مجالس قبيلة عنزة

مجالس قبيلة عنزة (http://www.3nzh.com/vb/index.php)
-   قسم الحالات الإنسانية فقط (http://www.3nzh.com/vb/forumdisplay.php?f=70)
-   -   تكفووون ياعيال عمي لاتخلوني (( أدعوا له بالرحمة والمغفرة )) (http://www.3nzh.com/vb/showthread.php?t=48581)

آبوياسرالسلطاني 01-05-2010 04:38 PM

تكفووون ياعيال عمي لاتخلوني (( أدعوا له بالرحمة والمغفرة ))
 

يا الله يا الوالي على كل موجود =ياالواحد أشكي ضيقتي وإتكالي
يارب أنا من جملة الناس موعود=موعود في 'عفو' وسيع المجالي
منك يا موجد كل ما كان مفقود=تبقى وهذا الكووون بأمرك يزالي
هذي ثلاث سنين مبلي ومقرود=و الرابعه حانت وعزي لحالي
في وسط سجن فيه الأقدام بقيود = وشوف العجوووز اصبح صعيب المنالي
قضيتي قشرى و أنا إنسان محدود=و غديت في دنياء البقاء للريالي
أستغفر المولى عن أيامي السود=و أطلبه رحمه بعيشتي وإرتحالي
تكفون يا اللي للمعالي بكم زود=تكفون يا الويلان يهل المعالي
الموت حق ويومنا بوقت مرصود=عند الولي والعمر بالحيل غالي
وين عنزززه اللي تقود العرب قود=((اعيال وايل)) محتمين التوالي
أبدي بذكر الله ثم أذكر العوود= عبدالعزيزاللي بنى الصرح عالي
و فيصل و خالد و الفهد و أيضآسعود=و الليث "أبو متعب"عشيق المعالي
و سلطان أبو خااالد مواثيق وعهود=يعطي ولاياخذ من الناس مالي
والنائب الثاني على الجود موجود=صقر يصيد ومايصيد العضالي
نخيتكم ياأسياد ماعشتوا سيود=روفوا بحال اللي من العقل خالي
وأنخى بعدكم لابتي بكل مجهود=اعنوووز من شرق و جنوب وشمالي
"ولادعه " ربع بها الطيب مشهود=يشهد لهم من جاء برمي العقالي
وأنخى أنا "الفدعان" ذباحة الذود=و الدم من زود الكرم نهر سالي
وين "الروله"شعلان في راس عنقود=راعين علياء معتلين الجبالي
و "سبيع" عزا من نصاها ومسعود =عرفاء تشب النار في كل جالي
"منابهة" ترفع عن آيات منقود=معرووف عنهم من سنين طوالي
"سليمان وأولاده" كما عود ،،،كمبود=تشهد لهم كل العرب باالتعالي
و "المحلف" اللي بينهم صار محسود=يا سعد من هو صف صفر الدلالي
و"شراعبه" قوم إذا أمسيت مظهود=تصبح على عز ، ومعزه وفالي
وأخص من هو "بالعمارات" معدود=دهامشه و سلقا عمامي و خوالي
ربوعي محددة الجمل مرتقى سنود=يمكن غريبه الشئ ..و هذا خيالي
دهااامشه يوم الفرح باب مردود=تكفون ؛ ثم ؛تكفون ؛ تكفون ؛حالي ؛
ضاعت بها روح كما ملح بارود=ثارت ولا أدري وين أدور سؤالي
وجدي على ربعي السلاطين بالذود=و إخوان جحله البكور العوالي..
و ين المحاور و المساعيد و حمود=شحوم وخضير عجمات و بقالي
عياش مع جلعود محينات وذيود=شلخان وجميشات جعبان وتالي
زبنه و صليلات ربعي بهم فووود= فيهم فرح عيني وكبير الآمالي
يا عيال وايل عزوتي عشت منكود=بسبة طريق الشر ودرب الضلالي
ويلي عليكم عيشتي عيشة قرود=وين الشيوخ ؟ اللي تفك الحبالي
وجدي على الهذال وجد العمى العود=شيخ المشايخ عزوتي وراس مالي
و جدي على الطيار جود على جود=أبو عنززززه يوم إنها دون والي
وجدي على الإيداء شيوخ لها جنود=إخوان بقشه لا صلاء الوقت صالي
وجدي على الشعلان و قعقاع و أزود=و إبن نصير اللي في حلاله حلالي
وجدي على الملحم ولو يقطع حدود=وإبن اليعيش اللي دعاء له دعاء لي
وجدي على إبن مهيد يارب معبود=يرجع لنا بصوته صحيب الليالي
وجدي على المجلاد شجعان إعنود=تكفووون وضعي ما يبي له جدالي
و شيخي إبن قنفذ له الصدر محشود=غالي و لو طيبه قصر ما عنا لي
و ين إنت يا المرشد ذرى كل ملهود=و ين إنت يا نسل رفده يا الشمالي
و ين الفقارى و العواجي أبو آسود=و ين إنت يا إبن غبين والشك زالي
و ين إنت يا قعيشيش دربي به سيود=و ين إنت ياإبن هديب عقلي غدالي
و ين إنت ياضبيان من نسلك فهود=و ينك يا إبن عيده خصيم الموالي
و المعجل وجندل بوارق مع رعود=و إبن المجيد اللي برز كا الهلالي
و المرتعد وكحيل و ما كان مفقود=استسمحه و أطلب من الله مئالي
يفك عوقي وللصبر باب محمود=بوقفاتكم ياعزوتي يالرجالي
وين عنزه راسي من السيف ممدود="الفزعه" "الفزعه" تراني لحالي
و صلاة ربي كثر مايحرق خدود=دمع العجوز اللي شكت بعد غالي
إدعوا معي ياربعي اركوع وسجود=إدعوا لأن ((الله)) يجيب السؤالي


