اقتباس:
المشاركة الأصلية كتبت بواسطة مهدي معيوف العنزي
 لاهنت اخوي/منصور
دروس يحتاجها الجميع دون استثناء
فنحن نتعلم كل يوم شي جديد في هذه الحياه
والرسول(صلى الله عليه وسلم) قال: (اطلبوا العلم من المهد الى اللحد)
ولاهنت اخوي/عبدالمجيد
كلامك صحيح كثير مانتعرض لهذه المواقف
وبرايي النقد يتوقف على اسلوب الناقد
ممكن ان ابين له خطا باسلوب يتقبله
وممكن العكس
وهناك طريقه لتلافي هذه الامور
وهي الرسائل الخاصه
يمكنك ان ترسل رساله خاصه للشاعر
تعلمه بوجهة نظرك
هذا رائيي وهو يحتمل الصواب والخطا
اعذروني على الاطاله
تحياتي وتقديري |
أخوي الغالي الشاعر /مهدي العنزي
بارك الله فيك على كريم مرورك وجميل مرئياتك
النقد لاسلوب الناقد,,, واسلوب النقد والوسيله هي تاج النقد وعنوانه
لك تقديري واعجابي
نماذج لقصائد على بحر المسحوب:
في هذه المره حاول أن تقرأ القصيدة كامله بلحن واحد ولأكثر من مره
وبعد ذلك حاول أن تجاري القصيده بأن تكتب على نفس قافية القصيده
وبعد ذلك اعرض أبياتك على الشعراء واستشر من ثق برأيه
قصيدة: (قلبي يحن اللابسات الخزاري)
هذه القصيده على بحر المسحوب
لشاعر المبدع/جمال اللميع الدهمشي العنزي
ما شاقني شوف الخلا والمراقيـب=ولا شاقني شوف الفياض الخضاري
ولا شاقني نقل الحـرار المخاليـب=اللـي هددهـن يرعبـن الحبـاري
ما شاقني ياكود من ريحهـا طيـب=قلبي يحن الـلا بسـات الخـزاري
ابا اتونس قبـل يدركنـي الشيـب=عشق البنات اظـن مافيـه عـاري
سنـة نبـي الله ولا اظنهـا عيـب=شي(ن) على كل الرياجيل جـاري
وعز الله اني ماهنالـي مشاريـب=ياكود اشوف البنت في وسط داري
بنت الرجال اللي تحـب المواجيـب=واخت الرجال اللي تحـد الشبـاري
الجـادل اللـي ماعليهـا عذاريـب=دين و عقل معها جمـال ووقـاري
ولو الجمال احيان ماهـو مكاسيـب=بعض الحلا ينعاف لوهو انتحـاري
وش فايدة مزيونـه وكنّهـا ذيـب=والا قليلـة ديـن مابـه ثـمـاري
ويالله ياللي تعلـم السـر والغيـب=يامحيين نبتـه بوسـط الصحـاري
تفرج لمن صكت عليـه المغاليـب=انت الذي في كـل الاحـوال داري
قصيدة: (لاتشكي البلوى على غير مولاك)
هذه القصيده على بحر المسحوب
لشاعر المبدع/عبد المجيد بن جاسم العنزي
خـذ القصايـد كلـهـا واقـرهـا هــاك=ماهـي بضاعـه وردوهــا مــن الصـيـن
الشعـر نبـض حـروف والـهـام وادراك=وخطـوى قصيـده عـن كتابـة دواويــن
والــي خـلـق ذاتــك وعــزك وســـواك=ربٍ خلـقـنـي مـــن سـلالــة سـلاطـيـن
الـوصـف يتـعـب وصفـنـا لاوصـفـنـاك=ياالذيـب الامعـط مـدري الطيـر شاهيـن
عشنا وشفنا ابطال و احرار شرواك=وشفـنـا الثعـالـب يصـقـرون الميامـيـن
هـبـت هبـايـب وانفـتـح الـــف شـبــاك=وعجـزت اميـز هبـت الريـح مـن ويـن
ياصاحبـي درب الشـقـى كـلـه اشــواك=احـــذر تـعـثـر يـفـرحـون الشـيـاطـيـن
يـاجـيـل قـلــي وش نـهـايـة ســوايــاك=فـيـروس جيـلـي ينـقـل الـهـم والـبـيـن
والله تـبـطــي مـاتـلـحـفـت مـحـمــاك=مايـخـتـلـط دم الــفـــرس والـثـعـابـيـن
يـابـو مـهـا لاتـامـن الـوقــت حـــذراك=الـعـز مبـطـي فــا قديـنـه مــن سـنـيـن
مـحـلاك يـاوقـتٍ بــه الطـيـب مـحــلاك=ويـرحـم قـلــوبٍ باالمـواقـيـف وافـيــن
ارداهــــم الــــي لاتـعــزويــت لــبـــاك=رغــم الألــم والـجـوع للـجـار حلـويـن
يـامـسـنـدي يـاعــزوتــي لاعـدمــنــاك=افطـن كلامـي واعـرفـه وافهـمـه زيــن
ان ظـاق صـدرك وابتـدى جـور دنيـاك=وحدك زمانـك والقهـر والشهـب الديـن
حـــذراك تـشـكـي للمخـالـيـق بــلــواك=وش مـوقـفـك لاشـمـتــوك الـمـعـاديـن
