العودة   مجالس قبيلة عنزة > المجالس التراثيه > مجلس عنزة للموروث الشعبي
مجلس عنزة للموروث الشعبي لكل مايخص القبيلة من شعر وملاحم ومآثر
أهلا وسهلا بك إلى مجالس قبيلة عنزة.
يسعدنا ويشرفنا أن نرحب بكم في شبكة مجالس قبيلة عنزة، إذا كانت هذه زيارتكم الأولى للمجالس ، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة معنـــا .... وياهلا ومرحباء بالجميع ,,,

إضافة رد
قديم 24-01-2009, 03:25 PM   المشاركة رقم: 1
المعلومات
الكاتب:
فـــرج الدهمشـــي
اللقب:
عضو مجالس عنزة

البيانات
التسجيل: Jun 2007
العضوية: 7858
المشاركات: 0 [+]
بمعدل : 0 يوميا
اخر زياره : [+]
معدل التقييم: 0
نقاط التقييم: 20
فـــرج الدهمشـــي is on a distinguished road
التوقيت

الإتصالات
الحالة:
فـــرج الدهمشـــي غير متصل
وسائل الإتصال:

المنتدى : مجلس عنزة للموروث الشعبي
افتراضي سيرة الشاعر/ غـانـم اللميع رحمه الله ...

السلام عليكم ورحمة الله وبركاته

الشاعر / غانم بن علي مشرف اللميع العياشي الدهمشي العنزي من مواليد 1302هـ في منطقة نجد .

كان الشاعر بدوي يعيش كأي بدوي , وكانت بداية قرض الشعر له في الاربعين ,
وقد حدثت له مساجلات شعرية بينه وبين الشاعر الكبير / محمد الاحمد السديري
عندما كان اللميع يسكن منطقة الجوف .

وقد انتج الشاعر عدة قصائد بمدح الشيخ محمد ابن مجلاد , والشيخ محمد
بن فرحان الايدا , والشيخ محروت ابن هذال ,والشيخ فواز ابن شعلان,
والملك عبد العزيز بن سعود آل سعود طيب الله ثراه , والملك سعود بن
عبد العزيز آل سعود , والامير محمد السديري .


لقد ترك الشاعر حياة البداوة عندما ماتت ابله التي يمكلها واعتز بها حيث
كان في منطقة النبك ابو قصر قرب القريات , وماتت الابل ولم يبقى سوى
جمل واحد فأنشد هذه الابيات بالجمل عندما رآه يحتضر فقال :



كانك تبي طريق شعيل ...... لي واحدٍ مايخليني

أركب ليامرني التمبيل ...... واللي قنى الحضر يقنيني



وشعيل هو اسم جمل عزيز عليه قد مات مع الابل , وبعد ذلك انتقل الى
منطقة الجوف وترك البداوة وسكن المدن وقد كانت هناك صداقة قوية
تربط الشاعر اللميع بالشاعر محمد السديري , وكان بينهما الكثير من
المرادات الشعرية , وللشاعر غانم اللميع مكانة عزيزة لدى الشاعر
محمد السديري,استمرت هذه العلاقة حتى انتقل محمد السديري الى منطقة نجران .

وقد توفي الشاعر غانم اللميع في شهر رمضان من عام 1382هـ بمدينة عرعر
وعمره ثمانون عاما , رحمه الله رحمة واسعة واسكنه فسيح جناته .



قبل الدخول في سرد بعض قصائد الشاعر ينبغي التنويه الى تجاوز جميع القصائد
التي فيها ذكر لحرب العمارات .



قال الشاعر غانم اللميع هذه القصيدة يثني فيها على المغفور له الملك عبدالعزيز بن
عبدالرحمن الفيصل آل سعود طيب الله ثراه :





يالله يامنشـي ثقـيـل الهمالـيـل=ياباعث قاعـه وخلقـه بالامطـار
الواحد اللي يعلـم العـدل والميـل=الخالـق اللـي للخفيـات خـبّـار
قال المعرّف فصّل الهرج تفصيـل=قرايـضٍ ماقالهـا كـل بيـطـار
ياعيال عقـب السولفـه والتعاليـل=اللي بفكري دنة النجـر لـه كـار
وحطوا بها قيمة سنافٍ من الهيـل=ويجوز كان انـك ثلثتـه بمسمـار
طب القلوب اللي تجيها الولاويـل=شربٍ من البن الحمر حاميٍ حـار
وناسةٍ لافـات ثلـثٍ مـن الليـل=لانام ولد الثور مع بنـت الاثـوار
اللي يديهـم بالمراجـل مساهيـل=لا عللوا ضيـفٍ ولادلّهـوا جـار
وعندي لكم شور وبالاشوار تنفيـل=وترى الهدي نوبات يِلقى بالاشوار
دنوا ثلاث معفيـات مـن الشيـل=لاهن من الفطّر ولاهـن بالابكـار
عليك بالجلـس ولاهـن مواحيـل=حلات حاصلهن على قدر الاكوار
عقب السرى حيل يجفلـن تجفيـل=اليا جا نهارٍ به تبي البيت والغـار
حمر العيون مداحمـات المخاليـل=اكواعهن ماقربـن حـول الازوار
اليا صار جيش السيره له جواديـل=متغابشات المطرق قطـم الاظفـار
نبغي الامام اللي تجيـه المراميـل=هو منوة اللي ينحرونـه بمسيـار
عبدالعزيـز الشيـخ مالـه تماثيـل=لاحاكـمٍ مثلـه ولاضنتـي صـار
نطلب من الباري لعمـره تماهيـل=فقده على العالم مصيبـات وكبـار
هو الـذي ينقـل همـوم المعاييـل=كفيـل كافلهـم تبيّـن ولا نــار
ياعز نجـد اللـي حكمتـه بتذليـل=وحشمتها حشمة معـزب لخطـار
ونظفتها مـن ديـرات الشغاديـل=بالسيف الاملح لين هديت الاشـرار
واغنيت ناسٍ ياخو نـوره مهازيـل=واشبعتهم جعله حجابٍ مـن النـار
عقب الكسافه والعـزر والغرابيـل=خليتها امّار وتامـر علـى امـار
لا ياخو الانور زابنينك عن الميـل=حــقٍ غــدا ولاتـقـفـاه دوّار
حنـا عيالـك مابنـا قايـل وقيـل=لاشك تنحانـا بعيـدات الاسعـار
وانتم لنـا مثـل الجبـال المثاقيـل=نرجع لكم لو ناصل الغور وانشار
حنا كثير وراهميـنٍ علـى سيـل=جهاماً اجهم وانت تاتيـك الاخبـار
واهل الوطن مادوروا بـه تباديـل=وبعض الدّير مادوروا بها اهلها دار
وصلوا على محمد خيار المراسيل=ينزله القرآن مـن والـي الاقـدار





