المساعد الشخصي الرقمي

مشاهدة النسخة كاملة : قصة وقصيدة صقار القبيسي /// ترى الخوي والضيف والثالث الجار !!!!


د/عبدالعزيز الصقري
09-11-2007, 02:01 AM
السلام عليكم ورحمة الله وبركاته ... اعضاء وزوار المجالس الكرام ...

حبيت انقل لكم القصة والقصيدة هذي ..

للشاعر صقار بن مهنا القبيسي الفضلي اللامي من طيء ...



هذه من القصص القديمة يتداولها الرواة بطرق مختلفها وقد جرت احداثها في بادية العراق قبل اكثر من 170 سنة تقريباً, و مضمونها ان قوم من شمر اغاروا على قبيلة الدليم احدى قبائل العراق , ولكن الدليم انذروا بهم فخرجوا لمواجهتهم فما كان من غزوا شمر الا ان زبنوا والتجوا الي أهل القبيسة أحدى قرى العراق – وقيل انهم اخلاط قبائل تحالفوا فيما بينهم و تعاهدوا على قبس نار الحرب دفاعاً عن بعضهم فاطلق عليهم لقب القبيسات - فلما علم شيخ الدليم الشيخ علي السليمان الدليمي ارسل الى أهل القبيسة يطلب منهم تسليمهم والا سوف يحاربهم . ولكن تصميم اهالي القبيسة كان قويا على حماية جيرانهم والدفاع عنهم , فوقفوا دونهم . فلما راى شيخ الدليم قوة باسهم وشجاعتهم تراجع عن مهاجمتهم وقال الشاعر صقار القبيسي بهذه المناسبة قصيدته يتشره فيها على شيخ الدليم علي السليمان وهي كالتالي :





ياراكب حمرا من الهجـن معطـار=مـا قربـت عنـد العقيلـي اتثـنـا
تشدا قرانيس القطـا حيـن ماطـار=ملفاك علـي الشيـخ زبـن المجنـا
امر سديته يا علي مـا بعـد صـار=جيتوا تبون اضيوفنـا غصـب عنـا
رجالنا يفـرح الـي شـاف خطـار=يقحص لهم عجـل اهـوب ايتونـا
لاجن يسوجن السفايـف والاكـوار=لا لــوذن ببيوتـنـا يرجـهـنـا
اول قراهـم مـن حليـات الاثمـار=غرايس (ن) من طلعة سهيل اثمرنـا
وثاني اقراهم دلة(ن) نصفها ابهـار=بنجر (ن) نلاعي به على كـل فنـا
وثالث اقراهم حايل (ن) دوم تنـدار=ومناسـف (ن) لضيوفـنـا ينقلـنـا
وش عذرنا من لابس الخصر وسوار=اللـي يرشـنَّ الـذوايـب بحـنـا
واليـا عطينـا ضيفنـا مالنـا كـار=نلوذ عـن زيـن المضايـف بعنـا
ترى الخوي والضيف والثالث الجار=مثل الصلاة ما بين فرض (ن) وسنـا
واللي زبنا زابن (ن) ضلع سنجـار=والحرب نرسي له الـي ثـار حنـا
تسعين ليلة واشهب الملح بـه ثـار=وقـت المنـام ايطيّـر النـوم عنـا
محمد بناها واودع السـور منـدار=وهلهل علي درب السلامـه وغنـا

ماجد الولدعي
10-11-2007, 06:03 AM
لاهنت يالصقري على نقل القصه الرائعه بالفعل وبيض الله وجهك

وتراني طمعان بالجديد .. لاتطول يالقرم

...

د/عبدالعزيز الصقري
10-11-2007, 10:36 PM
لاندمت ووجهك ابيض كحيلان الشمال .. وابشر بالجديد تستاهل ...

شاكر لك طيب المرور... الله يعطيك العافيه..

خلف الغريب
10-11-2007, 11:45 PM
اخوي عبد العزيز الصقري :

عز الله ما قصرت ..... كفيت ووفيت يا بعد راسي ..


هذه شيم العرب الكرام في حماية الجار و الدخيل واكرام الصاحب والخوي...

بيض الله وجهك ...

د/عبدالعزيز الصقري
11-11-2007, 01:33 AM
وجهك ابيض شاعرنا خلف الغريب ...
لاندمت على هالمرور الغالي ...
شاكر لك طيب المرور شاعرنا .. الله يعطيك العافيه ...

فواز الغسلان
11-11-2007, 02:26 AM
اخوي عبدالعزيز تسلم والله اختيار موفق ونقل جزل وسالفه طيبه

ننتظر المزيد من هذه المشاركات المفيده

تحياتي لك00

د/عبدالعزيز الصقري
11-11-2007, 06:54 PM
الله يسلمك يابو فهد ...

تبشر انشالله ولو ان النوادر كلها عندك ...

الله يعطيك العافيه على المرور الطيب ...

عبدالعزيز~القبيسي.
10-02-2010, 12:30 AM
يابعدي انا عبدالعزيز بن محمد القبيسي
وترى صقار هذا شيخنا

عبدالعزيز~القبيسي.
10-02-2010, 12:33 AM
فديتك اخوي ترى انا عبدالعزيز بن محمد القبيسي وحبيت اقولك مشكور على نشر هذا القصيده
وانا حبيت اقولك ترى صقار هذا شيخنا

سليمان الجعفري
10-02-2010, 07:08 PM
الاخ العزيز/ عبد العزيز الصقري

عز الله ما قصرت ياالغالي كفيت ووفيت الله يعطيك الف عافيه

هذه شيم العرب الكرام في حماية الجار والدخيل واكرام الصاحب والخوي

بيض الله وجهك على الموضوع الرااائع والنقل المميز..لاهنت

لك اجمل التحايا والاحترام

تركي الصقري
14-02-2010, 09:14 PM
الاخ العزيز/ عبد العزيز الصقري


عز الله ما قصرت ياالغالي كفيت ووفيت الله يعطيك الف عافيه


هذه شيم العرب الكرام في حماية الجار والدخيل واكرام الصاحب والخوي


بيض الله وجهك على الموضوع الرااائع والنقل المميز..لاهنت


لك اجمل التحايا والاحترام