"إبنكم وأخوكم : محمدهزاع سعيدعبدالله الشحمي السلطاني الدهمشي العنزي
سجن محافظة حفرالباطن

فهد المجلاد 01-05-2010 07:38 PM

رد: قصيدة إلى قبيلة عنزه عامة ، وبعدهالكم القرار !
 

الحمدلله الذي لايحمد على مكروه سواه

قال الله تعالى : (وَهُوَ الَّذِي يَقْبَلُ التَّوْبَةَ عَنْ عِبَادِهِ وَيَعْفُو عَنْ السَّيِّئَاتِ وَيَعْلَمُ مَا تَفْعَلُونَ) الشورى/25 ،

وقال تعالى : (قُلْ يَاعِبَادِي الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ) الزمر/53

وقال النبي صلى الله عليه وسلم : (التَّائِبُ مِنْ الذَّنْبِ كَمَنْ لَا ذَنْبَ لَهُ) رواه ابن ماجه (4250) وصححه الألباني في صحيح ابن ماجه .

الأخوة الكرام

اخونا محمد السلطاني العنزي احد ضحايا اصدقاء السوء في قضية قبل 4 سنوات , ومحكوم عليه بالقصاص وهو الان تائب لله منذ فترة طويله ومشهود له بالاستقامة وكل مايرجوه هو رحمة الله وفزعتكم المعروفة

علما ان الموضوع ليس له علاقة بالمال ولكن له علاقة بالجاه والقدرة على انهاء موضوعه من عند ولاة الأمر حفظهم الله


اسأل الله العظيم ان يفرج همه ويفك كربته ويفرح عين امه وابوه بشوفته انه ولي ذلك والقادر عليه




سعود المسعودي 01-05-2010 08:13 PM

رد: قصيدة إلى قبيلة عنزه عامة ، وبعدهالكم القرار !
 
الحمدلله الذي لايحمد على مكروه سواه

اسأل الله العظيم رب العرش العظيم

ان يفك سجنك ويفرج كربتك انه ولي ذلك والقادر عليه

لاحول ولاقوة الا بالله

ابو ياسر تقبل تحياتي وجل تقديري

ضيف الله المشيطي 01-05-2010 08:44 PM

رد: قصيدة إلى قبيلة عنزه عامة ، وبعدهالكم القرار !
 
الحمدلله الذي لايحمد على مكروه سواه

اسأل الله العظيم رب العرش العظيم

ان يفك سجنك ويفرج كربتك انه ولي ذلك والقادر عليه

لاحول ولاقوة الا بالله

ابو ياسر تقبل تحياتي وجل تقديري

سعد السهلي 01-05-2010 09:23 PM

رد: قصيدة إلى قبيلة عنزه عامة ، وبعدهالكم القرار !
 
يارب فرج هم المهمومين ياحي ياقيوم
وانشاء الله ستنفرج اخي العزيز
لاحول ولاقوة الا بالله

طلال معيض السلمي 01-05-2010 09:38 PM

رد: قصيدة إلى قبيلة عنزه عامة ، وبعدهالكم القرار !
 
الله يفك اسرك وقصيدتك وصلت لولد سليمان

الصبر

عبدالله الوايلي 23-05-2010 01:31 AM

رد: تكفوووووون ياعيال عمي لاتخلوني
 
لاحول ولاقوة الا بالله

ان شاءالله ان قبيلة الحكام والملووك ماتخليك واللي ذكرتهم بقصيدتك ماخلوا بناخيهم مبطي وشلون الحين

الله يكتب لك الفرج القريب ان شاءالله تعالى

محمد السديس 23-05-2010 02:09 AM

رد: تكفوووووون ياعيال عمي لاتخلوني
 
اللهم فرج همه وفك اسره ورده الى اهله طيباً معافا

سعود الشمالي 23-05-2010 02:21 AM

رد: تكفوووووون ياعيال عمي لاتخلوني
 
اللهم فرج كربتك ياحي يافيوم


الساعة الآن 08:50 AM.

Powered by vBulletin Version 3.8.7
Copyright 2017 vBulletin Solutions, Inc. All rights reserved.

(( جميع الحقوق محفوظة لـ شبكة مجالس قبيلة عنزة))