عندما نُقل المرحوم محمد السديري شاهد غانم اللميع قصر الامير
خالي فهاضت قريحته وانشد هذه القصيدة :







اليوم اشوف القصـر ماهـو بمفتـوح=وش عاد ابـي فـي جيتـه وادخلانـه
ماعاد لي في جيـة القصـر مصلـوح=الا ان رجـع نـور البـلاد بمكـانـه
نور البلاد اللي على الخلق له ضـوح=وإن غـاب غيّـب نـورهـا بغيبـانـه
الله يجيره مـن حـرف كـل سامـوح=وارجـي عسـاه بحفـظ ربـي ديانـه
شبل الاسود اللـي بالافعـال ممـدوح=اللـي علـى الكايـد وسيـعٍ بطـانـه
حلحيل في رايـه ولا هـوب مزيـوح=ولحـدٍ يقيـس الـراي مثـل اقيسانـه
مثل الحصان اللي على الحصن له شوح=والحصـن يرهبـن عطيـط اصهلانـه
حر الحرار اللي على الصبـر ذابـوح=ماكـر حـرار وصـار نـادر زمانـه
واجد حرار اللي معه تجـي وتـروح=والفـرق بيـن اطيارهـن واطيـرانـه
واليا انتهض ماعاد يرجع علـى اللـوح=ومـا يلتفـت لـلـوح دون اطلعـانـه
طير السعد ماهوب من جـذب مـرّوح=الـرزق عنـد اللـي مجهـدٍ بمتحانـه
لـو حـط قدامـه نواطيـر وشـبـوح=مثـل البحـر دايـم يزيـد اعليـانـه
كم واحدٍ يضحك وهـو منـه مجـروح=قلبـه عليـل وضحكتـه مـن لسانـه







غزى الشيخ محروت ابن هذال على اخواله التومان من شمر فاخذ حلتهم وحلالهم
وهرب كثير من فرسان التومان ومن ضمنهم خاله الشيخ برغش التمياط .

فاتى الشيخ برغش التمياط بعد هذه الحادثة الى مجلس الامير محمد السديري فجاء
ذكر مافعله الشيخ محروت ابن هذال فاراد برغش التمياط ان يتشفى منه ولن يجد
مكانا مناسبا اكثر من هذا , وكان من ضمن الجالسين الشاعر غانم اللميع .
فطلب الشيخ برغش التمياط من غانم اللميع ان ينشده احدى قصائده المشهورة في
ايام حروب العمارات وكأنه قد نسي حمية الويلان لبعضهم , فرد عليه غانم :

تبي القصيدة هذي ؟

فقال الشيخ : اي والله وياليت تعلمنا وش سوا الشيخ يوم سمعها .

فرد عليه غانم : ابشر ولايهمك .

فانشد غانم اللميع هذه القصيدة مرتجلا :





يامزنـةٍ جتنـي شمـال النخيلـه=برقـه يخـوّف قبـل ياتـي هللها
برقه يخـوّف قبـل ياتيـك سيلـه=من عند حسو الخر صار امحملها
يقودهـا حـرٍ يصيـد الجليـلـه=ماهو طوير صاد خرنـق واكلهـا
الشيخ صال ودار ضـده محيلـه=من الخوف نار وجوخته مانقلهـا
صارت على العدوان كدرى سحيله=عدواننـا نـارت وخـلـت حللها
ماهو مبـارك منزلـك بالسليلـه=جاك البلا مصبـاح ليلـة نزلهـا
بديارنـا ترتـع ولا لـك دليـلـه=تمشي على كيفك وتشرب عقلهـا
الفيضه اللـي كـل يـومٍ تكيلـه=ترعى حلاوي نبتهـا مـع سبلهـا
كان انت ناسيها وناسـي جميلـه=قـدم لكـم وحـده وعنـده بدلهـا
عـز الله ان ابنيكـم ينعنـي لـه=شـرٍ لهاليهـا وخيـر لفحلـهـا
وشوله الحرمـه تجـوّز حليلـه=اللي ولدها هـو غرابيـل اهلهـا









وقال غانم اللميع في مدح الشيخ محمد بن فرحان الايدا :



ياراكب اللـي مثلهـا مايشـادي=ياكود هافٍ يقطع الدرب راعيـه
اليا انطلق سرحيّها مـع حمـادي=برقية المخبر على امرٍ بـدا فيـه
وأن صار بعيونه حَمَارٍ سـوادي=خطرٍ على ركابها غيـر ترميـه
خلك حريصٍ عند نسف الشـدادي=ترى المطرّف من اغراضك تخليه
شفّي محمد مثل طيـر الهـدادي=ماصح لي وانا من العـام باغيـه
حرٍ اليا خِلي على الصيد صـادي=طير العرب مهو على قد راعيـه
يصيد صيدٍ مـن كبـار الثنـادي=تشبع به الجيران واللـي حواليـه
اللـي ببيتـه كـل يـومٍ ينـادي=ذبح الغنم مهو عن النيـب كافيـه
شيخٍ لربعـه بالسنـع والقـوادي=فضّل عليهم ربهـم بـه وهاديـه
شيخٍ لهم مهو اخطـات الهبـادي=اللي يفـرّق عنتـه وش يذرّيـه
اللـي يفـرّق لابتـه بالهـوادي=واليا اعتزالهم ليا مار ماهم حواليه





