى ورد المنـايـا بتـاعـه
الطيبـيـن الطاهـريـن النقـيـيـن=الخيـريـن الصادقـيـن السبـاعـه
موفين حق الجـار بالطيـب والليـن=للجـار فـي قـرب النشامـا مناعـه
معهم سليت ورحت بالمذهـب الزيـن=راحت معاهـم حفنـة سنيـن ساعـه
ثلثيـن عمـري راح يـا وي ثلثـيـن=مايـوم جتنـي العايلـه واللكـاعـه
صاروا لي الطف من غطا الجفن للعين=وارق من حكـي الحديـث بشفاعـه
تحس في قـرب الرجـال المياميـن=انك اخو من ((دم)) ولا ((رضاعـه))
حمّاية الوضحا مـن اللـي مغيريـن=لاويـن مـن طالـت عليهـم ذراعـه
واجب علي اذكـر فعـول الكريميـن=اللي شروا كسب المراجـل بضاعـه
مدامنـي وافـي واحـب الوفيـيـن=وقناعتـي فيهـم تـفـوق القنـاعـه
لازم علـيّ اعـد فعـل الحشيمـيـن=واترك حديـث الناكسـه والرعاعـه
اترك علوم عفـون الاشـوار مهفيـن=حـق الرجـال الطاهـره بالشناعـه
نقالـة الحكـي الملفـق علـى ويـن=بالهـون ياهـل الواطيـه والبشاعـه
دحوش الرجـال مقابليـن النساويـن=اهل الحكي والكذب واهـل الخناعـه
وياحسين قالوا في حديـث القديميـن=تحشم كـلاب القـوم رغـم الدناعـه
وانـا لـك الله ماسمعـت المقفـيـن=واللي مشـا لـي بـاع دبلّـت باعـه
مايرخـص الغاليـن فعـل الردييـن=راعه بقلبـي حـب الاجـواد راعـه
ياحسين جيت ونبض كـل الشراييـن=حب عنـزه باعلـى عوالـي رفاعـه
ولاتحسبنـي جيـت لانـي مسيكيـن=ولا سـلايـل دافعـيـن الرتـاعـه
جيتك ولد مـن روس ربـعٍ عريبيـن=شبـوب نــارٍ عـالـي بانـدلاعـه
انــا سـلايـل لابــة بالملايـيـن=بالضبـط امـه كامـلـه باتسـاعـه
شمر على عرش المراجـل سلاطيـن=اسياد عرش الطيب من فـوق قاعـه
ان جت على الفزعات نعمك ونعميـن=وان جت على المده تموت المجاعـه
الحاصـل ان القلـب مابيـن عرقيـن=متسـاويـات بنبضـهـن واندفـاعـه
عرق النسب واسم الطنايـا العزيزيـن=وعرقٍ مع الويلان صعـب انقطاعـه
وامنت في قـول الرجـال الحكيميـن=مربى الولد يغلب على الاصل طاعـه
ياحسين واللي نـزل الطـور والتيـن=واللي هدى الانسـان فـن الزراعـه
ماقلتها ياحسيـن واقصـد بهـا شيـن=غير الثنـا بالطيـب مامـن طماعـه
حبي لكم ياحسيـن اصـل المضاميـن=ومداد حرفٍـي مـع سنـاه وشعاعـه
حـرف كتبتـه ورد فـل ورياحيـن=وياليت كـل النـاس تقـدر سماعـه
وربـي لرددهـا بـكـل الميـاديـن=ولو لي بعد قـدره نصيـت الاذاعـه
لانـي وفـي عشّـاق طبـع الوفييـن=وقناعتـي فيكـم تـفـوق القنـاعـه
وختامها بالـورد والعطـر ياحسيـن=منـي لكـم ياهـل الوفـا يالجماعـه

يقول ابن عبار فـي نظـم الاشعـار=القاف من فيـض القريحـه يـزودي
أسباب ماهـاض الروابـع والافكـار=العلم اللـي بيّـح خوافـي سـدودي
جانا من الملحم مطاريـش واخبـار=يفرح بطاريهـا الصديـق الـودودي
والنعـم بالملحـم سلاطيـن وامـار=اخوان فضـه كـان للكـون نـودي
يتلون حر ناض من ماكـر احـرار=فرخ القطامـي للحبـاري صيـودي
يفرى الثنادي فـي مخاليـب شطـار=أشقر على فـرق النعـام مهـدودي
أبو موفـق مـن صواريـم سنجـار=وعبدالعزيز الليـث عـوق اللـدودي
هل البويضا اللي يدوسون الاخطـار=يوم الموازر مثل قصـف الرعـودي
عدوهـم مهمـا تكاثـر بالانـصـار=يصير من عقب الشجاعـه شـرودي
عاداتهـم يثنـون بالموقـف الحـار=شجعان بالـروح العزيـزه تجـودي
وأولاد وايل كنهـم حيـط واجـدار=ذخر لبعضهم رغم انـف الحسـودي
تاريخهم معروف في كـل الاقطـار=صالوا وجالوا في جميـع الحـدودي
من معد من عدنان من صلـب نـزار=صفوة ربيعة مـن قديـم الجـدودي
عزوة ربيعة لابتـي صيـد الأخيـار=مبطـي فعايلهـم عليهـا شـهـودي
اللي جبل خـزاز شبـوا بـه النـار=عقـد سناهـا يشتعـل لـه وقـودي
اللـي حمـوا دخيلهـم يـوم ذيقـار=وكتايب الهامـرز جتهـم حشـودي
جاهم من جنود العجم جيـش جـرار=فيهم ملاحد مـع مجـوس ويهـودي
وتجمعوا للشـور صلبيـن الاشـوار=وتعاهـدوا مابينـهـم بالصـمـودي
قالوا نريـد المـوت مانبغـي العـار=دون الكرامـه والمحـارم نــذودي
وحاموا على عز العرب والعدو نـار=عيّوا على الجار الدخيـل الطـرودي
هذي فعايل لابتـي ماضـي الأدوار=وفخر العرب من دور عاد وثمـودي
واليوم عادوا سابـق المجـد تكـرار=المجـد يبقـى والمفاخـر تـعـودي
ربعي لهم بالطيـب تاريـخ واذكـار=يوم المراجل مثـل رقـي السنـودي
أولاد وايل كـان عـج الدخـن ثـار=سقم الحريـب وصادقيـن الوعـودي
يرسون بالهيه كمـا يرسـي جـدار=أعز وامنـع مـن شواميـخ طـودي
بشر وضنا مسلم هل المجـد والكـار=يوم العـرب كلـن لـواه معقـودي
منهم (هل الملحا) مبيديـن الاشـرار=(ولادعه)للخصـم دايــم تـكـودي
بمركاضهم تشبع مجيعـات الأطيـار=ليا طار ستـر منقضـات الجعـودي
ومنهم (بني نبهان) مرذيـن الأكـوار=ضد العدا ليـا زام غيـض الكبـودي
اللابه اللي تكـرم الضيـف والجـار=تذري وتدخل من نصاهـا محـدودي
ولابة (بني شرعب) يدوسون الاخطار=يهـاب سطوتهـم قـوي العضـودي
عدوهم كانـه سمـع طـاري انـذار=تسهـر عيونـه بالدجـا ماتـنـودي
ومنهم (هل العليا)طويليـن الأشبـار=(رويلات)لاهـاب الذليـل الهبـودي
ماهو بخير اللي على ذودهـم غـار=مايهتنـي عينـه تعـاف الـرقـودي
ومنهم(محلف)كان لاحـو بالاكـوار=يـردون لحيـاض المنـيـه ورودي
(سوالمه) تسقي العدو مـر الامـرار=(وعيـال عبـدالله) نـوادر فهـودي
(وعيال مشجع) لااعتلوا قب الامهار=شجعـان مامنهـم بليـد الـزنـودي
ومنهم عيال (سهيل)من صلب عمـار=(سلقاوجبل) لاجا نهـار الحشـودي
(ودهامشه)كان الجمـل حـد بهجـار=نطيحهم شـاف الكـدر والزهـودي
ومنهم عيال (عبيد)لاصار مـا صـار=يـروون حـد مصقـلات الهنـودي
لابة(هل العرفا) و(بواجـت الـدار)=(وسلايل سليمـان) مثـل الحيـودي
أولاد وايـل مابهـم طـق شبـشـار=ومن يدرك المجد التليـد امحمـودي
ياما قطعوا بالسيف مـن راس جبـار=عليـه خمّشـن العـذارى الخـدودي
نطيحهم بامـر الولـي كـود ينهـار=يقسـم يميـن لدارهـم مـايـرودي
هـذي فعايـل لابتـي مابهـا انكـار=افخر بهم ولانـي بحـال الجحـودي
نفخر بمجد اللي لبسنـا لـه اشعـار=تاج الفخر في ظل حكـم السعـودي
يحماهم الله مـن صواديـف الاقـدار=حاموا على السنه شبـال الاسـودي
وصلوا على اللي للمخاليـق مختـار=عد الحصى واعداد رمـل النفـودي

إدخل على الله قبل لا يلحقك لـوم=الهـرج غالـي والثمـن ينحكابـه
ربـعٍ تمسّكنـا بعـادات وسـلـوم=ندرى الشناه ولا نخـاف المجابـه
الأجودي بمعاشر النـاس محكـوم=ما يشتكي جور الزمن من عذابـه
وعينٍ تنام وعين ما ذاقـت النـوم=وكفٍ نظيف وكف دمّـه خضابـه
كلٍ بطبعه يكسـي النـاس بهـدوم=وكـلٍ تبيّـن غايتـه مـن جوابـه
أحدٍ يموت ولا يقولـون مرحـوم=وأحدٍ يحبّـون الثـرى لا مشابـه
القصد للّي يبخص القصـد مفهـوم=بامر الولي والعبـد يلقـى ثوابـه
أنا أحمد الله مـا تفّوهـت بعلـوم=أخـاف مـن يـومٍ شديـدٍ عقابـه
أطيح من شيـل الثقيـلات وآقـوم=عزمي رفض ثوب الدنس مااكتسابه
أخايل بدربـي مسافـات ونجـوم=ولا والله أشكـي للعبـاد الكـآبـه
من خلقة الدنيا بمربـاي محشـوم=ضاري على درب الجلد ما أهابـه
بعض البشر هرجه ولو كان مسموم=ما وصّل لحلقي ولا شفـت نابـه
وما دامها ما وصلَتْ الحلق مااقوم=وإن قمت قومة ذيب بيـن الذيابـه
إن حدّنا كيد المـلا نجـزع بيـوم=يكفيه شـرّه مـن لمحنـا شهابـه
خصيمنا حاله على النقص محتـوم=جرح الكرامه بـه ننّفـض ترابـه
صغيرنا لاحـدّه الوقـت شغمـوم=وكبيرنا لا نـام مـا صـك بابـه
حنّا بني وايـل ليـا حـلْ ملـزوم=الموت والله مـا حسبنـا حسابـه

