المساعد الشخصي الرقمي

مشاهدة النسخة كاملة : احدى من قصايد عقاب العواجي


شجاع تبوك
04-12-2007, 08:18 PM
السلام عليكم ورحمة الله وبركاته

الكل يعرف الفارس والشاعر والشيخ عقاب العواجي واخوه حجاب ابناء الشيخ والشاعر والفارس سعدون العواجي الله يرحمهم جميعا وهم شيوخ
فخذ ( ولد سليمان ) من قبيلة عنزه ذائعة الصيت ، وفي غزوه من غزوات عقاب العواجي صادف ثلاثمائة فارس من فرسان حرب وكان معه ثمانون فارسا فوقع الطراد بينه وبينهم وحصلت خسائر بين الجميع ولم يغنم إبلا من حرب ، رغم انه لم يغز الا من أجلها ، وأثناء رجوعه وعند وصوله الى أحياء قبيلته ، اعترضته فتاة تسأله عن حليلها ، وكان من الفرسان المرافقين له فقالت :


ياعقاب ياحبس الضعن باللقا الشين = ياللي حريبك بالهزيمه يمنّا

عيّنت ذيب الخيل يوم الأكاوين= نور العيون بغيبة الشمس عنا

هو سالم ولا رموه المعادين = يا عقاب خبرني تراي اتمنا

فأجابها عقاب قائلا :


يا بنت ياللي عن حليلك تسألين = حنا لنا حيّي يسألون عنا

خمسة عشر ليله على الوجه مقفين = ندور وضح بالأباهر تحنا

وشفنا هل البل شاربين الغلاوين = من دون رخم للحويّر تحنا

جونا ثلاثمية وحنا ثمانين = مثل المحوص الشلف منهم ومنا

وبانت رديتهم وشفنا الرديين= وكل عرفنا عزوته يوم كنا

ليتك تراعي يا عذاب المزايين = يوم أن عيدان القنا يطعننا

منا حليلك طاح بين المثارين =في ديرة فيها الوضيحي تثنا

ومنهم جدعنا عند شوقك ثلاثين= وكم خير من راس رمحي يونا

في ساعة فيها تشيب الغلامين= انطح نحور الخيل يوم اقبلنا

ياما نقلت الدين والحقته الدين= وحريبنا في نومته ما تهنا

أرسي لهم يا بنت وانتي تعرفين = لياما حمام النصر رفرف وغنا

وأردها وألحق ربوع مخلين =بوجيه قوم يطلقون الأعنا

عاداتنا نخلي سروج المسمين = ونروي حدود مصقلات تجنا

وقلايعي من نقوة الخيل عشرين = قب ولا فيهن ثبار ودنا
وسلامتكم

بهذه القصيده أخبرها عقاب بأن زوجها قد قتل .


أتمنى ان تكون القصيده أعجبتكم





منقول

فواز الغسلان
04-12-2007, 08:29 PM
كل الشكر اخوي شجاع تبوك واكيد راح تعجبنا

طالما انها لاحد اعلام نجد المشهورين بالفروسيه والتاريخ المجيد00

تحياتي لك00

فائزالعنزي
06-12-2007, 10:56 AM
انعم واكرم بقبيلة ولد سليمان
اهل الفخر والمكارم والسطوة

بن راقي العنزي
06-12-2007, 11:19 AM
شجاع تبوك اهنيك على اختيارك الرائع

عقاب وماادراك ماعقاب

طرا علي :

واسلم وسلم لي على عقاب وحجـــاب *** سلم على مضنون عيني إلى الــفيت
بالحال خص عقاب فكاك الانشــــــــاب *** ينجيك كــان انك عـن الحـق عـــديت


تحياتي لك ياذوق

شجاع تبوك
08-12-2007, 02:38 PM
اشكركم على مروكم الطيب
واسعدني ردودكم العذب

أبراهيم الحمدان
08-12-2007, 02:44 PM
بسم الله الرحمن الرحيم
أخوي شجاع تبوك قصة رائعة ومشكور الف الف شكر على نقلها والقصيدة أروع وصح لسانك ولسان قايلها

بوعبدالعزيزالرداد
17-04-2008, 05:42 PM
كل الشكر اخوي ولاهنت ونعم بالعواجية

خالد الجعفري
17-04-2008, 06:23 PM
الشكر الجزيل على من نقل لنا هذه القصيده من فارس سطر التاريخ له ويشهد التاريخ بمافعل
وماهيب غريبه على ولد سليمان وتقبل تحيات اخيك/عقاب عنزه

فواز الزميع
18-04-2008, 12:35 AM
أخوي شجاع الله يعطيك العافيه على ماكتبت عن هذا الشيخ الفارس الذي ربطة الفروسيه به وهو ممن أشتهرو بين كل القبائل ونعم بالعواجيه من أولهم إلى تاليهم أشكر كل الشكر على ماكتبت