وقال في مدح الشيخ فواز ابن شعلان :





اللـي يبارينـي يدّنـي ذلـولـه=جزمت بالمطراش لو هو لحالـي
نبي من الجوبـه نبـت المحولـه=ولاعندي اكثر من ثـلاث إليالـي
نبي نشوف الشيخ قصره وطولـه=مشفي بشوفـه مبطـيٍ ماهيالـي
اشوف شيـخٍ معجبتنـي فعولـه=فواز اخو فـوزه عنيـد العيالـي
ويذكر لنا فـواز شالـت نزولـه=وقالوا على عذرا يريد المحالـي
وقالوا رحيل وشالت البل حموله=واقفوا كما غيـمٍ يطـم الجبالـي
وحزامه الشعلان وان جتك صوله=ان صار لنيران الحريب اشتعالي
ياويل بالاكوان مـن قربـوا لـه=وان ذاق ضرب مضيعين الاهالي
ان شدّوا المركب قادوا رحولـه=هدامة الجمـع الثقيـل الموالـي
جماعتـه حبّـوه واستقبلـوا لـه=ولاهو بغرّتهـم يـدور الخمالـي
يعدّل بخملتهم وهم مـادروا لـه=ويرد رشاهم يوم قصر المدالـي







هذه القصيدة قالها الشاعر غانم اللميع موجهها للشيخ محروت ابن هذال :





راكب اللي مـن ركـاب الشـرارات=لـولا الرسـن بالـراس ماينقويـلـه
ضراب الضراب محفضات بشمـلات=كلـش علـى يـد مامطاهـن هميلـه
كوعينها عـن نـوش زوره بعيـدات=طويلـة النسنـوس فـخـذه جليـلـه
وروّحن مـع سهلـةٍ فيهـا الافخـات=ركابهـا يبشـر بـشـوف الحليـلـه
حمـرا عيونـه ماتدانـي بالـوهـات=خطراً علـى ركابهـا ليظفـي شليلـه
تلفي علـى بيـت النـدى والمـروات=بيـتٍ عتـيـق وبالـنـدى ينعليـلـه
تجلس على فرش الشيـوخ النظيفـات=وتلقـى عليهـن مقحميـن الدبيـلـه
يجيـك قايـم باليـديـن السريـعـات=بمهراً يغـدي خـوي الـراس هيلـه
والكيس والم كان تشـرب سكـارات=ولاواحـدٍ يطلـب بخـيـل بسبيـلـه
وقت العشا يقول ياخليـف قـم هـات=صينيـةٍ ينـخـون نــاسٍ تشيـلـه
تكسّـرت لـولا حـلاقـه قـويـات=من قـرّح الخرفـان وسمـان حيلـه
قلطاتهـا ماتنحـسـب بالحسـابـات=وكّال منها عـده مـن طعـسٍ يهيلـه
وعقب العشا يرهم على الضيف نشدات=مـلـزوم ان المـعـزب يسـيـلـه







سنتجاوز عشرة ابيات لما فيها من حماسة بين ابناء العمومة الى ان قال مفتخرا بقبيلته :



زيزومنا سعران ذيب السريات=سطام لطام اليـا شـاف عيلـه
جزاع بزاع براعي الوصـات=الا بدرب الحق يرمـي قبيلـه
شيخٍ لنا ماشيختـه بالحيـالات=شيخٍ عزيز وشيختـه تستويلـه
والعلي شدوا محزمه بالحموات=ورقابهم للشيـخ مثـل العديلـه
عديلةٍ توخذ على حد عـازات=اليا احتاجها راعي العديلة يجيله
العلي لاصارت عليهم مصيبات=ضارين لشيلات الحمول الثقيله



العلي احد الاقسام الثلاثة الرئيسية لقبيلة الدهامشة .

غانم اللميع شاعر الحماسة والفخر و شاعر الحرب , وان كنا قد تجاوزنا كثير
من قصائده في هذه الالوان من الشعر الا ان ذلك لايمنع من اقتطاف بعض الابيات
التي ينشدها مفتخرا بقبيلته الدهامشة ذات الجانب المنيع والقوة الكبيرة في الحروب .

نقتطف هذه الابيات من احدى قصائده :











وبنعمتـه يامـا شربنـا واكلنـاوياما قنينا من شيـاه وبعاريـن =ويامـا لبسنـا ويـامـا نقلـنـاسلاحٍ نهدّي به عيـال الشياطيـن
حنا اليـا منـا حكينـا وصلنـاماهي علوم اللي يسولف بلا شين =حنا اليا صـار الحديـد بجملنـاصارت شرايدهم ركوب الحرازين





ونختار من احدى قصائده الطويلة هذين البيتين :



كنه الحر الاشقر يعجبك بالقناصـه = يفرح اللي قنص به وانكشف برقعٍ له
لابتي بالمشوك حين يِفصخ الباسـه= يشمتون الحبيب من فقد غالـيٍ لـه





وفي البيت الاول يقصد الشيخ محمد ابن مجلاد "سعران" شيخ قبيلة الدهامشة .