يالله يامنشـي المـزون الثقـايـل=ياعالم ٍ بالغيب محصـي بشرهـا
تفرج لمن كثـرت عليـه الدوايـل=يمشي وكنّه غارق ٍ فـي بحرهـا
أشـوف بالدنيـا عظيـم الهوايـل=ولا عاد أميز جدها مـن هذرهـا
ترفع لها أنـذال وتهفـي حمايـل=والحر الأشقر يشتكي من كدرهـا
والحمـد لله جعـل فيهـا بدايـل=نفوس ٍ على المعروف ربي فطرها
ملزوم نذكر من يـدور الجمايـل=اللي بعلوم الطيب نفسـه شهرهـا
ملزوم نذكر من علومـه جلايـل=اللي صعيبـات المعالـي قدرهـا
مثل القطامـي مايصيـد الهزايـل=الحر جزلات المراجل حصرهـا
.ترفع له البيضاء بروس الطوايـل=والمسك والعنبر وأشـذى زهرهـا
عبد الله العبار مـن نسـل وايـل=من لابة ٍ يخشى المعادي خطرهـا
فدعان في الغدراء نجـوم ٍ دلايـل=إلى هاجت الهيجاء وعتّـم قمرهـا
أولاد وايل مـن عـزاز القبايـل=وتاريخهم كتب السجلـة سطرهـا
وإن جاء نهار ٍ فيه صايل وجايـل=تضرب على الكايد وتنصى خطرها
عناز تـروي مرهفـات السلايـل=وعدوهم عينه شكت مـن سهرهـا
بني وايل أهل الفعـول الجزايـل=وأن أظلمت بالكون تراهم سفرهـا
وأن عبتهم ياسعود حب الأصايـل=وأن حلت العليـا تراهـم فخرهـا
يا سعود ذا قولي بصـدق ودلايـل=قول ٍ على فعل ٍ يصـدّق خبرهـا

بديت في منشي حقـوق المخايـل=يضفي على القاع المحيله مطرهـا
ينبـت زماليـق الزهـر بالخمايـل=ويخضر شتيل أوراقها مع شجرهـا
سبحان من يخرج دريـر المشايـل=رحمن والرحمـة بخلقـه نشرهـا
نطلب حنانه يـوم نشـر الفوايـل=يوم الخلايـق موقفـه بامحشرهـا
ومن بعد ذكـر الله بديـت المثايـل=رديت للي جابتـه مـا أخصرهـا
محمد عريب الساس جزل الفعايـل=ابن أحمد شعوره بشعـره جهرهـا
ابن سعـد مـن خاطـره رد قايـل=قيفان من غاية ضميـره صخرهـا
جرّب وشاهد مـن زمانـه هوايـل=يشكي من الدنيـا وكايـد خطرهـا
يا ابن حسن دنياك ما من صمايـل=لو شفت كل الناس تركض باثرهـا
يامسنـدي نعيـم دنـيـاك زايــل=لو هرفت لـك مايـدوم أمعشرهـا
يا القرم صيـور الجدايـد سمايـل=والرابح اللـي شيمتـه ماخسرهـا
وأشكر جنابـك ياعزيـز النزايـل=يامن علومـي بالمجالـس شكرهـا
يشكر بذل جهدي على أولاد وايـل=شاف السطور اللي زميله نشرهـا
حاولـت أعـد بدودهـا والعوايـل=وحاولت حصر أقسامها مع أسرها
ولا همّني يالقـرم سـود الدغايـل=اللي على الصاحب يقبقب سحرهـا
راعي الحسد يشمت ولا نال طايـل=لو كان شاهد زلتـي مـا غفرهـا
ومن قصر شبحه ما يحوش النفايل=وأهل الحسد رب الخلايق عثرهـا
واللـي يبـون يفتقـون الخـلايـل=ربي دعا بخذلانهـا مـا نصرهـا
وصلّوا على اللي حاش كل الفضايل=نـوه بنعمـة خالقـه مـا كفرهـا

فخرنا ياذخرنا عنـد اللـزوم=نعتزيبك وانت فينـا تعتـزي
ياذرانا عند لفحات السمـوم=عن لواهيب السمايم تحجزي
اسمك اللي له محبتنا تهـوم=وفعلك اللي للشهامة يرمزي
وانت ياسلطان ياقرم القـروم=يابن محمد يارفيع المعنـزي
ياولد ليثٍ على العليا يهـوم=السلالة طيبـة والمركـزي
ياسلالة من على القبا القحوم=يمتطيها يوم يغـزا ويغـزي
وانت نفسك عن مذمتها شيوم=وانت باجزال الفعايل تبرزي
وانت ساسك معدنه مابه ثلوم=لنسب بسعود والاصل عنزي
وانت لك بقلوبنا حبٍ عمـوم=لهفة وسط الضمائر تغـرزي
يالآمير اللي لك الطولة سلوم=فخر وايل يوم فيها تعتـزي
نفتخر بك دائمـاً دائـم ودوم=وانت حيدٍ شامخ متمركـزي
نحمد الله خصنا في خير قوم=لابة فيها المثايـل تعجـزي
شجرةٍ نجني ثمرها كل يـوم=ظلها ضافي ومنها نحـرزي

شف (ما تراه وخـل عنك)العيـاره=واسمع كلام اللي يشـاورك ويشيـر
ياسر..ترى القلب الخضر له صقاره=ما حازهـا إلا نادريـن الصقاقيـر
القلب طيـر وضاريـن بالجسـاره=يتـوق يـم مشوعـات المناعـيـر
جـود سبوقـه وانتبـه لــه وداره=لي حال دون الجول شعف ومعاصير
اصبر لعـل الجـو يركـد غبـاره=والعين يصفى شوفها والصبر خيـر
واللي يـروح يـروح جعلـه وداره=مثلـك يشـوم ولايـلـد لمدابـيـر
خل الطموح تهف ما هـي خسـاره=لا لا تحسـف والحبـارى مزابيـر
((الوايلي))طبعـه برأسـه سطـاره=يشرب قـراح ولا يحـب الغثابيـر
حتيش لو في الكبد بعـض المـراره=من صد خله واحذف رشـاه بالبيـر
الصيد واجد وأنـت نمـر المغـاره=(شاعر) ولا ينقصك بخص وتدبيـر
كم عيطموس تهتـوي منـك شـاره=لا قمت تسخر عذب الابيات تسخير
وأنـا عوينـك كـان ودك بـغـاره=نكسب لك البكره ومعهـا مظاهيـر
(حنا هل الطولات وأهـل النـزاره=حنا السبـاع الضاريـه والهزابيـر)
(عاداتنـا بالكسـب نأخـذ خيـاره=بالطيـب ولا بالسيـوف البواتيـر)

يامحللـة القصيـد ويـا مصـخـرّة المثـايـل=اسمعو منّي قصيده عـن ثـلاث ميـة قصيـده
من هجوس ِِ ما تعيل ومـا تميـل ومـا تمايـل=خصّهـا الله بالتميّـز مـن نشيـده لا نشـيـده
مبتداهـا يـا سـلام الله علـى واف الخصايـل=يـا سـلام الله سـلامِِ سيـد وموّجـه لسـيـده
يم سيدي صالـح الأمعـط معـدّل كـل مايـل=شيخ وسلالة شيـوخ وشيختـه ماهـي جديـده
شيخته شيخة فعـل ماهـي بشيخـه بالمحايـل=ورث من شيمة وليـده والمـورّث لـه وليـده
شيخنـا , وسنادنـا وحزامنـا يـوم الهـوايـل=نارنـا لا قدّحـت راس الحـديـده بالحـديـده
تفتخـر بـه عـزوة الويـلان ذربيـن الفعايـل=بنك طيب وتعجـز الآلات لا تحسـب رصيـده
وكان فعل الطيب ينقل للعـرب نقـل الرسايـل=والله ان الشيـخ صالـح مستلـم سلطـة بريـده
قلبه أقوى من حديد الصلـب وعضـوده فتايـل=ونفسه لربعه خضـوع ولا خبرنـا بـه حقيـده
كفه أرهى من هديـر السيـل بكبـار المسايـل=يصبر لجوعه ولا يصبـر علـى مـده زهيـده
ولا تكلّـم كلمتـه تلقـى بهـا كـل الـدلايـل=ولا سكت تلقى سكوته نطـق للأريـاء السديـده
مثـل راسـه لا عدمتـه مـا يجيبـن الحلايـل=لو توالـد فـوق صفحـات المجـرات البعيـده
شيخ سلْم , وشيخ علم , وشيخ حلم وبه صمايـل=والوكـاد أنـه فريـد وكـل شيماتـه فـريـده
مامدحته طالـبِِ حاجـه وأظـن الشـك زايـل=يا عسا عمره يطول ويا عسـى أيامـه سعيـده
وسلّمي يا نسمة الغربـي علـى بيضـا نثايـل=ديرةِِ دايم علـى عـرق الغـلا تصبـح وحيـدة
عـلّ يسقيهـا مـن الله زخّ مـردوم المخايـل=ياخذ إسبوعين والرحمـة مـن المولـى تزيـده
ديرة أجدادي وربعي ... ديرة كبـار الحمايـل=ربعي اللي ما تخضع الرووس والكلمـة وكيـده
من قبل عصر الرسول وصيتنا صايـل وجايـل=لا الزمـن هـذا وحنّـا فـوق مافيهـا جحيـده
من وراء عرعر ليا الخفجي ليا ضلعـان حايـل=لا وراء جدة لبطن العاصمة لا أقصـى بريـده
ما تضايق لا انتخيت وقلت ويـن عيـال وايـل=كل شبرِِ بالوطـا .. يظهـر منـه ميـة وليـده
ويومها ضرب السيوف .... ويومها لكد الأصايل=ما نشدنا عن حـرار الوقـت وإلا عـن عبيـده
من صطارة رووسنا .. ما نطمـع إلا بالجزايـل=إن سلم منا عقيد القوم ... مـا يسلـم عضيـده
ولا إنتخت فينا هنوفِِ نقّضت .. شقر الجدايـل=ترتقص في رووسنا رووس الشياطين المريـدة
لين تظهر في عيـون عداتنـا نجـوم القوايـل=والنصر يطبع على صفحاتنـا البيـض المجيـده
فعلنا واضح .. ولا حنا من أصحـاب الفشايـل=هرج حق .. وكل عاقل بالعرب يصبـح شهيـده

ياخووك ، أنا صدري بلد .. كله (عنوز)=بفياضهـم ينبـت خضـار ..اعتـزازي
من جيل ابن عبـار لا جيـل ابـو روز=لا جيلـي ..اللـي يشهـدون امتيـازي
قطفت جوز الهند ، مـع فـزة الجـوز=وفجرت ،، نبعٍ بالقصيـد ، ارتـوازي
ماني من اللـي بالمواقيـف ، مهـزوز=حامض على بـوز الزمـان اهتـزازي
ماادور الفرصه ولا اتعب على الفـوز=كم فرصة ٍ راحـت تمنـى ، انتهـازي
ما همني / رائع / ومبدع / ومحجـوز=ولااتعِب على راي ، الخلايق جهـازي
هالشعـر ماجيتـه ولا جيـه ، بالتـوز=ان ماطلـع ..باحسـاس مالله مـوازي
كم ما يجوز.. ليا شتهينا لـه ، يجـووز=من بـاب تشبيـه المحـال ، بمجـازي
اهل الخبر تطرب على صوت ، فيروز=اذا اطربـت لبنـان ريشـة ، عـزازي
ياعويس انا عن سكة الغيم ، مـا جـوز=رايك علـى جـزل القصايـد جـوازي
شعري على خبرك ، ترى مابه رموووز=لا تنزعج ، مـاراح .. اظلـل قـزازي

