صح لسانك اخوي عادل وتعمدك لاخلال وزن بعض الابيات واضح جدا
واحترم وجهة نظرك . لكن اسمحلي بالبناء فوقها بعد تعديلها لانك شاعر متمكن ونحن بامس الحاجة
للتعلم منكم ولو كان شخص مبتديء لما عدلت شي على اعتبار ان المبتديء سيعطي كل موهبته لابياته
فياتي النقد بعد الانتهاء من القصيدة كاملة لكي يعرف مواطن الخلل في القصيدة
وعلى العموم صح لسانك ولعل محاولتي لمجاراتك وتعديل بعض ابياتك يعد درس ولو ان العمليه صارت
مقلوبه فالمفروض انت من يعدل لنا وليس العكس
كل الشكر اخوي عادل وهذي محاولتي تلي ابياتك وبيض الله وجهك
البارحـه يـوم المخالـيـق رقــاد=حليت ضيف الروح ياروح روحي
صكيت باب الروح من خوف حساد=تفرح اليـا شافـت حبيبـك ينوحـي
اهلا هلابـك صدفـت(ن) دون ميعـاد=اجلس بقلب(ن) من غلاكم يفوحـي
واشكي على فايز بدت قدحـة ازنـاد=كمل مسـار القـاف خلـه يشوحـي
عزاه ياقلب (ن) عليه الحمل زاد = يشكي ولحد(ن) من سبايبه يوحي
ما ذقت طعم النوم والفكر وقّـّاد = يوقد بقايا بسمته في جروحي
لا واهني من عاش يمّه وبغداد = يرجعلها عز(ن) ومجد وصروحي
ويطيب فيه الجرح بالوصل لاجاد= يوثق حبيب(ن) بالمفارق شحوحي!!
العرض العادي