وفي احدى قصائده :



لابتي عاداتهم نحي الظليمه ...... يرخصون العمر عند الملزماتي







وهذه الابيات من احدى قصائدة :







مابهم واحد كنهـب مـن الذلـه = ولا ذكروا بعد باهلهـم رديينـي
كل ماشتـب نارهـم وقـودٍ لـه = لهن يصفى شراب الما عن الطيني
كان حِد الجمـل وادنـوه للغلـه = تركبـه بنـت اعيـانٍ قديميـنِ







ونقتطف من احدى قصائده :







كم عقيـدٍ دوّر علينـا المصـادي=خلي بالمفلا وعليه الطيـر حامـي
وكم عجوزٍ جرحها بيـن الفـؤادي=عن ولدها جنهـا ولـس العلامـي
طاح ولا اضنه من الخيرات صادي=اقرشوا ربعـه وقالـوا للرحامـي
من مضاربنا غدا عظمه تـوادي .=مالهن عـادات يخطـنّ العظامـي









قال الشاعر غانم اللميع في الامير الشاعر محمد بن احمد السديري :





حرٍ من الجوبة شلـع راح تغريـب=ياسيف وش هي رمعتـه ياضنينـي
انك تعرف الراي ذيبٍ ولـد ذيـب=مـن روس ربـعٍ يذهبـون الكميـنِ
على ظهور الخيل وساع المضاريب=اليا عِـدى بهـم ولاهـم المعتديـنِ
الشام جاه ولا بـه شـكٍ او ريـب=ومنّـه جبـل لبنـان حطـه يميـنِ
متنحـرٍ عاليـه زيـن المشاريـب=حلـو هـواه ومـنـوة المنتـويـنِ
وركب بطيـاره بحكـي المناديـب=بحفظ الكريـم ولابيـد العبـد شِيـنِ
ماقـول قـولٍ بالسديـري تكاذيـب=كود الوكـاد وشفـت فعلـه بعينـي
لولـب يفكـك محكمـات اللواليـب=ويدحم برخص الروح اليا صار شينِ
لمّا يتوّب لك اهـل البطـل تتويـب=عقب الحـدا مايصلّـون الهجينـي
من عرفته بالعلـم معنـاه بالطيـب=مــاروّز الـدكـان للمشـتـريـنِ
ولاهو من اللي عبب الخـام تعبيـب=وقلبه علـى وقـم الجديـده فطيـنِ
ولاحط له ميزان مثل القصاصيـب=وهو يذبح البل كـل كومـا سميـنِ
واليا صار مامن ضان يذبح من النيب=لجل الضيـوف وفـزة المحتريـنِ
ياسيف لو نرقب طويـل المراقيـب=تـرى الخبـول اللـي لنـا لايميـنِ
اللي حسبك اخـو بكـل المواجيـب=وانا حسبنـي مـن حـدا الوالديـنِ
اللي اليا جيتـه يرحـب تراحيـب=يفـزبـي ويفـطّـن القـاعـديـنِ
متمعنن باللي علـم خافـي الغيـب=اللي ضفى ستره علـى المستحيـنِ
كحيلان يشبا هو حصان الاطاليـب=حمـولـةٍ بافعالـهـم مقـدمـيـنِ







وقال في الامير محمد السديري :



ياطير حوران المذكـر حلايـاك=اللي مخاليبه اليا اولـى ضريـره
طير الفلاح اللي اليا هد عشّـاك=ماهـو طيـر العيبـه والجميـره
ياميـرنـا ياعلـنـا ماعدمـنـاك=ولاحظ من ناسٍ تصير انت اميره
لولا علومك رايحه مـا مدحنـاك=مارنها نِشرت علـى كـل ديـره
يامير والله ماتحضريـت لـولاك=وقبلك نحسب ان التحضري معيره
عربتني عن الجماعـه هـذولاك=ربعٍ عليّـه يظهـرون السريـره
ولاهو بنا يامير حتى ابو عـراك=قبل يجيكـم مثـل داب السعيـره
ولاهو بنا يامير جميع من جـاك=من جاك من البدوان حارب بعيره
استرغبوا يامير من قولتك هـاك=يوفـي ديايينـه ويبقـي ذخيـره
وجميع شيخان القبايـل تنصـاك=شيوخ بديرتهم والاسمـى كبيـره
يلقون مع فلة احجاجك حكايـاك=وعطيته يعجـز يشيلـه وزيـره
تعطي اليا اعطى الله كبارٍ عطاياك=ولاينحسب عطاك ياخـو منيـره
ياميـر والله ماتسـوى سوايـاك=نلت الامـور الكايـده والعسيـره
اما تجـي ياميـر ولا نصينـاك=زملٍ تهادر خايـفٍ مـن هديـره
واسمع امورٍ هي واهلها فدايـاك=ماتنحكى ميـر السنـه مستديـره
يادور من كثر التنكـر عرفنـاك=فيك اختلاف وشايفٍ منك خيـره
ان طعتني يادور تراني ابي انهاك=جنّب عن الغاليـن درب المغيـره
ان جن سنينٍ مابهن وسم وسمـاك=واستمعلت بس النجـوم الكثيـره
تبينـوا للـنـاس بـيّـام الادراك=اليـا يعـود الله بلطفـه وخيـره

sdvm hgahuvL yJhkJl hggldu vpli hggi >>>




sdvm hgahuvL yJhkJl hggldu vpli hggi >>> sdvm hgahuvL yJhkJl hggldu vpli hggi >>> hggi hgahuv or vpli a[vm













التعديل الأخير تم بواسطة فـــرج الدهمشـــي ; 28-01-2010 الساعة 03:26 AM
عرض البوم صور فـــرج الدهمشـــي   رد مع اقتباس
قديم 24-01-2009, 03:43 PM   المشاركة رقم: 2
المعلومات
الكاتب:
فـــرج الدهمشـــي
اللقب:
عضو مجالس عنزة

البيانات
التسجيل: Jun 2007
العضوية: 7858
المشاركات: 0 [+]
بمعدل : 0 يوميا
اخر زياره : [+]
معدل التقييم: 0
نقاط التقييم: 20
فـــرج الدهمشـــي is on a distinguished road
التوقيت

الإتصالات
الحالة:
فـــرج الدهمشـــي غير متصل
وسائل الإتصال:

كاتب الموضوع : فـــرج الدهمشـــي المنتدى : مجلس عنزة للموروث الشعبي
افتراضي











وقال غانم اللميع عندما حضر احدهم للامير محمد السديري موجه القصيدة لرفاقه :