حضور طاغي .. والذهب من اجود انواع الحلـي=وانتـم سـلام الله عليكـم يالرجـال الحاضريـن
يانايف الدعوه مجابه .. جيـت والمخـرج ملـي=والله لو اني وقتهـا فـي دار ( زيـن العابديـن )
ل( أكنسل ).. اشغالي واجيك اسوق للطِيب جملي=كـذا تعلّمـت الشهامـه تحـت ظـل الوالـديـن
ابوي في ليله ندهني .. قلت : سَـمْ .. ولدّلـي..=قال : ( الخوي لو يطلبك عينـك تمـد الإثنتيـن )
قلت : انت تآمر .. بعدهـا وشلـون ارد الوايلـي=يانايـف المقبـل تفضلنـي علـى يـدك اليميـن
وان كان جاب الاصمعي ( صوت صفير البلبلي )=فأنـا بجـيـب العنكبوتـيـات ل( المتفلسفـيـن)
قدّام عينـك شفـت كيـف الشعـر قـام ومدّلـي=بطاقة الترشيح ب(إنموذج ).. لبعـض المعجبيـن
كني بشعري يرتكبني علـم فـي عـرض جهلـي=ياااااا طول وجه الفكر والتفكير بيـن النقطتيـن!!
وانا ادري اني لـو بغيـب سنيـن عنكـم ياهلـي=مانـي بناسيكـم ولاانتـم عـن فراقـي دالهيـن
سكنت ( تيما ) لي ثمان سنين تبغون ال( رلـي )=ماكانت الغربه سوى مكسب علـى مَـر السنيـن
كسبت شرواكم / وشرواكـم مقلّـط لـي طلـي=جيته على فنجال مـرْ .. وقـدّم الطيّـب سميـن
أَبـراي لله وانتـم الويـلان .. والويـلان لــي=واحدهم اكثر من اخو / وان ضاقت الدنيا عويـن
اهل هلا .. ورصاصاهم علـى عداهـم يصطلـي=قبيلـةٍ مـن فعلهـا تشيـب حـجـان الجنـيـن
بالطيـب والله ماتحصّـل مثـل طيـب الوايلـي=يعطي ولايرجي مقابل ..( حلو فعل الطيبيـن )!!
وانـا علـى سنّـة محمـد والكتـاب المنـزلـي=مؤمـن بمـن ارسـل محمـد رحمـةٍ للعالميـن
عـن الجهالـه كـرّم الله وجـه سيدنـا عـلـي=والله يلعن من غـلا فـي حـب سيدنـا الحسيـن
وانا لاني ( عنكبوت الشعر ).. والاصل ( سهلي )=قصايدي تجـي خرافـه رغـم كيـد الحاسديـن
فكري طبيب / وذائقـة شعـري مثابـة صيدلـي=وقصيدتـي آخـر دوى يمكـن يفيـد العاشقـيـن
وانا ادري اكثركم يبي يسمع من الشعـر غزلـي=واكبر دليل اللي طلب قصيدة: ( العقد الثميـن!! )
الحب لـك فـي داخلـي ياصاحـب الموبايلـي=جاااااري على الهزاز ومسـوّي بـلاوي بالرنيـن
فارقتني والدمع فـي عينـي َ مـن العـام يغلـي=شـف حالتـي الله حسيبـك ماتسـرّ الناظـريـن
ضيّعتنـي وانـا حريـص .. ارتّـب َ لمستقبلـي=لقيتنـي لـك آخـر الفرصـه مـع المتقدمـيـن
وسجلتني لك شيء واقـع بيـن جـدي وهزلـي=وخليتنـي لـك عبـرة اللحظـة مابيـن الغافليـن
وتركتني لك فـي رضـاي اول مفاتيـح زعلـي=وعلمتني لك وين كذب الشعر حـط الصادقيـن !!
لاواهني من هو من ذنوبـه ياابـو مقبـل خلـي=لاواهني اللـي كتبـه الله مـن اصحـاب اليميـن
قريـت بالمسنـد روايـه ؛ لـلإمـام الحنبـلـي=( يقـول ان الله يـفـرح بالعـبـاد التائبـيـن )
يالله وانا فـي رحمتـك ضيّعـت نفسـي بعملـي=استغفـرك يـارب تكتبنـي مـن المستغفـريـن

عليك باقرا ياولد سوره الناس=والملك مع فاطر وثلاثٍ طوالي
من شر وسواسٍ من الناس خناس=والجن كائن حي وله رب والي
وكانك سفيهٍ او بعد فيك وسواس=يومك كتبت البيت او بك هبالي
ياهيه باكتبلك قصيدٍ على ساس=والشـعر جسمي والقوافي ظلااالي
نومااس ( عنااز ) على كل الاجنـاس=من كليب وائل عز ياهملالي
حنا ( بني وايل ) على الطيب جلاس=شيمه وقيمه من عمامٍ وخوالي
وش جاب ناب الذيب لنياب الابساس=وحنا ذياب الكون باول وتالي
تلقاا ولدنا لا لفى الضيف محتاس=ما بين ذبح الحيل وفوح الدلالي
وبنّـه يصهّـد فوق ناره بمحماس=طبع الشمالي لاعدمت الشمال
ترى (العنوز كنوز ) ياوجه الافلاس=أهل الشمـال مميلين العقالي
لا لا تشيطر وانتبه يمكن تداس=براس القلم والشعر تكرم نعـالي
ياهيه بمدح من علوْ قب الافراس=والنعم غصب عنك فيهم تقالي
ردي قصيده لبيت معدوم الاحساس=بشات المدار الرد: بيجيك آآلـى
لاتكتب ابيات الهبل دون مقياس=واحذر فإني صعـب (يابن الحلالي)..
واحذر فإني يومَ إذْ دون احسااس=خذ هيتا لك ردي واصمد قبالي
وإن لم تكن قادر على مفعم الباس=فاشرب بحر جده واقطع جدالي
واعلم ترى بعض البشر جن خناس=خناس شعري جن ياويل والي
جيتك بعزم الزير والا انت جساس=والله لعلمك اسلوم العرب والرجالي
باحرق لك الدنياا على اطراف محماس=طبع الشمالي لاعدمت الشمالي
بعض العرب يمشي تقل فاضي الراس=مثل الدواب اللي من العقل خالي
بيت الفخر مايهدمه ضارب الفاس=وبيت الردى ياهيه بنْـيه محالي
بعض العرب تنفع بهم سوره الناس=وبعض العرب يلزمه عشرٍ اطوالىى

ياهاجسي وان جات في بدع الابيـات=الشعـر مابيـن الضلـوع المحاديـب
اخفيه بعض اوقـات وابديـه بأوقـات=واعتبره اغلـى رفقتـي والاصاحيـب
ابوح به عن محكم الصمـت والـذات=وورده هـداج صـاف المشـاريـب
هـذي بداياتـه ولاهــي نهـايـات=ارتبه مـع صاحـي الفكـر ترتيـب
ابيـات شعـري محكماتـن نقـيـات=ماجتهـن الشكـه ولا جاهـن الريـب
انهـج مناهيجـن لقلبـي عـزيـزات=ومجنبن عن ناقـص الشعـر تجنيـب
اسبح بحور الشعر لوهـن غزيـرات=واركّـب القيفـان بالحـرف تركيـب
الشعـر لـه وقفـه وعـزه وهيبـات=حراً سكـن فـي عاليـات المراقيـب
وان عوّدت تمجيـد والمـدح بالـذات=من لايمّجـد عزوتـه جعلـه العيـب
بالشعـر والابالعـلـوم الجـزيـلات=انـا فـدا ربعـي رجـالاً مهـاذيـب
ربعي بني وايل اهل الوفاء والشجاعات=كسّابت الطـالات والمجـد والطيـب
يوم انها بالسيـف والرمـح زرقـات=منهو جهل يانـاس شلفـاء تراحيـب
في ماضي الايـام مـع فايتـن فـات=وش عاد بالخاطر وش اقول واجيـب
امجـادنـا ماتنحـصـر بالكتـابـات=يتعـب مجمعهـا بطـي المكاتـيـب
تاريخنا بالطيـب صـولات جـولات=سلمن تعودنـا بـه انشـب وانشيـب
من رؤس اهلنـا كاسبيـن الوصايـات=مانترك الواجـب ولا نمشـي العيـب
سلومـنـا دايــم عليـنـا قـويـات=السلـم حنـا قاضبيـنـه تقاضـيـب
عشنـا بعـز وحافظيـن الكـرامـات=واهم شـي الديـن زيـن المكاسيـب
انكمل الواجـب وخمـس الصلـوات=ولوجـه ربـي طالبيـن المطالـيـب
قبيلـة تمشـي وتـأخـذ بـطـولات=امجادها تشرق بهـا الشمـس وتغيـب
صرحـاً بنـاه الَلـه رب السمـوات=مايهدمـونـه جامعـيـن العـذاريـب
حنـا مطيـرولا عليـنـا دعـايـات=ناخـذ مواجبنـا ونعطـي مواجـيـب
من غير قاصرفي رجـال الشكـالات=ذي عزوتي مااحتاج نشـده وتجريـب
والشـاهـد الله مابغيـنـا شـهـادات=من شلـة النمـه وحـش العراقيـب
نمشي تحت ظل السيـوف الصقيـلات=آل السعود اليا عـوا الذيـب للذيـب
اخـوان نـوره فالليـال الصعييبـات=يحفظهـم الله عالـم السـر والغيـب
نمـشـي بعزولاعليـنـا مـلامـات=مـن عزناللطيـب دايـم معـازيـب
وصلاة ربي عـد وبـل الرشاشـات=علـى نبيـن مامشـى مشيـة العيـب

أكذب عليك ان قلت لك : ياصاحبي مافي جديد=لا والله .. الا ضيّقت كثـر القصايـد مكتبـي
تبغى فخر / والا حكم / والا غزل .. يابو يزيد=كل القصيد اللي تبي موجـود قلـي وشتبـي ؟
الأوله : قلت : ( عنزه ) ماهي بحاجة للقصيد=صبيها مـن غيرهـا .. يسـوى 900 صبـي
قبيلة ٍ .. من مجدها .. حتى المؤرخ .. يستفيد=قل للبليد وذكره .. بأحـداث فلـم المصربـي
كل قوم قيل الاْ عنزه .. قومٌ أولي بأسٍ .. شديد=صلوا على ذكر النبي / كافي لنا ذكـر النبـي
الثانيه : قلت الزمن هذا .. زمن حرب الصعيد=أنا واخويه دون ابن عمـي / وضـد الاجنبـي
والجاهليه عوّدت .. يمكـن .. ولكـن الأكيـد=اني ارتفعت .. ولا بتي حولي .. وهذا ملعبـي

ياهجوسـي غربيبـي ياهجوسـي شرقيـبـي=فالبحور وفوق بابـور القوافـي وسـط غبـه
وابحري وسط المحيـط بغبـة اليـم المهيبـي=يم قاع اليم يم القصـر أبـو فرخـه وضبـه
وحضريلي من بنات الفكـر ملعونـة صليبـي=ياهجوسي رقصيها وارقصي رقـص المحبـه
مثل رقص المهره اللي تضرب جموع الحريبي=فوقها اللي في يده مصقـول باليمنـى ضربـه
وحضري واسترسلي مادار في راس العتيبـي=قاف من جزل المعاني ما يجي درب المسبـه
قاف يسترسل ويرسل من صحيب اليا صحيبي=يم أبو شايـح هـواء بالـي مطاراتـه مطبـه
عيدهيـاً والبشاشـه فـي محيـاه الرحيـبـي=تشبه لنوار نبت الوسـم فـي ريضـان خبـه
مـن رجـالٍ بالملاقـا للقـا عـوق الطليبـي=الزحول أزمـول لحمـول المهمـات المقبـه
(الزحـول الاد وايـل) للعـلا شبـاً وشيبـي=الخلف درب السلف بنو بعـرش المجـد قبـه
وشاعرٍ واحدى ملوك الشعر للقاف الصعيبـي=سنترالشعر ومغنه مدخلـه فـي وسـط عبـه
يملك من الشعر ما يملك من المـال القصيبـي=قاطعاً ضماه من بحـر الشعـر يامـا شربـه
شاعر وماهر وقاهر بالشعـر وايضـاً اديبـي=منبر الشعر أن خطبه مـا حـدٍ بعـده خطبـه
ما طرق بحر الكموديـا والفكاهـه والسريبـي=يضرب بحور الجزال من الشعرشفـه وطبـه
من فرايده الغريبه فالشعـر مصبـح غريبـي=ظلم وين العدل وين العـدل ياعـلام المسبـه
يوم بعض الناس شعـره لا يـودي لا يجيبـي=طلعـه منهـو يحـرر بالمجـال ومـن كتبـه
ومثل أبو شايـح حشـا لله والخالـق رقيبـي=يسبح ابحراً عسر بعـض الخلايـق قـد قلبـه
ولكلمـة الحـق اتشـرف للبعيـد وللقريبـي=لو تبا تطلب قدم سلطـان جايـر مـا حسبـه
وضم صوته جنب صوتي صاحب العقل اللبيبي=وياسلام الله على اللـي مانحـه بالعقـل ربـه
امدحه وابغا امدحه وابغا امدحه ماهوب عيبـي=المدح فاللـي كفـو ميـزان عـدل ولا نكبـه
ومن خنين العود ببطـون المباخـر يالعريبـي=يكسي محيـاك ويسوقـه مـن الوقـاد شبـه