بـعـض النـوايـا تختـلـف عــن نـوايـاك=الـنـاس هااليومـيـن عـاشـت بوجهـيـن
مـاكــل رجــــلٍ باالـمـواقـيـف يــفــداك=ولاكــل رجــلٍ تعتزيـبـه عـلـى الـديــن
ولاكــل مــن يضـحـك بوجـهـك تمـنـاك=ياكـثـرهـا ضـحـكـات ســـن الخبيـثـيـن
احــذر مــن الــي لاتضايـقـت يـجـفـاك=ان طحـت بـاعـك والمـواقـف براهـيـن
والــى مـثـل شــرواك مـبــداه مـبــداك=يتعـب لـجـل يرضـيـك رغــم الامـريـن
وان خنـت خـانـك وان تخلـيـت خــلاك=وان صنت صانك وان تشكيت مسكيـن
لاتجهـل الـي باالخـفـى يـدمـح اخـطـاك=الصـاحـب الــي ينـقـل العـسـر والـيــن
واحـذر تشكـى لوشقـى الوقـت شـكـاك=وقــل للمـدامـع تحـتـرم دمـعــة الـعـيـن
ولاتشكـى البلـوى علـى غـيـر مــولاك=ربــك علـيـمٍ فــي عـــذاب المسـاكـيـن
قصيدة: (الى سيدي السامر)
هذه القصيده على بحر المسحوب
لشاعر المبدع/عقيل بن ضحوي الصقري العنزي
ياسيدي السامر سنينك مديـــــــــــده=غالي وتسوى يابو راشد ملاييــــــــــــــــــــــن
واحد وتسوى يالسنافي بديـــــــــــده=ننصب لك البيضا بروس المياديـــــــــــــــــــن
فريد جنسك والمزايا فريــــــــــــــــده=حكيم راي ومن سلالة حكيميـــــــــــــــــــــــــن
المدح في حضرة سموك نجيــــــــــده=ملكتنا بالعطف والطيب والليـــــــــــــــــــــــن
ياسيدي يوم السنين العنيـــــــــــــــده=انتم ذرانا ياكعام المعاديــــــــــــــــــــــــــــــــــن
انتم سنام المجد وانتم رصيـــــــــــــده=صرتم بصفحات المراجل عناويـــــــــــــــــــن
ياسيدي حنا على ماتريـــــــــــــــــــده=والراس مايحنيه غير المصليــــــــــــــــــــــن
في سيدي السامر نظمت الفريـــــده=وغنيتها في وسط خضر البساتيـــــــــــــــــــن
ياسيدي ربي خلقنا عبيــــــــــــــــــــده=وانزل كتابه بالحجج والبراهيــــــــــــــــــــــن
يقول سبحانه والارزاق بيـــــــــــــــــده=وحنا على ما قدر الرب راضيـــــــــــــــــــن
الله يقول النفس تصبح سعيــــــــــــده=لامن تحقق له من الرزق ثنتيــــــــــــــــــــــن
المال واللي نجمعه من رصيــــــــــــده=واطفالنا تبهج بهم قرة العيــــــــــــــــــــــــن
ومن فاختنه عاش عيشه زهيـــــــــــده=بقعا تصوعه كنها تطلبه ديـــــــــــــــــــــــن
اربع سنين ولاحصل مانريـــــــــــــــــده=اربع سنين اصالق الدين بالديــــــــــــــــــن
ياسيدي والمال ماهو فقيـــــــــــــــــده=ياسيدي والفقد فقد البزاريـــــــــــــــــــــــــن
ياسيدي صارت جروحي عديـــــــــــــده=بسباب حظي والدهر والمعاويـــــــــــــــن
الجرح ينزف مانفع به ضميــــــــــــــــده=لاطاب جرحي تبّع الوقت جرحيـــــــــــن
الوقت شين وبين الوقت كيــــــــــــــده=قامت تخطفنا فروخ الشياهيـــــــــــــــــــن
ياسيدي والقلب تسمع حنيـــــــــــــــده=تفجرت من موق عيني براكيـــــــــــــــــــن
العين من كثر السهر به رميــــــــــــــده=والقلب شاب وشيب القلب ثنتيــــــــــــن
بالرجل قيد وفي يديني حديــــــــــــــده=اراوح الخطوه ولا ادري على ويـــــــــــن
لازرت شيخ ولا نشرت بجريـــــــــــــــده=ولارحت ادور حاجتي عند الاقصيــــــن
نصيت حر ماتعداه صيـــــــــــــــــــــــــده=النادر اللي يفري الصدر قسميــــــــــــــن
الحزن من غيره سموك يبيـــــــــــــــــده=اسمك كفيل يبدل العسر بالليـــــــــــــــــن
تكفى يابو راشد فرحنا تعيـــــــــــــــــده=انا بوجهك ياحفيد السلاطيــــــــــــــــــــــن
بيض الله وجهكـ يالغالي 
العرض العادي