انا لكم ياهل الركايـب بشيـري=وانتم عليكـم تبذلـون البشـاره
انا مبشركم بقصـر السديـري=اشوف خشمه نايفٍ تقـل قـاره
هو منوة اللي واصلين العصيري=كم حايلٍ يلقون صاحـن فقـاره
يازيد عمك يوم قيـل الاميـري=عز الله انه هو زبـون الامـاره
عبد العزيز اللي لضيفه عشيري=ظمانةٍ بالـروح ماهـي قمـاره
شيخ الحدود اللي عليهن مديري=عوق العديم اللي بعينـه نمـاره
والمال لو انه يطيـع المشيـري=ما صار لناسٍ مايعرفون كـاره
ودك ملمه عند مثـل السديـري=رجلٍ على الدربين باقٍ جـداره
اللي يجونه مثل ورد وصديري=الشرقي والغربي كثيرٍ سمـاره
ناس تصبح تابعيـن الخميـري=ورد وعلى هداج مالحق قـراره
ويقول ياصياح حطـو كثيـري=لاتحسبون الربح هو والخسـاره
ياخالق الضبه لموسـى ينيـري=تفرج لعبـدٍ ماشـيٍ بعتسـاره
الله ميسرهـا لـراع اليسيـري=ومعيّش الداب العمى وسط غاره
ماكر حرار وبه طيورٍ تطيـري=صيارمٍ ما هـو قريـبٍ طيـاره
ان جيت محمد مابغيت المسيري=ترغب ولا ودك تعدى جـواره
مناخته ياما بهـا مـن بعيـري=وبالقحط تجذب ساري الليل ناره


قصيدة في رثاء الملك عبد العزيز طيب الله ثراه , قالها الشاعر غانم اللميع في ربيع الاول 1373هـ :


علـمٍ لفـى مـاطـاب للمسلمـيـنِ=يبكي به اللـي فاهـمٍ غيـب الايـام
اللـي فـرح بـه مابقلبـه يقـيـنِ=القلب نجـس ولـو تسبّـح بحمّـام
واللي فرحوا بـه مـن الخاسريـنِ=اجزم عليهم نقص مذهـب وظُـلام
على اخو الانور كل مسلـم حزيـنِ=جميع من صلى وجميع مـن صـام
ادعـوا لـه بالغفـران يالمؤمنـيـنِ=بقعادكـم ولا بحـرفـات الاقــدام
ياللـي تـزورون الحـرم راهبيـنِ=الروس كشّافٍ بـوزرات واحـرام
الله يقـبـل دعــوة المصخـريـنِ=قيمة منافيعه على الخـاص والعـام
البيـض مثلـه مايجيـبـن جنـيـنِ=ماشيف بالتاريـخ ولا خـط الاقـلام
اللـي نـثـر دنـيـاه للمشتهـيـنِ=واقفى وخلاها بثـوبٍ مـن الخـام
خشّـر صديقـه والعـدو المبـيـنِ=هل القلوب اللي مـن الخبـث ورّام
وخلا الرشا يمشي علـى الجانبيـنِ=وقصيّـر الخطـوة يدليـه درهــام
وقوّم ثـلاث غيرهـن مامـن شيـنِ=من يوم قومهـن بهـن السعـد قـام
وشيب ظهر مـن منـوة الراكبيـنِ=شداها وسرٍ مـن الـروس وعظـام
هـذا فلاحتكـم عـلـى الاولـيـنِ=هن والمـروّه بقسـم يـوم الاقسـام
بالسيـف ماجتكـم عطيـة غبيـنـي=لامن الخوال ولاهي وصلٍ من ارحام
بالسيـف اخذتوهـا مـن المشتهيـنِ=رخـم الهنـادي ماينوشـن مـاقـام
ياسعـود مسـوا حبلهـا بالايـديـنِ=وخلا النظر على مروقب بالارجـام
تـرى كثيـر اللـي حـداه الونيـنِ=ونوبٍ يورّا له اليـا جتـه الاحـلام
كثيـر نـاس لنفعـكـم جاحـديـنِ=معروفكـم نسيـوه والنـوم بكمـام
طير السديـري حـط بـه فتختيـنِ=وينخى رجاجيلـه لطيـره الاكـرام
ويـوم انطلـق حصيلهـم صيحتيـنِ=ماثمـن المعـروف نكـري وحـوّام
انـا علـى ذلـك مـن الشاهـديـنِ=ان الجوارح هي مفاتيـح الاجسـام
مانتـم صغـار ولابعـد جاهلـيـنِ=راعي الغنم معلوم تذهب اليـا نـام
اليا صـار صاحـي وقلبـه فطيـنِ=ماجاه فوت الحـرص مافيـه ينـلام
خلا الصحـا والصلـح الصالحيـنِ=وشوارب المحدث دواهن بالاجـلام
اللـي يـبـون العافـيـة باينـيـنِ=شكّـارةٍ لله علـى عــز وانـعـام
اللـي تياسـر فــارق الايمنـيـنِ=ماهو معلوم يوافـق الـدرب قـدام
ومعـزت الواحـد تعـز الاثنـيـنِ=وعز الاثنين يسوي الالفيـن حكّـأم
والنـيـه الـوحـده ولا النيتـيـنِ=وقالوا لي ان الصدق راعيـه نجّـام
يصيـر حبلـه عـنـد الله متـيـنِ=وبمفاخت النيـات يضيـم مايضـام
يالله ياعـايـد عـلـى الممحلـيـنِ=تمهل بايام سعود قيمـة ميـة عـام
اللـي يراجونـه ضعيـف وسميـنِ=سكانـةٍ ببيـوت وقصـور وخيـام
يقضب رسنهـم عـن ولـيٍ مهيـنِ=عـدو ديـن ومنتويهـم بـالاعـدام
سهـو لهـو واسمـنـا رايحـيـنِ=وغيـر الله المعبـود مـاواحـدٍ دام
وصـلاة ربـي حـق يالسامعـيـنِ=فرضٍ على اللي تابعٍ ديـن الاسـلام