يا راكبيـن اكـوار حيـل مواجيـف=شيب الغـوارب والملاكـم مجاهيـم
عوج لحاهـم مـن لطمهـم مشانيـف=غيـر السوالـف والتلطـم مصاويـم
في ماقـع مافيـه شـوف وتشاريـف=غير الحباري شوفكم واشقـح الريـم
بليل الشتا كنـه نهـار مـن الصيـف=غربيـة تلقـا بهـا شــرد الغـيـم
غربيـة تومـي بقشـع الشفاشـيـف=تنفـر بهـا جـل البكـار المرايـيـم
يزمي لكم بيت يخـرع الـى شيـف=ويفرح قلوب اللـي كلاهـم مهاضيـم
بيت الصخا ريفً الى كمـل الريـف=وانتم علـى البـن المبهـر مضاريـم
لزماً إلى جيتوه يطـرب لكـم كيـف=تسمع ورا القاطع ضريـس الخداديـم
في بيت من يضحك حجاجه إلى ضيف=ضاري على ذبـح النيـاق المراديـم
كل يبي مثله ولاهـي علـى الكيـف=يـزوم ليلـة ثـم ينكـل إلـى ضيـم
اللـي يكـدون المهـار المزاغـيـف=لا حل ضرب مثل ضـرب القداديـم
يـروون حـد مصقـلات مراهيـف=ربع علـى ذبـح المـدرع صواريـم

من رياض المجد لامجاد الكويـت=من ثبـات العلـم للعلـم الثبـات
جيت أصافح بالتّهاني كـل بيـت=للشّهيـد الخلـد والحـي الحيـاة
فوق غيمة شوق من أبهـا مشيـت=من نداها فـزّت الصّحـرا نبـات
سيّرتني نشـوة الحـب وسريـت=للكويت الّلي هويت أكتـب غنـاة
في غناتي للشّرف صوت وصيت=ومن غناتي يرفع الفـارس حـداة
وللكرامة عرضة في كـل بيـت=والسجايـا بالشهـامـه نايـفـات
ياالكويت الّلي على الباغي عصيت=يوم بعض الرّبع ينسى المكرمـات
يوم بان الغدر قلنـا لـه خسيـت=كل شيطـان رجم،،نـاه بحصـاة
دارت الدنيـا عليهـم واعتلـيـت=وانهزم جيش النّفـوس الخاينـات
يالفهد عند الوعـد قلـت ووفيـت=طاغيات الرّوس عادت صاغـرات
مااختلفت ولاذخـرت ولاشكيـت=شامـخ مثـل الجبـال الراسيـات
دلّـك الله يالسنافـي واهتـديـت=والنّصر من عنـد رب الكاينـات
مايغـط الحـق رجـال بخـيـت=مانسينـا يالكـويـت السابـقـات
يوم عـز بدارنـا حلـو المبيـت=إستضفتونـا زمــان النّايـبـات
لين ابو تركي ظهر من فوق هيت=واصطفق من نجد لجبال السّـراة
يرفع القرآن والسيـف الصليـت=واسترد الحكم من عقـب الفـوات
(ياالصّباح وياالسعودي لى انتخيت)=(عزوتك( عنّاز )راعي الطّايلات )
ويالامير الّلي على العليـا نشيـت=جابر العثرات محمـود الصفـات
فـي بـلادك كـل تكريـم لقيـت=والنشامـى ماكتفـوا بالواجبـات
بالكويت أعطاني الشعر وعطيـت=وبالكويت الشعر له طعم وحـلاة

برق لعج لـي نـو مزنـه شمالـي=من بعـد أخيلـه شوقتنـي بروقـه
يـا الله ألا يـا الله خـل العـوالـي=هبابهـا بالرفـق دوبـه يسـوقـه
أبيـه ياصـل ناشيـاتـه ثقـالـي=محمـل فـي مـاه تثعـب رفوقـه
أبيـه يسقـي ديـرة شـف بالـي=صفق الهوا عنها عسى مـا يعوقـه
دار لـربـع يحتـمـون التـوالـي=الطيـب موفينـه مطالـب حقوقـه
ربع لهـم بالجـود حبـل ومدالـي=من عد راهي شربهم مـن عموقـه
ربـع ليـا قالـوا وفـوا بالمقالـي=من زارهـم حـراب يلقـى علوقـه
يلقى النمـش ومسننـات السلالـي=هذي غدا العـادي وهـذي غبوقـه
صم الرمك مـن دون خلـف متالـي=خيل عدت به خيل ربعـي صفوقـه
جعل الحيا لانسـاق يمطـر زلالـي=ديم مـن الرحمـة تهامـل ودوقـه
يسقي ثرا عرعـر غشيـن متتالـي=يسبل نشيـره بعـد ماطـر حقوقـه
يضفي على كـل الشمـال الخيالـي=يسقيه مـن مـزن تهامـل غدوقـه
لين الزهر يزها بـه الغصـن مالـي=والعود عقب اليبـس تنعـم عذوقـه
يخضر بها عود مـن الوقـت بالـي=يوم استقا من مـاه حيـت عروقـه
يرتع دبشهـم بالوعـر والسهالـي=الدهمشـي فيهـا يـرتـع بنـوقـه
يا زين رتعـه فـي جديـد المفالـي=يوم أعشبت زانـت مفاهـق فلوقـه
بنيت بيوت العـز وسـط الدحالـي=وكل عمـل فنجـال يبريـك ذوقـه
فـوق الورايـث صففـن الـدلالـي=البـن منهـا تـو مـا زان سوقـه
ينسـاق فنجالـه قبـول الرجالـي=لشربهـا الشـراب ذوقـه يـروقـه
يا مسايلـي ذولا محـددة الجمالـي=افهم جزابـي كـان فكـرك لبوقـه
الضيـف يقلـط ويتخطـر عدالـي=يلقـى الوناسـة والتحيـة تشوقـه
من ربعة بالجـود ريـف الهزالـي=تعجـب تحاياهـم وتعجـب نطوقـه
ما همهـم شيـل الحمـول الثقالـي=وعزومهـم ثقـل المحامـل تفوقـه
كم فتحـوا مـن مغلقـات القفالـي=بيبانهـا فكـوا جـويـد مغلـوقـه
خيـل الصحابـة لعتلوبـه عجالـي=خيـل عـراب معربـات سبـوقـه
لعننـوهـا شبـهـرت للقـتـالـي=خيل علـى جـدع المـدرع لحوقـه
الطيـب عادتهـم مـن أول وتالـي=سلـم الجـدود مجوديـن وثـوقـه
شيخانهـم كنـه رواسـي الجبـال=يمثل الحرار اللـي تقطـع سبوقـه
من كثـر كفخاتـه تبـت الحبالـي=لطالعـت طلـع نشـر فـي فروقـه
مشعان ابـن هـذال شفتـه قبالـي=شمس النهار اللي صفت في شروقه
مقـدم للضيـف كــوم حيـالـي=الطيـب للهذال حــب معشـوقـه
شيـخ ولـد شيـخ رقـا بالمعالـي=في نايـف عسـر رفيـع شهوقـه
أورانس بن مجلاد مـا لـه مثالـي=مخلف ظنون اللي تضـارب وهوقـه
مثل الجمل للحمـل فيـه احتمالـي=يلبس لبـاس العـز والعـز طوقـه
سهيـل فـي ليلـه بنـوره يلالـي=يبهج نظر عين نظرت بـه رموقـه
وذياب بن عرعر من الطيب شالـي=ربعـه بعـزه طـايـلات عنـوقـه
أبو طلال إن سأل من هـو يسالـي=من باق في حقه عسـى الله يبوقـه
والديدب المشهـور بالطيـب نالـي=مذخور أبوه اللي مشا فـي طروقـه
بذال مـن مالـه عطـا مـا يبالـي=الطيـب للديـدب بصبحـه ريوقـه
وأبا الروس كوكب بالفضا فوق عالي=كـل يشوفـه زايـد النـور لوقـه
شيخ طلع مـن بيـن عـم وخالـي=الناس تشهد لـه وتنطـق حلوقـه
غـازي ألا يـا الله مــده ليـالـي=أيـام عمـره بالليالـي معتـوقـه
الواطـي اللـي لا وطـى مايسالـي=وش حدر رجله ماوضع لـه دروقـه
غازي ولـد نومـان مثـل الهلالـي=نـوره تمـدد بالدياجـي مـروقـه
غازي عطيفـي والعطيفـي خلالـي=بعيـون عدوانـه وسـاع شقوقـه
عطيفات مقدمهم عريـب الخوالـي=نفسه على شوف الطراقـي شفوقـه
أرجي السموحة ما ادعيت الكمالـي=الكامـل اللـي منـه رزق مخلوقـه
يا الله عسى البارق ليا انحى شمالي=تصدق على ديـران ربعـي بروقـه

الخوف والله ماحسبنا له الخوف=الا من اللي نعبده ياأجوديه
وشلون أخاف وعزوتي كلها سيوف=وشلون أخـاف وعزوتـي وايليـه
ملوك بالدنيـا وفرسـان وحتـوف=وذيقـار مجـد أجدادنـا الأولـيـه
حنا على أهل الكون كله بنـا نـوف=حنا الكرم والجود وأهـل الحميـه
العي لامن شافنا صـار معسـوف=وأقلنـا ماقـيـل عـنـه الـرديـه
من وين ماسرنا بنا العـز مـردوف=ياويل من هزنـاه يصبـح ضحيـه
ترحب مجالسنا اليازارنـا ضيـوف=ويزيـد ترحيبـة شـذى الشاذليـه
حنا هل الفزعات مانعـرف نكـوف=وحنا الصخى وحنا جزال العطيـه
العز في وايل على كليب موصوف=مقولـة التاريـخ مـاهـي خفـيـه
حنا هل المعروف لأصحابنا ريـوف=ودخيلنـا لحمـاه نصـبـح فـديـه
مايوم خنا العهـد ونعـف ونعـوف=نعـف عـن قـوه وعـن مقدريـه
مانخضع لذلـه ولاهمنـا ظـروف=من ويـن مارحنـا ملكنـا الفضيـه
ننصب كنا السيل من ضايق جروف=لاصـاح صيـح النخـاوي عنزيـه
سيوفنا نفرق بها صفوف وصفـوف=وأردى عنزي بالكون يلهـم سريـه
يخاف منا الدرب لوكـان محفـوف=ويهابـنـا ثقليـنـهـا بالـوطـيـه
تاريخنا سجلات وأمجاد وحـروف=مـن جدنـا وايـل لتالـي السميـه
خل الذي ماشاف يرهي على الشوف=ويتوب ويصلي علـى أحمـد نبيـه
أسألك بالله كيف ياصلنـي الخـوف=دامي سعـودي وعزوتـي وايليـه