وقال الشاعر غانم اللميع في مدح الامير عبدالرحمن السديري :


ياراكب اللي طار لـولاه مقضـوب=مـدري رســن بلـيـا العنـانـي
ماشوف له ركبه ولا شوف عرقـوب=اشـوف مـحّـالا بلـيـا سـوانـي
مركوب ماضنـي يشاديـه مركـوب=الا الطـلـق لاثـوّرتـه الامـانـي
ملفاك بيـتٍ شمـال ابـن شلهـوب=على الطرف مبنـاه لاجـل المبانـي
بيـتٍ كبيـر وللدياويـن مـرغـوب=ومن خـف نفسـه يتبعـون الليانـي
يم ابو فيصـل ماعطينـاك مكتـوب=لازم توصـل لـه قرايـض لسانـي
ياراسل يامرسـول تـراك منجـوب=لازم تجيـب العلـم وانـا بمكـانـي
ياميـر والله مانقاطـعـك بالـنـوب=ولا اقدر على هجرك ولاني مدانـي
كل السدارا هجرهم مهـو مرغـوب=انـا وغيـري منهـم النفـع جانـي
ولوا انّي ابي اسالك ماني على صوب=ما امداني انسى طيبكـم والحسانـي
يا اللي لبست المرجلة لبست الثـوب=تزهـاك وتقبلهـا بـكـل المعـانـي
كحيلان بكحيـلان مافيـك عـذروب=مادشّكـم بالاصـل هطـل الاذانـي
ذبّاح من حطـو بهـا كـل دبـدوب=تباعـة الراعـي لزيـن الاغـانـي
باطرافكم يربـح بهـا كـل جالـوب=خادمـك يشريهـا لحـد الصيـانـي
يوم الردى ماله على الطيب ماجـوب=يشين وجهـه كـان شـان الزمانـي
والطيب صبر ومثل الاطماع مكسوب=ايـام والاخيـره العـمـر فـانـي
ياللي رفعت الضر عن حالـة ايـوب=تجعل لهم باطـراف نعيمـك مكانـي




هذه احدى القصائد التي يرد فيها على الامير محمد السديري :


يابجاد شـب النـار وادن الدلالـي=يوم الاناثي مكهفات علـى الـراس
وادغث بهـا يابجـاد بـن كمالـي=هيـلٍ كثيـر وعارفينـه بالاقيـاس
ينام اللي قلبـه مـن الهـم خالـي=لوازمه غير العشـا نـوم ونعـاس
ماشاحلـن قلبـه سـواة الادالــي=على قليبٍ جـارعٍ كـل الانفـاس
تواركـوه البـدو عقـب المحالـي=خطو الرشاء يجيه من ذاك لـولاس
النـار لهـا بالضميـر اشتعـالـي=ماله ضوى يابجاد غيـر الاونـاس
اللي جرى لـك ياسنافـي جرالـي=ياشوق من تزهى جديدات الالبـاس
ليّـه عشيـرٍ خابـره قبـل غالـي=ماتِهّمت مثلـه بالرديـه والانجـاس
اول مافنيلـتـه مــن حـلالــي=وثنيت عنده يـوم الاريـاق يبّـاس
على لزومي جـث كـل الحبالـي=واصبحت انا كني واحدٍ يطبخ الفاس
يبي مرق مـن لـه قـراحٍ زلالـي=نارٍ تلضى وقدرها قال قال انا نحاس
الطيـب مالـه ضيعـةٍ بالرجالـي=يضيـع مابيـن الثعالـب ولا بـاس
ولا خاب ضنـي قلـت ياهملالـي=مـاورا هالقولـه ياكـود الافـلاس




وقال الشاعر غانم اللميع في عائلة السدارى الكريمة :


هم الامار ويانعـم الامـارا .=حكمهم عدل وشفنا له دلايـل
حكمهم عدل مايحب المبـارى=شاهديـنٍ بـه كـل القبـايـل
قبـل ياتونهـم نـاسٍ فقـارى=وصاروا اليوم تجـارٍ ثقايـل
كل من جيت من الاحمد خيارا=ابو عبـدالله كسّـاب النفايـل
كل هالنـاس عيـالٍ للعـذارى=مير الافعال تفـرق بالجمايـل
مثل فرق الحرار من الوكـارا=يفرق الحر بصيـده للجلايـل
مثل مايفترق خيـلٍ وشهـارا=باللـوازم يعانقـون الاصايـل
مثل مايفتـرق ليـل ونهـارا=تطلع الشمس تشوف الليل زايل




وقال الشاعر غانم اللميع هذه الابيات عندما اراد الهجرة عن البادية واختار سكن الرياض بالقرب من آل سعود , كما اثنى على سمو الامير محمد بن عبدالعزيز بهذه الابيات :




بنيت بـام سليـم وربعـي بنوبـه=عند الملوك مطوعـة كـل عايـل
احسب بنيّ القصر هيـن ودوبـه=وليا بغـى منـي فلـوسٍ قلايـل
واثري بنيّ القصر مثـل العقوبـه=مايقدره اللـي مابحالـه صمايـل
دليلتـلـي وهقتـنـي عجـوبـه=ودليلتـه عنـده خيـال الدلايـل
ابيه للما ولا امشـي يـم صوبـه=والقيض يهلك من عن الدرب عايل
ابي محمـد ولـو بالعمـر نوبـه=قبل نـروح لديـرة اولاد وايـل
هـدّاج تيمـا وافيـات غـروبـه=تسعين غرب فوق حيـلٍ جلايـل
ماله شديَّ غيـر ابـوه اشهدوبـه=شــط الـفـرات الـلــي ار


تكى للقبايل

قال الشاعر غانم اللميع في احدى قصائده :




الدور هذا بـه اتهـزّي=الناس كثرت مزاريهـا
يامسندي البعد مايعزّي=الدنيا هـذي جواريهـا
وياراكب اللي لها رزّي=سميـهـا مايماشيـهـا
دون السما ضوّها شزّي=واليا مرت الغيم يتقيهـا
اللي عن الفهم عـزّي=قلت القصيدة بزاهيهـا
القلب اليا جيتهم فـزّي=فزّت هنـوفٍ بغاليهـا
كبدي بها النار ترتـزّي=وشوف اللميعي يطفيها












عرض البوم صور فـــرج الدهمشـــي   رد مع اقتباس
قديم 24-01-2009, 04:00 PM   المشاركة رقم: 3
المعلومات
الكاتب:
الصقري 111
اللقب:
عضو مجالس عنزة
الرتبة:

البيانات
التسجيل: Dec 2008
العضوية: 17610
المشاركات: 126 [+]
بمعدل : 0.04 يوميا
اخر زياره : [+]
معدل التقييم: 9
نقاط التقييم: 20
الصقري 111 is on a distinguished road
التوقيت

الإتصالات
الحالة:
الصقري 111 غير متصل
وسائل الإتصال:

كاتب الموضوع : فـــرج الدهمشـــي المنتدى : مجلس عنزة للموروث الشعبي
افتراضي

تسلم استاذي الكريم (( فرج الدهمشي ))
معلومات وافية . وقصائد جزلة ..
مجهود رائع ...
حفظك الله وأسعدك ..
تحياتي ,,,.












عرض البوم صور الصقري 111   رد مع اقتباس
قديم 24-01-2009, 06:40 PM   المشاركة رقم: 4
المعلومات
الكاتب:
محمد السلطاني
اللقب:
عضو المجالس النشط
الرتبة:
الصورة الرمزية
 
الصورة الرمزية محمد السلطاني

البيانات
التسجيل: Dec 2008
العضوية: 17711
المشاركات: 632 [+]
بمعدل : 0.20 يوميا
اخر زياره : [+]
معدل التقييم: 9
نقاط التقييم: 20
محمد السلطاني is on a distinguished road
التوقيت

الإتصالات
الحالة:
محمد السلطاني غير متصل
وسائل الإتصال:

كاتب الموضوع : فـــرج الدهمشـــي المنتدى : مجلس عنزة للموروث الشعبي
افتراضي

يعطيك العافيه اخوي فرج الدهمشي


على الايضاح لهذا الشاعر العملاق عليه رحمة الله


وانا سمعت بانه لم يشعر الا عندما وصل سنه للاربعين عام ويعتبر نابغه












عرض البوم صور محمد السلطاني   رد مع اقتباس
قديم 25-01-2009, 02:17 AM   المشاركة رقم: 5
المعلومات
الكاتب:
أبراهيم الحمدان
اللقب:
(*§ عضـو المجالس المميـز §*)
الرتبة:
الصورة الرمزية
 
الصورة الرمزية أبراهيم الحمدان

البيانات
التسجيل: Jul 2007
العضوية: 8025
المشاركات: 3,465 [+]
بمعدل : 0.92 يوميا
اخر زياره : [+]
معدل التقييم: 14
نقاط التقييم: 20
أبراهيم الحمدان is on a distinguished road
التوقيت

الإتصالات
الحالة:
أبراهيم الحمدان غير متصل
وسائل الإتصال:

كاتب الموضوع : فـــرج الدهمشـــي المنتدى : مجلس عنزة للموروث الشعبي
افتراضي

بسم الله الرحمن الرحيم


السلام عليكم ورحمة الله وبركاته

(( رحمة الله على الشاعر غانم اللميع ))

أخوي الغالي فرج الدهمشي
مشكور على ايراد قصائد
الشاعر المبدع غانم اللميع
أحد اعلام الشعر في قبيلة عنزه
ومهما كتبنا فيه لن نوفيه حقه
وأكرر شكري وتقدري لك أخوي فرج
على جهودك في تنسيق الموضوع والقصائد
ودمت بود يالغالي












توقيع : أبراهيم الحمدان

عرض البوم صور أبراهيم الحمدان   رد مع اقتباس
قديم 25-01-2009, 03:41 AM   المشاركة رقم: 6
المعلومات
الكاتب:
احمد البدري
اللقب:
" مشرف المجلس الأسلامي "
الرتبة:
الصورة الرمزية
 
الصورة الرمزية احمد البدري

البيانات
التسجيل: Mar 2007
العضوية: 5794
المشاركات: 6,568 [+]
بمعدل : 1.70 يوميا
اخر زياره : [+]
معدل التقييم: 17
نقاط التقييم: 20
احمد البدري is on a distinguished road
التوقيت

الإتصالات
الحالة:
احمد البدري غير متصل
وسائل الإتصال:

كاتب الموضوع : فـــرج الدهمشـــي المنتدى : مجلس عنزة للموروث الشعبي
افتراضي

وعليكم السلام ورحمة الله وبركاته

الله يرحمة ويسكنه فسيح جناته

بارك الله فيك اخوي فرج الدهمشي

والله يعطيك الف عاافيه على المجهود الرائع

وعسااك على القوه

تقبل تحياتي












توقيع : احمد البدري




"نحن قوم أعزنا الله بالإسلام فإن ابتغينا العزة في غيره أذلنا الله"
عـــــمـــــر بن الخطــــــــاب

عرض البوم صور احمد البدري   رد مع اقتباس
قديم 25-01-2009, 06:32 AM   المشاركة رقم: 7
المعلومات
الكاتب:
فـــرج الدهمشـــي
اللقب:
عضو مجالس عنزة

البيانات
التسجيل: Jun 2007
العضوية: 7858
المشاركات: 0 [+]
بمعدل : 0 يوميا
اخر زياره : [+]
معدل التقييم: 0
نقاط التقييم: 20
فـــرج الدهمشـــي is on a distinguished road
التوقيت

الإتصالات
الحالة:
فـــرج الدهمشـــي غير متصل
وسائل الإتصال:

كاتب الموضوع : فـــرج الدهمشـــي المنتدى : مجلس عنزة للموروث الشعبي
افتراضي

اقتباس:
المشاركة الأصلية كتبت بواسطة الصقري 111 مشاهدة المشاركة
   تسلم استاذي الكريم (( فرج الدهمشي ))
معلومات وافية . وقصائد جزلة ..
مجهود رائع ...
حفظك الله وأسعدك ..
تحياتي ,,,.