تسمعوا يأهل المذاهـب ولأسنـاع=يأهل الجزيرة حضرهـا والبـوادي
البيضه ننشرها على وجـه هـزاع=أكثر بياض من الثيـاب الجـدادي
بياض ماينقـص بياضـه ولمـاع=علـى الـدوام وكـل يـم يـزداي
في كل قيض وكل صيف ومربـاع=امشي بها في كـل ديـره وانـادي
قبيلة ٍ في كـل طيـب لهـم بـاع=عسى الحاهم ما يجيهـا السـوادي
قوم تحوش النصر في كل مطـلاع=وطلعاتهم طلعة صقـور الهـدادي
عاداتهم لن جاء من النشـر فـزاع=وركبوا على قحص المهار الجيادي
من فعلهم طرح المجوخ علىالقاع=دون العشايـر مقرعـات التـوادي
بشلف تخج الصدر من بين الاضلاع=ومطلاعها تطلـع بلـب الفـؤادي
حرية اليا ركبوا على كل مطـواع=ودولة مجالس بالشرف والمبـادي
ببيوتهم ريف الفداوي ليـا جـاع=مأيذبحـون الا( كبـار ) الهـوادي
بخورهم في كـل الاوقـات لعـلاع=يجي لهـا السايـر بليـا منـادي
البن بالقنطـار والهيـل بالصـاع=وتفخر مجالسهـم بعـود ٍ وزادي
نبذه من الماضي كما قطف نعنـاع=والا الحدود من الثريـا و غـادي
يستاهلون المدح في كـل مذيـاع=مسجل ٍ فـي صحفهـا والـروادي
اشكر بشكر يسمعـه كـل سمـاع=هذا الذي فـي قدرتـي واجتهـادي
والبيضه اكررها على وجه هـزاع=والمعذره لـو مابلغـت المـرادي
وصلاة ربي عـد ماهـب ذعـذاع=على النبي اللـي للإسـلام هـادي

لا شان وقتي والزمن لا يابـو روز=القى من رجال الشهامـة انتخيبـه
جربت مر الوقت والظيـم والعـوز=وديانـت ٍ بالوجـه ربـي حسيبـه
والناس تركب من صوالين وبنـوز=وانا على رجلـي ومجنـاي خيبـه
واليا تناصف ليلنا صـارت إلغـوز=لغـز ٍ يعدينـي ولغـز ٍ اجيـبـه
اسهر مع الحرمان ولا سمع لفيروز=وكل ٍ مـع الايـام ياخـذ نصيبـه
وارجوك تشرح وضعي لناس ٍ عنوز=( اللابـة) اللـي دايـم ٍ نعتزينـه
اولاد وايـل كنزنـا خيـر مكنـوز=لا شمّرت دنيـاي او شفـت عيبـه

ماني بخيرن كان تبقى على خيـر=ولاني سعيدين كان تبقى سعيـدي
ولع بكيرك حيـل يانافـخ الكيـر=النـار شبـت واللهب يستدزيـدي
أن عشت أطفي نار حر التفاكيـر=وان مت حطو فوق قبري شهيدي
طاشت عيون الكذب عند المشاهير=واصبح بعيني الكون كله زهيـدي
عندي كلام ن بس ويـن التعابيـر=ينبض بما بالقلب حتـى وريـدي
الله لا يجـزا الليالـي المعاسيـر=اللي ارفعت بالكذب حتى البليـدي
تبغى تزيل افعـول قـوم مناعيـر=أفعولهم بالطيـب علمـن أكيـدي
وايل زبون الطيب عند الطوابيـر=بوقتن يشيب منه حتـى الوليـدي
يومن فنجـان الـدلال المباهيـر=مايشربه ياكـود قلبـن شديـدي
لايالهديفـه لاتطـب المحـاذيـر=افطن ترا تحتك يـذوب الجليـدي
لاتخلط اشعارك ببـوك التقاريـر=العلم ماهـو يالسقيطـه جديـدي
الوايلـي حازالمكـارم بتقـديـر=ويلان حنـا كاسبيـن الحميـدي
ويلان حنا كليب والجرو والزيـر=نعتزفـي وايـل زمـانٍ مـديـدي
وحذراك ياصغير تهايـق بهالبيـر=مافيـه لا عـروه ولافيـه قيـدي
مرت عليه امن الزمـان المقاديـر=فمه صخور ونبـع ميـه بعيـدي
مايزمل الجدران طـق المساميـر=وماينحفظ ياكود هرجـن مفيـدي
تبغى تخوبر بس تاكـل خوابيـر=وان مت مانتـا يالمعفـن فقيـدي
مانتا مع اللي يكسبـون المغاتيـر=ولانتا معا اللي حايشين الحميـدي
تدري بوصفك انت زي الطباشيـر=بيدين ورعـن بالدراسـه معيـدي
انت الذباب اللي ينجسـك ويطيـر=واعرف دواك بريـد والا مبيـدي
انتا شبيهك مـن تحـط المناكيـر=ياهيه انا اقتلـك وادفنـك بيـدي
الهرج واضـح لا تـدور بشاكيـر=دمي يفور وكـل ساعـه يزيـدي
حذراك تقـرب للرجـال البياطيـر=اللي مضاربهـم تشـق الحديـدي
توقف ورانا لا نطحنـا المساييـر=وبدلتك تركض سـوات العبيـدي
تفهم وتعرف ويش لا درت بيصير=وعيب ٍ علي اللي عن كلامه يميدي
ياللاش ربعك كل ابوهـم دواويـر=وان جاع واحدهم يحوش الرديدي
هذي طبايعكـم ولافيـه تقصيـر=لانتا بأولهـم ولانـت الوحيـدي
حنا على غيرن وانتم علـى غيـر=حنا شيوخ القوم وانتـم عبيـدي

لونها بالمرجلـه جيـت طـلاب=نخيت ربعي هم رجال المعونـه
ربعي بني وايل رفيعين الانساب=كم راس شيخ بالوغى طاح دونه
صغيرهم مايرهبه ضرب الارقاب=حذف الجنايز مايزعزع سكونـه
وكبيرهم يشره على ضيغم الغاب=صيد السباع الضاريه من فنونـه
قصيرهم يفرحبهم ستر وحجـاب=لاشافهم هلـت بشايـر مزونـه
هشين بشين عزيزين الاصحـاب=خويهـم بعيونهـم ياضعـونـه
افخربهم لاجيت في وسط الاجناب=تاريخهـم بامجادهـم يشعلونـه
والناس كل دون عانيـه غـلاب=عربان مايرضون درب المهونـه
ارض الجزيره كلها بدو واعراب=مثل النجوم الامعه وسط كونـه
بس القضيه غير ياوول الالبـاب=ماعاد لي مع فتنة الشرق مونـه

يسقيك يـا دار ٍ شمالـي عنـازه=غربي الولج يا علي شرق الطريبيل
سقاك نو ٍ ممطـر ٍ مـن عيـازه=على رغاب القاع فيض ٍ من النيـل
عـز الله انـه راح فيهـا جنـازه=صميدع ٍ توصف عليه الرجاجيـل
له فيّ عازات ٍ ولـي فيـه عـازه=بوقت اللزوم الى حصل بالدهر ميل
ما لوم قلبي لـو يزيـد اهتـزازه=وجرّ الونين وشاف ضيم وغرابيل
عيني كمـا شـن ٍ تفتـق خـرازه=عليه دمعـات المحاجـر هماليـل
حر ٍ جزع وادمـى بقلبـه حـزازه=وتفجرت شعبـان قلبـه مباهيـل
تقصر يمين اللـي بالايـام هـازه=يرجع ذليل ٍ فاقـد العقـل بهليـل
اللي لمـح ضـده ثقيـل ٍ مـرازه=أخو محمد صافي الذهـن حلحيـل
من شبته يا ما قطع مـن مفـازه=ويا ما ظهر من غرقة ٍ كنها الليـل
رقى سنام المجد والطيـب حـازه=وبيته لعصمان الشوارب مداهيـل
قلبه من البالود مـا هـو قـزازه=والغيض قد فجر قلـوب ٍ مغاليـل
وان داخل الشردان رعب ونـزازه=الذل مـا يلقـى عليـه المداخيـل
هزيـم حطـو حفرتـه بالعـزازه=براس الطويله وارفع القبر بالحيل
ومن الذهب حطوا لقبـره ركـازه=ومن صافي الياقوت حطوا قناديـل
حتى يجيـه اللـي بعيـد ٍ منـازه=ويلقى بقربه شمخ القود والحيـل
اعتضت به ربـع ٍ لقلبـي لهـازه=اعني هل العليا عصـاة المشاكيـل
علمي الى جاهم سريـع ٍ نجـازه=وانا لهم دايم على العـدل والميـل
هم فزعة المضيوم وهمه جهـازه=وبالفعل للشعلان تشهد هل الخيـل
شعـلان فيهـم بالحرايـب فيـازه=بجدع المدرع فوق قب ٍ مشاويـل
ربع ٍ حماهم مـا يقـرب حجـازه=وعدوهم أسقوه ويـل ٍ بثـر ويـل
ان حل ضرب مخلـص ٍ بالبـرازه=ارووا حدود سيوف حدب ٍ مناحيل
احد ٍ يحوش الطيب غصب ٍ خزازه=وناس ٍ عن العليا ضعاف ٍ مهازيل
يبين لك فرق الذهـب مـن بيـازه=فرق ٍ بعيد ابعد من الجدي لسهيـل
البيض ترضع لابن يابس عـرازه=وبالالف يظهر واحد ٍ بـه تنافيـل
تاخـذ رفيعيـن المبانـي بـزازه=يا ليتها تعتـاض عنهـم تباديـل
ان قيل قلبـك مصخـر ٍ بانحيـازه=قلت الوفا له وسط قلبـي مناقيـل
وانا احمد الله ما حضرني خـزازه=واردون ثوبي ضافيـات ٍ مظاليـل
يسقيك يـا دار ٍ شمالـي عنـازه=مزن ٍ من المنشا ركونـه مخاييـل

سلام مني عدد ماهلـت ارعـود=وعداد ماهبت هبـوب المخايـل
وقت الربيع اعداد مايخضر العود=وعداد كتبات القلـم باالسجايـل
قصيدتي وجهتهـا يـم جلعـود=جلعود ابن وايل على الطيب طايل
مني سلام اسلام مثني ومـردود=من قلب صافي مايكـن الدغايـل
الطيب اللي يكسب الطيب والفود=واهل الثقايـل ترتكـي للثقايـل
نعمن بكم ياهل الوفاء ماكر الجود=للطيب زرع و للمكاسب حصايـل
انتم هل الشومات والفعل معـدود=وانتم هل الطولات واهل الفعايـل
اعيال وايل باللقاء تكسب الـزود=افعالهم نبـراس بيـن القبايـل
اعيال وايل تـارد العـد وعـدود=لاصارت القالات فعـل وصمايـل
اعيال وايل طيبهم مالـه احـدود=نثبت على صدق الحقايق دلايـل
اعيال وايل فعلهم بااللقـاء كـود=ميقافهم فيه العجـب والهوايـل
اعيال وايل للعداء تـرث الهـود=فزعاتهم مابين صايـل وجايـل
اعيال وايل لهم تاريـخ وشهـود=عيال وايل من اخيـار الحمايـل
اعيال وايل بااللقاء تنطح اجرود=دلت طريق اللي عن الدرب عايل
اعيال وايل كلها ابطال وافهـود=خصيمهم لامـال مالـه عقايـل
اعيال وايل بيـدت كـل مقـرود=يشفون غبنات الجروح العلايـل
اعيال وايل لامشت مشيها اسنود=عدوها شـاف النجـوم القوايـل

مبداي بسم اللي بعث صالح وهـود=باعث نبي الحـق بخيـر الرسايـل
مرسي سفينة نوح في قمة الجـود=في قمة الجـودي رسـت بالثقايـل
منجي خليل الله من بطش نمـرود=منجيه من نار(ن) حـروره هوايـل
من بعد ذكره سطـر الـرد جلعـود=لمعوض بن معيض كنـز الجمايـل
جاني سلامك وأرسل الـرد بالـزود=بأحسن تحيـة ياكريـم الخصايـل
خمشه رجال الفعل والفعل مشهـود=في ساعة(ن)تعرف فعـول القبايـل
رجالهم مـاداج فـي درب منقـود=عزيز نفس(ن) ما يجـي للخمايـل
عز الخوي (تنصاه تلقاه موجـود)=ماهو من اللي يسبقـون الرحايـل
عز الصديق وعز من كان مضهـود=عزالرجـال اللـي تعـزوا بوايـل
اعيال وايل بالوفى شيـك مرصـود=هم للوفى نبـراس والشـك زايـل
اعيال وايـل بالشديـدات عبـرود=عدوهـم تسفـل عليـه السفايـل
اعيال وايل واهبت مجهـمَ الـذود=ماهم من اللي يكنـزون الحصايـل
اعيال وايل نافسـوا زايـد الـزود=في مرقبٍ عالـي تعـدى المخايـل
اعيال وايل مابهـم صـد وصـدود=رجالهم مـا مـال والجـو مايـل
اعيال وايل كلهم عضـد وعظـود=عدوهـم مالـه عليهـم دخـايـل
اعيـال وايـل كنهـم أزرق العـود=لاقلت وايـل قـل كريـم السبايـل
اعيال وايـل كايـدوا كايـد الكـود=وأركوا على الكايد وناشوا الجزايـل
عذروبهم بالطيب زادوا على الـزود=وعذروبهم بالفعـل أهـل الفعايـل
مدحت ربعي والقبايـل بهـا جـود=كـلٍ علـى شفـه يديـر المثايـل
وصلوا على اللي بالشفاعات موعود=أحمد رسول الحـقّ خيـر الدلايـل

سلام يا (ابن معيض) ويا آخوي (جلعود)=وسلام يا أهل الطيب يـا عيـال وايـل
سـلام لا يحصـى ولا هـوب مـعـدود=زود(ن) على مـن قـال هـب المخايـل
أطيب مـن المنثـور والمسـك والعـود=وأحلـى مـن السكـر بـدر الجـزايـل
أصفى من البلـور وأنعـم مـن الخـود=وأجزل مـن بيـوت الشعـر والمثايـل
أهدا من الذعـداع وأقـوى مـن النـود=وأندى مـن عـروق الزهـر بالخمايـل
ومن عقب ذا يالله نبـي نكسـب الفـود=ونقـول كلمـة حـق فيـهـا دلايــل
اعيال وايل عـز مـن بـات مضهـود=يصبـح بعـز(ن) مـا يـدوّر بـدايـل
اعيال وايل حـد مـن مـا لـه حـدود=والحـد حــد مدهـمـرات النصـايـل
اعيـال وايـل بالفعـل حاشـوا الـزود=وتشهـد لهـم بالفعـل كـل القبـايـل
صغيرهـم يبـري ثمانـيـن ملـهـود=وكبيرهـم فعلـه سطـم كــل قـايـل
أرداهـم اللـي مـا لقـي فيـه منقـود=وأطيبهـم اللـي نـال كـل النفـايـل
انشـد وتلقانـا هـل العـز والـجـود=غصب(ن) عن الحقران واهـل الرذايـل
تاريخنـا نـار(ن) علـى راس مسنـود=وأقوالـنـا دايــم تتـرجـم فعـايـل
ردي على من كان أضعـف مـن الـدود=يبـي يـشـوّه أو يـحـط الدغـايـل
حنا على وضـح النقـا ننطـح الكـود=ومـن قـدم الجزلـه تجيـه الجـزايـل
وأنـا أقولـه فخـر والـرب محـمـود=واللي يبـي يزعـل فـلا نيـب سايـل
سلام يا (ابن معيض) ويا آخوي (جلعود)=وسلام يا أهل الطيب يـا عيـال وايـل

ماني مسيحي من جنوب الفلبيـن=ولانـي بحكمتيـار شهـيـد زاده
ولاني من البشمر ولاني من الصين=ولاني كمال حسين حمدي حمـاده
اسمي محمد وايلي من هل الديـن=وكـل حسـب حريتـه واعتقـاده
انا من الشملـي شمـال الجبليـن=داري وكـل يفتخـر فـي بـلاده
ديرة بني وايـل كـرام وعزيزيـن=اهل الكرم واهل الفخـر والريـاده
يومنها بالسيف والرمـح ذربيـن=عدوهـم يعـاف لـذ الـوسـاده
ربعي وليا نخيتهم جـوك عجليـن=كلن يكاهز فـوق صهـوة جـواده
ناس على شقر الاصايل سلاطيـن=مثل العقاب الصيرمي فـي هـداده
على ظهور الخيل مثـل المجانيـن=ولا حولو رمز الوفـاء والرفـاده
منهم عقاب الخيل ذعر المعاديـن=والشيخ ساجر يستحـق الاشـاده
والشيخ بن هـذال راع الدواويـن=شيخ الشيوخ الصيرمي في طـراده
ومنهم مريبد من زحول العداويـن=عقيد ربعـه يـوم هـي بالنكـاده
ومنهم خضير اللي رجح بالموازين=من رد بسهـوم العباريـد صـاده
ومنهم مصوت بالعشا والشعاليـن=المـوت عنـد وجيهـم واهجـاده
ومنهم غدير الموت والناس دارين=كم راس شيـخ بالمياديـن بـاده
اعطيك نبـذه والمعانـي نياشيـن=من كثرهم عجزت لوفـي عـداده
لاشفت فوق الورك اليمن هلاليـن=تراه سيف الموت يعنـي حصـاده
نيرانهـم تاتيـك مثـل البراكيـن=لاشذ سلطان الهدى عـن رشـاده
ركبوا على قب سـواة الشياهيـن=وعقيدهـم علـق وسـام القيـاده
النادريـن القاطعيـن الميامـيـن=مال للعدو في وجـه الابطـال راده
طشوه بوجبه الذيـاب السراحيـن=واركوا على ارقاب المعادي حـداده
سربة هل البلهـا تـدك المياديـن=يهتز منهـا اللـي قـوي فـواده
الخاشعيـن التايبيـن المصلـيـن=يرجون مـد اللـي كريـم مـداده
للسيف غمد وللبطولـه عناويـن=وحنا عناويـن الفخـر واعتمـاده
وان كان عندك يازرق الموج قولين=يغنيك عن شعـر المعنـى وكـاده
فلا تهددني مـن اللحيـن للحيـن=بالموج واسرار المحيـط وعتـاده

بديت بالرحمـن وجيـت استعينـا=بالواحد المعبـود خـلاق ماطـاب
الواحـد الغفـار منجـي السجينـا=هو اللطيف الغافـر لمذنـب تـاب
ومن بعد ذكـرالله جيـت بحنينـا=لربوعي اللي طيبهم فوق الأحـداب
ربوعـي الويـلان عـز الزبيـنـا=لطامة العايـل سنـد كـل مرتـاب
كسابـة الامـجـاد أول وحيـنـا=أهل الكرم حنا عريبيـن الاصـلاب
جيت أنشد القلب العزيـز الفطينـا=عن جملة ساقه لي العقـل بكتـاب
هـو انتخـاب قالـوا انـه ثمينـا=جاوبتهم مقامنـا فـوق الاهـداب
ويـلان شمـس نورهـا بالجبينـا=نور سطع ماينحجب دوم بحجـاب
ويـلان يهتـز الجبـل لاانتخينـا=ماهو معجزنا انتخـاب يالاحبـاب
يوم انهـا فزعـه فزعنـا وجينـا=نبي مـع العليـا قـروم وغـلاب
مانقبل اللـي دونهـا ولا رضينـا=رحنا نتسابق له شبـاب وشيـاب
ياشيـخ ذا الكرسـي مهومهتوينـا=بس نجلسه دامه مداحم بالاشنـاب
مقامنـا فوقـه بـحـق ويقيـنـا=بس نجلسه دامه مداحم بالاشنـاب
كرسينـا فـوق الثريـا بعريـنـا=بس نجلسه دامه مداحم بالاشنـاب
كرسينا مجـد جـرى فـي يدينـا=في قبته نور سطع بيـن الاغـراب
اعيـال وايـل طيبنـا محتويـنـا=ياما سعينـا لـه حفـاة وركـاب
حنا صعدنا المعتلـي مـن سنينـا=حنا لبسنا التاج بسيوف وأنسـاب
حنا شربنـا المجـد حتـى روينـا=حنا لبسنا العز يوم الـردي خـاب
حنـا حمينـا طيرنـا واحتميـنـا=حنا جرعنا الطيب من بين الاطياب
حنا كسبنـا مـن المعـزه ثمينـا=حنا ارتفعنا فوق من بين الاجنـاب
فينا الفـزع فينـا المـروه وفينـا=طبع عجـز لايجلبـه كـل جـلاب
الجـار قـدره بالضمايـر مكينـا=دايـم عزيـز مالبـس ذلـه وراب
اليا انتخى يبشـر بـدرع حصينـا=ينزاح همه والعدو مالـه حسـاب
وليا بغيت اعيـد مـاض السنينـا=ابطال وصيت المجد في كل محراب
اكليـب ومهلهـل وعلـم يجيـنـا=والذيب بن كلثوم قطـاع الارقـاب
وغيرهـم وغيـرهـم لاحكيـنـا=أبطال يخضع عندهـم كـل غـلاب
وملـوك فكاكـة ضعيـف زبيـنـا=فريس ماينصك من دونهـم بـاب
لادارت الهيـه وقــل العويـنـا=ارداهم اللي مثل ذيب وسط غـاب
في ساعـة الاكـوان والله وفينـا=لاطار عجه ثم كشـر بـه النـاب
عدونـا قفـى كسـيـر غبيـنـا=وصديقنا يفخربنا بيـن الاصحـاب
نسـد حاجـات العـرب لا نخينـا=ولامن عطينا نعطي بليـا احسـاب
فينا السخا والعلم الابيـض يزينـا=كف ندي مانشـد صولـة اسبـاب
صغيرنا مـن كـان طفـل جنينـا=وهو يرضع العزه وللمجـد شـراب
من صغره وصيده جزيـل سمينـا=وليا كبر يبطـش بكـف ومخـلاب
لي الفخـر واالا أقصـر الغانمينـا=نعم بهم ثم نعم في كـل الاعـراب
كـل القبايـل فيهـا طيـب متينـا=ولاني من اللي يحجب النور بحجاب
وختامهـا صلـو علـى مهتدينـا=على الرسول اللي رسالته بكتـاب

يالشامخ اللي شوفتك رحمة الموت=قدومك أرحم من عـذاب أنتظـارك
لاجابك الطاري طرى حرب جالوت=ومقارع سيوف العـرب بالمعـارك
يطري عقاب الخيل لازغردت نوت=لعيونها يطـا الخطـر والمـدارك
ويطري علّيه صيحة البنت بالصوت=لعيونها جاهـا الدريعـي مشـارك
وأطلقت صوتٍ داخل الصدر مكبوت=ياليل قلـي عـن بدايـة نهـارك
حنا المفاخر نلبسه عِْقل وبشـوت=وحنا يمينك يالفخر عـن يسـارك
حنا هل التاريخ والفعـل مثبـوت=تاريخنـا يانجمـة سهيـل جـارك
حنا ( بني وايل ) على كل طاغوت=ماتـدري أنّـا بالملاقـا دمــارك
حنا ليامن قلت حنا تجـى بيـوت=صواعقٍ ياسـرع عنهـا فـرارك
من كبرنا ماهمنا البحـر والحـوت=حنا الفضا اللي فيه يصغر مـدارك
يالشامخ اللي شوفتك رحمة الموت=قدومك أرحم من عـذاب أنتظـارك