الله يسلمك أخوي الصقري 1112

الله يعافيك من كل شر والشكر موصول لك على مرورك العطر

تقبل تقديري












عرض البوم صور فـــرج الدهمشـــي   رد مع اقتباس
قديم 25-01-2009, 06:16 PM   المشاركة رقم: 8
المعلومات
الكاتب:
سليمان الدهمشي
اللقب:
(*§ عضـو المجالس المميـز §*)
الرتبة:
الصورة الرمزية
 
الصورة الرمزية سليمان الدهمشي

البيانات
التسجيل: Sep 2008
العضوية: 16530
المشاركات: 4,860 [+]
بمعدل : 1.47 يوميا
اخر زياره : [+]
معدل التقييم: 14
نقاط التقييم: 20
سليمان الدهمشي is on a distinguished road
التوقيت

الإتصالات
الحالة:
سليمان الدهمشي غير متصل
وسائل الإتصال:

كاتب الموضوع : فـــرج الدهمشـــي المنتدى : مجلس عنزة للموروث الشعبي
افتراضي

بسم الله الرحمن الرحيم

السلام عليكم ورحمة الله وبركاته

لاهنت أخوي / فرج الدهمشي

على المجهود الرائع

في نقل قصائد الشاعر غانم اللميع رحمه الله

تسلم يمينك وعسااك على القوه

دمت بخير












توقيع : سليمان الدهمشي






{~ أقم صلاتكـ تنعم بحياتكـ ~}

عرض البوم صور سليمان الدهمشي   رد مع اقتباس
قديم 25-01-2009, 10:14 PM   المشاركة رقم: 9
المعلومات
الكاتب:
نايف عقيلي المجلاد
اللقب:
][_-^ شخصية هامة ^-_][
الرتبة:
الصورة الرمزية
 
الصورة الرمزية نايف عقيلي المجلاد

البيانات
التسجيل: Nov 2007
العضوية: 10901
المشاركات: 395 [+]
بمعدل : 0.11 يوميا
اخر زياره : [+]
معدل التقييم: 10
نقاط التقييم: 24
نايف عقيلي المجلاد is on a distinguished road
التوقيت

الإتصالات
الحالة:
نايف عقيلي المجلاد غير متصل
وسائل الإتصال:

كاتب الموضوع : فـــرج الدهمشـــي المنتدى : مجلس عنزة للموروث الشعبي
افتراضي

الاخ فرج الدهمشي
السلام عليكم ورحمة الله وبركاته
سلمت اخي العزيز على ايراد هذه النبذه التاريخيه عن الشاعر الكبير غانم اللميع , احد رموز ا لشعر الشعبي وعمالقته الكيار.!!!!
غانم اللميع جالس شعره الحكام واستانسوا به وان لم يجالسهم بجسده,مات ولم يمت شعره,بقي تتناقله
الاجيال ,وتحلو به جلسات السمر و(التعاليل).
اللميع( وزير اعلام الدويله) والمتحدث الرسمي باسمها,اذا انشد احدث ثورة عارمه لاتهدأ.
عاصر الامير الفارس/ محمد النركي المجلاد(سعران) فسطر الشعر اروع الملاحم والافعال الخالده.
حصل ذات يوم ان جرت مفاوضات حول بعض الامور التي كانت ستؤدي الى حرب بين الدهامشه واحد الاطراف ووكادت الاطراف ان تصل الى حل, لولا ان اللميع لم يكن راضيا عن الصلح وكان خارج الخيمه ويسمع مايدور فيها ,فأخذ بندقيته وقام( يعرض):

شيخنا يانخيته طاع قوليله= وابعدت رمعته من فوق مرماعي
مايرد العشاير عن مداهيله=كود ياخذبها مشتى ومرباعي
فقام سعران وانفض الاجتماع وكان ما اراد اللميع!!!!!
كان يشعل الحرب ويطفيها,انه باختصار شاعر الحرب والسلام.
رحمه الله ابا فياض,والف شكر لك اخي فرج,,,,,,
تحياتي












توقيع : نايف عقيلي المجلاد

حنا على الجمه طويل ٍارشانا=وحنا ربيع للنفوس ومحلها
عند الملاقا مانهاب اقبلانا=نرسي لياحط الحديد بجملها
عن الردى والخوف تكرم لحانا=ولاتتطلب الأفعال من غير أهلها
ولاقول محد ٍبالفعايل سوانا=بين القبايل واجد اللي فعلها

عرض البوم صور نايف عقيلي المجلاد   رد مع اقتباس
إضافة رد

مواقع النشر (المفضلة)

جديد منتدى مجلس عنزة للموروث الشعبي



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:06 AM.

مركز تحميل الصورالعاب بنات
Powered by vBulletin Version 3.8.7
Copyright 2017 vBulletin Solutions, Inc. All rights reserved.
(( جميع الحقوق محفوظة لـ شبكة مجالس قبيلة عنزة))

مجلس مناسبات القبيلة - الموروث الشعبي للقبيلة - مواطن وانساب القبيلة - مجلس الوثائق التاريخية - مجلس القصص القديمة - مجلس التراث الشعبي - مجلس القبائل العربية

RSS - XML - HTML  - sitemap - sitemap2 - sitemap3

مجالس قبيلة عنزة

Add to Google Reader or Homepage

Subscribe in NewsGator Online

Add to netvibes