يا الله طلبتـك يامديـر الهبايـب=يارافي الخمـلات حنـا برجـواك
تفرج لمن كثرت عليه المصايـب=ياغافرالزلات يامجـري الأفـلاك
وخلاف ذا شديت عوص النجايب=أنصا الشيوخ البينه عقب مانصاك
خليل يا أبن مهيد جنـك ركايـب=ركايب من ديـرة البعـد تلفـاك
ركايـب ماشدهـن كـل خايـب=ولاظن ينصن غيرمثلك وشـرواك
صاعك كبير وتحتمـل للنوايـب=ياراعي العليا عسى الرب ياقـاك
شيخ ولد شيخ علومـك عجايـب=وأنت الجواد اللي كبار عطايـاك
جدك مصوت بالعشـا باجذايـب=في نجد ماعينت مثلك وشـرواك
ما قل دل وزبدت الهـرج صايـب=والهرج يكفي صامله دوم عن ذاك
الدوسري قـال العلـوم الغرايـب=مخطاك ماصابك وماصاب ماخطاك
وصلاة ربي عد مـزن السحايـب=واعداد بدو زوعوا فـي هدايـاك

تعال اشـرح شـرح وافـى بتاكيـد=وتاخذ علـى مااقـول منـى كفالـه
ربعى هل الطـولات بواجـة الريـد=هل الوفاوالطيـب واهـل الجمالـه
ويلان مـن ويـلان ماهـم تقاليـد=قروم الرجـال مسيسيـن الشكالـه
يـوم الملاقـا بالنمـش والبواريـد=يشهد لهم بالطيب عصـر الجهالـه
منا هـل العوجـا غـدو بالتحاميـد=اللى حكموها مـن جنـوب لشمالـه
ومنـا الخليفـة بالملاقـى بواليـد=ضغوم الرجال اللى عليهـم مقالـه
* ومنا الصباح اهل الرماح المواريد=ريف الضعيف اللى لجـا والتجالـه
وشيوخنا ماتنحصى 000بالتعاديـد=يشهد لهم جنـوب نجـد وشمالـه
عدوهم يمشى علـى غيـر مايريـد=وكم طامـح بالكـون فكـوا حبالـه
يوم القبايل بيـن فيـض وتسنيـد=كـم عقلـه وردوا مقاطيـن جالـه
منـا ابـن هـذال كنمـر مسـيـد=شيخ الشيـوخ اللـى قليـل امثالـه
ياخذ علـى القـالات حـل وتوريـد=حلحيل بالحيـلات فـى كـل حالـه
وانشد عن الطيـار عسـاك ماتفيـد=سلطـان مهـدى للطراقـى زمالـه
ومنا مصوت بالعشـا لـلا جاويـد=ابـن مهيـد اللـي يتذكـر افعالـه
عنـده ضيـاع النـاس المغـاريـد=ومن صكته سـود الليالـى عنالـه
ومنـا العواجيـة شيـوخ صناديـد=عقبان نجد اللـى عليهـا المقالـه
فريـس والله ماتعـرف التصـاديـد=الياضيعت غـرز العشايـر عيالـه
والشيخ الايداء ضد من له تضاديـد=من عانـده يلقـلا عقايـب نكالـه
نمر النمـوره راسـي حيـد محيـد=صطـام لطـام اليـاصـار قـالـه
مقلـط الهيـل الخضـر بالبغاديـد=وبالطيب يرخص بالمواجيـب مالـه
الشيـخ لطـام العـدا بالمواعـيـد=نعم بالايـداء كـل ماجـاء مجالـه
والشيخ ابن شعلان من ترثه الزيـد=ماظنتـى برويـل يطـلـع بـدالـه
مجول ونايـف والربـوع المواريـد=تاريخهـم يشهـد بـدور مضـالـه
وخلف اللى ياخـذ عليهـم ملاكيـد=كم راس شيخ عـن ثناديـه شالـه
ومنا الرفدي متعب الجيـش بالبيـد=كلن سمع بالفاطـر اللـى اعتزالـه
حطت على السبعان مـع المعاويـد=وحنة بالصوت من سمعهـا دعالـه
فزعوا لها السلقا على الجيش والجيد=وحمى الوطيس وشب نار اشتعالـه
كامزنـه غـرى نشلتـه رواعـيـد=من جاء تحتها حامى النـار شالـه
والشيخ ابن مجـلاد قـرم الاواليـد=الطيب له من سـاس جـده وخالـه
نعـم بابـن مجلادسعـران ورشيـد=كلـن مقـر لـه بفعلـن جـرالـه
اورنس اخو شيمه مزبن عن الكيـد=صطـام لطـام الـعـدى بافعـالـه
صطـام لطـام العـدى بالتهاويـد=كـم غنـي ضيعـة مـن حـلالـه
حر يوم انه شهـل يرمـى الصيـد=ولايذبـح الامـن نـوادر اجـزالـه
حر اليا صرد على الصيدي تصريـد=عز الله انـه يعجـب مـن دعالـه
ومنا الفقير الياهبـي كـل رعديـد=دبشي اليا عـدوا رجـال الشكالـه
وراكان ابن مرشد سطـام المعانيـد=شيخ الشيوخ اللـى عزيـز قبالـه
ومنا السويلم وابن شامـان وعبيـد=الكـل يكفـي دون عرفـه افعالـه
والشيخ ابن معجل زبون المحاريـد=لاصـار بالجمـع العـزاوي زعالـه
ومنا ابن ملحم بالموازيـم صنديـد=يفـرح بهتـاش الخـلا وان لفالـه
والشيخ ابن رشدان زبـن الرعاديـد=حيد الحيود اللـى زمامـن جبالـه
يحـط بكبـود الاعـادي مراصيـد=عز الدخيل اللى عن الضيـم جالـه
ياخذ على تالـي الهزيمـه تراديـد=بيوم به الشيطـان حضـر اعيالـه
وابن سمير عيد الركاب المصاعيـد=الشيخ خشـار الضعـوف بحلالـه
فى رفقته تلقـى الضعافـي ملابيـد=كـم دخيـل يلتجـي فـى ظـلالـه
والشيخ ابن جندل محيـف النواديـد=يجزي صناديـد العـدي بالصيالـه
ومحدي مخلـي الركايـب عراجيـد=عـزام جـزام اليـاصـار قـالـه
ابن موينع والغبينـي وابـن عيـد=وابن الاميـر منهـل الطيـب نالـه
وابن هديـب محـدد الارض تحديـد=ارض يـروده مايجونـه رجـالـه
ومشعان اخو جحله الضـده لواديـد=وبرجس غدير الموت مرذي سلالـه
وغنيم ضد اللى ضده علـى الحيـد=عز الدخيـل اللـى بظيمـه شكالـه
والشيخ ابن ضويهر معدي المناقيـد=ضد العـدوان ثـار معـرك كتالـه
والمرتعـد لـه بالفراسـه ملاكيـد=مسكتيـن الـورع يـوم الصيالـه
وعمر وبن كلثـوم ودهـام ومريـد=الكـل منهـم وافـيـات خصـالـه
وكليب ومهلهـل مخيـف الرواويـد=الكـل بالتـاريـخ كـلـن درالــه
من عقب وايل ساس جـد وتجديـد=جدود وروي جدود تحوش الجمالـه
هذا الصحيح اللى كل العـرب تشيـد=امجـاد ورث اجـداد مابـه جهالـه
وكثرهم لـو ابـى اعـدد سراميـد=يضيـع فكـري ويتوسـع مجالـه
كلامنـا مافيـه كــذب وتـزويـد=من طق فـى قولـى علـى بقبالـه
وصلاة ربـى عـد وبـل الرواعيـد=على النبى المبعوث راعي الرسالـه

ياصاحبـي كنّـا ونبقـى حلاحيـل=للمجد نرقـى فـوق قمّـة جبلهـا
افهم عدل لاتـأول الوضـع تأويـل=والكلمه العوجا من المـزح شلهـا
يومنها بالسيف والرمـح والخيـل=نملك مزاييـن الأبـل مـع فحلهـا
نغير في وسط الضحى واوسط الليل=ونجيبها غصبٍ عن خشـوم أهلهـا
ويـلان حنـا فعلنـا لـه دواليـل=نـردم علـى كبـد المعـادي عللها
وان زغردت ام الرموش المظاليـل=وقامـت تناظـر كيـف ردّة فعلهـا
نشوش من زود السطر كالمهابيـل=والموت احلا عندنـا مـن عسلهـا
متوارثين المجـد جيـلٍ ورى جيـل=فتخيـن الأيـدي كاسبينـن نفلهـا
ويلان حنا أهل الكـرم والمعاميـل=عـاداتـنـا ماغـيّـرتـهـا فللها
لضيوفنا نذبح من السمّـن الحيـل=وقصيرنـا مـاراح يشـكـي مللها
والحمد لله يـوم صـارت تساهيـل=جاها السديد بديـن ربـي شملهـا
يكفي يمثلنا مـن النفـس حلحيـل=مشعل أخو نـوره بجـوده كفلهـا
مادام صـارت بالذهـب والتهاويـل=واحيت علينـا عنصريـة جهلهـا
ماعاد نبغى من وراهـا محاصيـل=وقلوبنـا للخيـر ربــي عدلـهـا
نعطي الفقير اللي شكى العوز والويل=وام اليتامـا بذلنـا قـد وصلـهـا
وضعيفنا نرفى خماله عـن الميـل=خير مـن دفـع الفلـوس بجملهـا
ونذلل ظـروف المساجيـن تذليـل=ونعتـق رقـابٍ دافـع الله أجلهـا
ياصاحبي نقدر وفينـا لهـا حيـل=ونملـك ملاييـن الفلـوس وهللها
واذا رغبنـا بالليالـي المقابـيـل=تشوف ويلان السعـد وش عملهـا
قلته وانـا مـاودّي القـال والقيـل=حسبي على اللي حيييل كبدي دبلها

كل القبايل زاينت وعنـزة ويـن؟؟=ما شفت بالساحة مزاين سباقـه ؟؟
سألتني وافتيـك يـا بـارد العيـن=اسمع من المسؤول زبـدة مذاقـه :
المجد ماهو فـي جمـال البعاريـن=وطيب القبايل مـا نقيسـه بناقـه
والمجد ما ينباع وسـط الدكاكيـن=ولا هو على زين الشكل والرشاقـة
المجد يا باغيه فـي خدمـة الديـن=في طاعة الله وابتعـد عـن نفاقـه
والمجد فـي سنـة ختـام النبييـن=نتبـع هـداه ولا نخالـف وثـاقـه
والمجد باكرام الضيـوف البعيديـن=وكم حايل للضيـف نرمـي شناقـه
والمجد باكرام الخوي لو بعد حيـن=ونرفا خطا الصاحب ولو كان عاقـه
والمجـد بتفقـد حـوال المساكيـن=والمجد فـي لمـة وجيـه الرفاقـة
والمجد باوفاي العهد والعهـد ديـن=يوم ان ولد الـلاش قصـر وباقـه
والجار منزاله على الراس والعيـن=ولو غاب عنا مـا هتكنـا رواقـه
والمجد يوم انه بكسـب البعاريـن=كم ذود شيـخ مـن يدينـا نفاقـه
ناطا وصوت الملح مثـل البراكيـن=ليا ما نتخيـر بيـن ناقـة وناقـة
بالمعركة نقلـب ثقيـل الموازيـن=وكم فارس صارت حياتـه شفاقـه
عقيل وان جات الحرايـب مجانيـن=نهدر هدير الزمل وقـت اصطفاقـه
( عيال وايـل ) لا تلاقـا القبيليـن=كم جيش قوم جيشنا الـذرب عاقـه
الكيل وافي يـوم نقـص الموازيـن=يفرح بنا اللي جاير الوقـت ضاقـه
جنود كسرى كسروها ( الشيابيـن )=واهدى لهم ( هاني ) من الموت باقة
لجت بنا اللي شافت الظلم والبيـن=يوم الردي ما له على الطيب طاقـة
وما حد يصوت بالعشـا للضعيفيـن=يـا كـود حنـا والخلايـق بفاقـة
نعطـي العطايـا للبعيـد وللادنيـن=والله كفـل رزق الخلايـق وساقـه
عن ( السبيعي ) تم دفـع الملاييـن=والسيف جا له من سببنـا الاعاقـة
شلنا الحمول الكايدة بيـن يوميـن=وسجين بعض الناس يبست ارياقـه
واليوم في ظـل الملـوك المياميـن=كل العرب عاشـت بعـز ورواقـه
نعيـش واقعنـا ملـوك وسلاطيـن=ونعيـش ماضينـا رجـال العراقـة
الزين هذا الزين يـا طالـب الزيـن=طيب الفعايـل عاشقينـه عشاقـة
وياللي سألت وقلت وين المزاييـن=المجـد هـذا مـا نقيسـه بناقـة

يقـول مـن يبـدع جميـل المثايـل=مثايل ٍ عذبـه .. نقيـه .. مصفـات
يقولهـا مـن عـرفـه ان الاوايــل=مابقـو لتاليهـم امـور ٍ مصـفـات
يقولهـا ينصـح عيـال الحمـايـل=للـي لهـم زينـات الافعـال عـادات
ينصح بهـا اهـل المـدن والقبايـل=لعل فيهـا لراعـي العـرف عبـرات
العاقـل اللـي يعـرف ان التحـايـل=مافيـه لـه فـود ٍ ولا فيـه نفعـات
العاقـل اللـي يعـرف ان الحبـايـل=تصيـد حابلهـا وتسقيـه لـوعـات
والجاهـل اللـي كـل ماقـال قايـل=صدق كلامـه دون برهـان واثبـات
والجاهـل اللـي فالمسـا والقوايـل=يـدور بـوش ٍ لايقـيّـل ولابــات
والجاهل اللـي لـو عيونـه تخايـل=يطيح وسط النـار مثـل الفراشـات
والطيـب ياباغيـه شيـل الثقـايـل=لامـن عجـز عنـه ردييـن هامـات
والعيـب والمنقـود راس الفشـايـل=عصيانـك الرحمـن رب السـمـوات
والعيـب والمنقـود شـب الفتـايـل=بين الجماعـه والمعايـر بمـا فـات
والعيـب والمنقـود لاجـاك عـايـل=وطّيت لـه راسـك وذليـت بسكـات
والكذب راس العيـب ياللـي تسايـل=حبله قصير ويقطعك وسـط مضمـات
خلك على العايـل صـدوق الصمايـل=لكم من شجاع ٍ عاش واللي هرب مات
اصبر علـى وقتـك ولوكـان مايـل=لصبر مفتاح الفـرج فـي المهمـات
والعيب بذل المال مـن غيـر طايـل=علـى المعاصـي والخنـا والملـذات
والعيب نقـل الهـرج بيـن العوايـل=نقل الـدوادي الفارغـه والحكايـات
خلك خفيـف النفـس والشـك زايـل=وش عاد لو تومر ولو قيل لك هـات
حسن الخلـق زينـه لكـل الفضايـل=كمل بها اخلاقـك وللنـاس شوفـات
لاصـرت تبغـى وافييـن الخصايـل=فاصـل رحمـك وأد حـق القرابـات
هذا كلام رشيد مـن نسـل (وايـل )=( اهل الكرم والجود واهل المـروات )
لباسـة الماهـود واهـل الاصـايـل=عون الرفيق اللي وقع وسط شطـات
كـم شيـخ قـوم ٍ ذاق مـر الملايـ=لمن ضربهم لاجو على الخيل عجـلات
لطامـة العايـل ليـا جـاك مـايـل=شينين .. زينين ٍ .. مطافيق .. وثقات
لطامـة ٍ .. نطـاحـة .. ماتسـايـل=فرسان .. شجعان ٍ .. مدابيس غارات
وطعونهـم تلقـى بهـا الـدم سايـل=وصحونهم يلقى بها الضيف خيـرات

هنـا .. هنـا .. للموقـف الإلـزامـي=غنيّـت قافـي ... وانطلـق قـدامـي
أسـج ساعـة ... وأتكـدّر سـاعـة=هــذي ليالـيـي .. وذي أيـامــي
النار .. تطلـع مـن حشـاي وترجـع=وأصبح حطبها .. من دقيـق عظامـي
ولحقت على عينـي .. وشبّـت فيهـا=وبدت فصـول .. المشهـد الإدرامـي
أفـكّـر بعبدالمجـيـد .. وحـالــه=وأصد .. وأمسح .. دمعتـي بإبهامـي
ياليـت .. ماصـرت بمثـل هالموقـف=أو ليت قبل .. أحضره .. حلّ إعدامـي
عبدالمجيد .. إسمع وأنـا بـن عمـك=صوتـك علـى هالمنبـر الإعـلامـي
أصيح به .. وأنخى .. وأطش عقالـي=وأجثي على ركبّي ... وراسـي زامـي
مدام لـي لابـة .. ليـا صكّـوا بـي=قالو دخيـل البيـت .. مـا ينضامـي
يا لابتي .. يا عيـال وايـل .. جمعـا=يا عزوتي ... يا مسندي .. يا حزامـي
يـا منبـع الفزعـة .. ويـا مرجعهـا=يا أهل البطولـة .. والمقـام السامـي
يا حاكمين أرض الجزيـرة ... مبطـي=ولهالزمـن وأنتـم بـعـد حكـامـي
فزعاتنـا ماهـي .. بحاجـة شـاهـد=والشاهـد الله ... مـا عليهـا كامـي
تـذكّـروا ... فزعاتـنـا للصيـحـة=يوم إن ضرب السيف .. حامي .. حامي
واليـوم هـذي صيحـةِِ .. تشبهـهـا=صيحـة ( سبيعـيـة ) ولا تنـلامـي
تبكـي ولدهـا ... وتحلـم برجوعـه=بأحلامها ... وأحلامكـم ... وأحلامـي
قوموا .. لهـا مقـام .. رجـلِِ واحـد=رجلِِ على شيل الحمـول .. عصامـي
كل عنزي .. مسـؤول عـن دمعتهـا=قـدام .. أهـل الكوكـب .. المترامـي
هذى ... شرفنا .. عرضنا .. عورتنـا=وحنا على .. عرض القصير .. نحامي
لازم نحـامـي .. والحمـيـا عــادة=فينـا ... ولا فينـا عفـن وهـلامـي
واللي ما يفزع .. لا انتخت بـه حـرّة=لا يشرب الفنجـال .. بيـن أعمامـي
خلوه .. يلبس .. ثـوب بنـتٍٍ مجـوز=وتحـرم .. لمثلـه لبسـة البسـامـي
ذي حـزة الفزعـة ... ولامـن صـدة=عن مثـل هـذا .. الموقـف الإلزامـي
يا عيال وايـل .. مرجلـة .. وحميـا=ويامـر عليهـا .. ديننـا الإسـلامـي
مـدّوا يديكـم .. علّـنـي فدوتـهـا=وأنتم كرام .. ومن عـروق .. كرامـي
باقي عن المـدة .. شهـر .. وشويـة=مافيـه وقـت .. نراجـع الأرقـامـي
عشـرة ملاييـن .. ونـفـك رقبـتـه=هذا عنزي .. ماهـوب قطعـة خامـي
وليا انتهينا ... صوتـوا ... بالدحّـة=نامي.. هنيّة ( يا سبيعيـة) ... نامـي

بديت بسم اللي على العرش عالـي=مرسل رسول الكون من نسل عدنان
من بعدها سطرت جزيـل المقالـي=بعشرَ السنين اللي لها عندنا شـان
عشرن بها بين البنيخـي وصالـي=مابين عم وخال وأقـراب واخـوان
في منتدى عنّـاز نعـم الرجالـي=ربعي سنام المجد ويـلان ويـلان
ويلان وان مالت صروف الليالـي=رجالهم يرسي كمـا راس حـوران
ويلان وان لاحت بـروق النزالـي=بكفوفهم من قطفت الروس دمـان
ويلان وان عجت خيـول العيالـي=عالوا على من عال بالعون شجعان
ويلان وان عـدّ الكـرم والسبالـي=لهم وسام الجود في كـل الأزمـان
مايشربـون الا القـراح الزلالـي=ولا يقلطون ألا على حيل(ن) سمان
ويلان سنـام المجـد أول وتالـي=حكام ورجـال المكـارم وفرسـان

الا يامرحبـا ترحيبـة يرجـح بهـا المـيـزان=من اللي لاحضر في ماقف ٍ يحسب لـه حسابـه
ترددها هلا الوادي العوج فـي منطقـة نجـران=رجال ٍ لاحضر منها صبـي يغنيـك عـن لابـه
وانا شاعر ليـا منـي بديـت اسخـر القيفـان=اذب الرجم واعـرف ويـن نيشانـي ومضرابـه
اسطرهـا كـذا وتجـي كـذا واسيّـس البنيـان=واعرف انه ليا ضاق الزمن ربعي لـي عصابـه
بني عمي هل الفعل السميـن مرخصـة للاثمـان=لهـم منـي سـلام يغتشـي نجـران وتـرابـه
ومن مثل ديار العز في ذا الصيف راعـي شـان=وانا افرح يوم قالوا كـل غمـر ٍ شـل مشعابـه
يكلمني ولد عمـي وانـا فـي مفـرق الصمـان=وقلت ارحب وقال اسمع كلام ٍ حـي مـن جابـه
ولا مطلـق يرددهـا قصيـده يــام ياهـمـدان=وانا شوشت واخلفت الطريـق وجملـة اصحابـه
يامطلق ياولـد عـم الظفـر يالمحـزم المليـان=ياحـر ٍ لاشهـر بكبـد السمـا يدمـي بمخلابـه
(ليا دحو بني وايـل وصـار الحـرب فالميـدان=يقولون اللي طويـل ٍ شاربـه اتقصـر اشنابـه
خبلهم يوم شـاش فـرد ذود وجنـدل العـدوان=نهـار ٍ يمتلـي عـج الرمـك والنـار شبـابـه
بني وايل مداغيش الوغا ( وامـارة الشيخـان )=هلا السيف الحدب والـدرع لافـل الوغـا بابـه
هل َ القومه هل َ الفزعه هل َ النخوه هل َ الفرسان=يموت الرجل منهم لين يروي السيـف ونصابـه
مقاديم الوغـا حمّايـة البيـرق هـل َ النيشـان=مساطير الوغا حمّايـة الصاحـب مـن انشابـه
تهجد الجن ويطيـح الحطـب ويكبـل الشيطـان=ليا صاحوا بنـي وايـل وكـل ٍ زهـب اركابـه
سلام الله على وجهك يامطلق والرجـال اخـوان=ومثلك يابن وايـل للمواقـف يحسـب احسابـه